RSG Landbou

Die inkbessie is nogal 'n plaag in Suid-Afrika. Dr. Charlie Reinardt van die Villa Akademie gesels oor die plant en waar dit voorkom. Daar is ook 'n gesprek met prof. Gerry Swan van die Fakulteit Veeartsenykunde aan die Universiteit van Pretoria oor die krokodilspesialisgroep wat navorsing doen op die huide van krokodille. En Lindie Stroebel van die Produktemarkassosiasie gesels oor die rol van hi...

Dr. Helette Lamprecht gesels oor die pasafgelope SASSAS-konferensie en die studentevasvra wat daar gehou is. Daar is ook 'n bydrae oor die nut van medisinale plante op die plaas.

Die departement van Landbou in die Wes-Kaap se Bonsmaraprojek het die vermeerdering en verspreiding van geneties meerwaardige teelmateriaal by ontwikkelende boere ten doel.

'n Nuwe 4-jaar B.Sc-landboukursus is gerig op persone wat in 'n gemengde boerdery-omgewing opgang wil maak.

Grondmikrobes speel 'n lewensbelangrike rol in die natuur. sê Owen Rhode van die LNR op Potchefstroom. Daar is ook 'n bydrae deur Leon de Beer van die NWKV oor 'n genetiese verbeteringsprogram vir ontwikkelende skaapboere, wat al goed op dreef is.

Boere wat droogtehulp uit verskeie oorde ontvang, moet versigting wees met die hooi wat van elders af kom want dit kan met siektes besmet wees. Daar is ook 'n bydrae oor die gebreke aan die rooivleisklassifikasiestelsel.

Natuurboerdery is 'n konsep wat by ZZ2 beoefen word. Prof. Erik Holm vertel wat die voordele van so 'n boerdery is. Daar is ook 'n gesprek oor Afrika Varkpes wat op 'n paar plase uitgebreek het. En Helene Pfeiffer van die MPO gesels oor die opdatering van hulle databasis van mentors.

Nuwe kunsmistegnologie sal bespreek word tydens Fertasa se simposium wat later vandeesmaand in Pretoria plaasvind. En die nuwe voorsitter van die SA Pluimveevereniging, Achmat Brinkhuis, vertel hoe die AGOA-ooreenkoms Suid-Afrikaanse pluimveeboere raak.

SA produsente wat produkte na die VSA uitvoer, moet ook na ander lande diversifiseer wat 'n beter groeipotensiaal toon, blyk dit uit 'n studie oor die AGOA-ooreenkoms.

Wanneer 'n bewustelose dier se hoofslagaar gesny word, moet die snyproses binne 60 sekondes ná verdowing afgehandel word.

Karin Venter kuier by Nelius van Greunen in die George-omgewing. Die Van Greunen-broers se hoofaktiwiteit is melk, maar dan is daar nog aartappels en bloubessies. Daar is ook 'n gesprek met Gerrit van der Merwe, 'n sitrusboer van Sitrusdal. Die wisselkoers van een van sy grootste uitvoermarkte, Engeland, het teen die sitrusuitvoerders gedraai, en hulle kry nou baie minder vir hulle vrugte as voorh...

Onafhanklike ontleder Frans de Klerk sê Brexit is positief vir boere wat aktief op die uitvoermark is. Dr. Dave Midgley gesels oor die winter en skaapsiektes, en Gerrie van der Merwe brei uit oor akwakultuur in Suid-Afrika.

Klimaatsverandering kan 'n wesenlike uitwerking op onkruid hê. Prof. Charlie Reinard praat hieroor na aanleiding van 'n konferensie wat hy in Praag bygewoon het. Daar is ook inligting oor hoe 'n boorgat getoets moet word, en Diederik Vermeulen vertel van 'n jongooiklub-byeenkoms wat op Philipstown plaasvind.

Skaapbrandsiekte is 'n aanmeldbare siekte. Lizaane Celliers van die Prieska-omgewing vertel hoe dit behandel moet word. Daar is ook 'n bydrae oor 'n navorsingsprojek wat deur die LNR met die Afrikanerbeesras onderneem word.

Voedselwetenskaplikes doen forensiese ontledings om die voorkoms en verspreiding van patogene in 'n fabriek op te spoor.

Sekere riviervisse verskyn op die rooidatalys weens die teenwoordigheid van indringer uitheemse roofvisse.

Lise Roberts gesels met Riaan Badenhorst wat 'n Sprinkaanbeampte op Hopetown is. Hy vertel wanneer sprinkane moontlik 'n plaag in daardie gebied kan word. Daar is ook 'n gesprek met dr. Louis du Pisani oor die waarde van koggelramme.

Dr. Louis du Pisani van die NWKV vertel wat gedoen moet word in Junie as dit by skape kom. Daar is ook 'n gesprek met Rina Belcher van Belnori kaasboetiek wat 'n qualite toekenning gekry het vir haar haar leiersrol in die kaasbedryf. En daar is 'n interessante geselsie oor watervoëls op die plaas.

Basterkrag is 'n belangrike komponent van veeteelt. Dr. Michael Bradfield van Breedplan praat uitgebreid oor die voordele van basterkrag. Daar is ook 'n bydrae oor die verblyfreg van swart arbeiders wat soms op plase woon en elders werk. En Nick Serfontein van Sernick gesels oor planne om 'n Bonsmara-handelsmerk te vestig.

'n Interessante studie is onlangs gedoen oor 'n groot deel van die landboumark. Dr. Schalk van Vuuren veruidelik hoe verskeie vennote hand gevat het in die projek. Daar is ook inligting oor 'n wildveiling wat by Castle Dewild sal plaasvind. En Corne Louw het nuus oor die verwagte insetpryse vir Julie.

'n Derde van alle voedsel wat wêreldwyd geproduseer word vir menslike gebruik, word vermors.

'n Trekker-instrumentasiestelsel meet werkspoed, wielglip, enjinrevolusies, brandstofverbruik en trekkrag.

Lise Roberts gesels met prof. Johan Kirsten van die Fakulteit Landbou-ekonomie aan die Universiteit van Pretoria oor die vordering wat met die Karoolamprojek gemaak is. Daar is ook 'n gesprek met Philip Retief van Van Loveren oor die De Goeree-transformasieprojek. En Johan van den Berg van Santam Landbou kyk na weertendense.

Lise Roberts gesels met Johan Heine van Working on Fire oor die stand van die brandgevaar, en wat boere kan doen om brande te help voorkom. Daar is ook 'n gesprek met Kobus Breytenbach na aanleiding van 'n vergadering wat AgriSA met die topstruktuur van die SAPD gehad het.

Daar is 'n denkpatroon dat as jy makadamias produseer, loop dinge altyd reg. Lindie van Rooyen praat oor die makadamiasituasie in die wêreld waar 'n oorproduksie dreig. Daar is ook 'n gesprek met dr. Robin Meeske oor kuilvoer in droogtesituasies. En 'n bekende melkboer van Theunissen, Koos Pienaar, gesels oor die verandering in die melklandskap soos wat konsentrasies plaasvind.