RSG Landbou

Die Sernick Groep het vir nog twee eenhede FSSC-sertifisering ontvang; Butch van Blerck, 'n regsgeleerde praat oor die verantwoordelikheid van die koper en verkoper van 'n dier met siektes; en hoor hoe die sampioenbedryf daaruit sien.

Lise Roberts gesels met Danie Marais, besturende direkteur van NWK, oor sy loopbaan. Hy lê aan die einde van November die tuig neer. En tydens die somermaande kom virale-siektes ook onder vee voor. Hierdie siektes is ongevoelig vir antibiotieka, maar wat nou? Dr. Henk Visser van Ubuntu Veeartsenydienste van Mokopane het raad.

Jan-Hendrik Venter van die Departement Landbou verduidelik hoe Tuta Absoluta, of die tamatieblaarmynermot, uitgeken kan word. En Albertus Lombard van Aqua-earth fokus praat oor die koste van boorgate.

'n Meesterskaapskeerder van Brittanje is aan die woord, en ons hoor van die jongboer van die Noord-Kaap, Vicky Bruwer. Daar is ook 'n bydrae van Albert van Rensburg van Biomin oor alternatiewe groeibevorderaars. En 'n vermaarde afslaer, Deon Klopper, gesels oor sy 25 jaar in die bedryf.

Boere gaan al hoe meer aanlyn om meer uit te vind van die jongste navorsing wat hulle an help met besluitneming. Tyd ontbreek soms om 'n werkwinkel by te woon, maar wat is tans aanlyn beskikbaar? Chris Viljoen verneem wat die landbouwaardeketting inhou by twee navorsers en landbouleiers.

Chris Viljoen praat oor 'n nuwe hoë opbrengs koringkultivar, 'n wynbedryfoorsig, 'n uitnodiging om nuwe vrugtekultivars te besigtig, twee beurse vir tersiêre studie aan landbouskoolleerders en Fruitlook as hulpmiddel in droogtes.

Prof, Dietmar Holm praat oor Brucellose en veilings. Daar is ook 'n terugblik op die Beesplaas Boerdedag, en Wessel Lemmer van Absa Agribesigheid kyk na die moontlikhede vir olyfproduksie in Suid-Afrika.

Dawie Maree van FNB kyk na somergraan-produksiekoste. Daar is ook 'n gesprek met 'n landbou-egpaar van Beskuitfontein naby Middelburg in die Kaap. En dr. Belinda Jansen van Rensburg gesels oor siekte-ontwikkeling tydens droogtes.

Marike Brits was by die Agri-Expo Livestock wat onlangs in Stellenbosch plaasgevind het. Sy gesels onder meer met Jan van Zyl, 'n Brahmanboer. Daar is ook inligting oor doeltreffende roofdierbeheer, en dr. Chris van Dijk van die MPO gee terugvoer oor die IDF-konferensie wat in Rotterdam plaasgevind het.

Louis Meintjies van die TLU vertel van 'n projek goedkoper diesel aan boere te verskaf. Daar is ook 'n bydrae oor die Sybokhaarvereniging wat 'n groot skou en veiling op Willowmore aanbied. En Louise Mari van Zyl gesels verder oor die impak van landbou op die omgewing, en aan watter vereistes boere moet voldoen.

Daar kom tussen 5,000 en 6,000 verskillende plante in die Karoo voor.

Die tamatie-blaarmyner maak sy verskyning in Suid-Afrika.

Die Nasionale Jeugskou bied 'n geleentheid vir jong mense om blootstelling aan die landbou te kry. Usula Human gesels met van die beoordeelaars wat betrokke is by die skou. Prof. Charlie Reinard, 'n onkruidkundige, praat oor onkruid en aardverwarming. En daar is 'n gesprek met dr. Santjie Pieterse oor die uitbreking van Brucellose in haar kudde, en hoe sy dit hanteer het.

Reënwateropvangs kan in die toekoms 'n belangrike rol speel in die beskikbaarheid van water. Dr. Kobus Botha van die LNR vertel meer oor hierdie konsep. Een van die finaliste in die GraanSA Syngenta Boer-van-die-jaar kompetisie is Johan Willemse. Hy is een van twee broers wat aan die kompetisie deelgeneem het, en Lise Roberts gesels met hom. Wessel Lemmer van Absa Agribesigheid neem die nuwe korin...

Lise Roberts gesels met die wenner van die Toyota AgriSA jongboer van die jaar-kompetisie, Jaques Beukes. Dr. Michael Bradfield praat oor die Aldam Vleisbeesskool, wat jaarliks plaasvind by Aldam. En daar is wolwenke van dr. Louis du Pisani van die NWKV.

Lise Roberts kyk na die kwaliteit van die Suid-Afrikaanse wolskeersel. Jan-Louis Venter van die NWKV gesels oor die probleme wat ontstaan as wol se gehalte nie behoorlik bekyk word nie. En daar is 'n bydrae oor die impak van landbou op die omgewing, en aan watter vereistes grondeienaars moet voldoen.

Chris Viljoen gesels met 'n 90-jarige wat nog voluit met tafeldruiwe boer.

Die Tesco nurture-skema maak van 1 Januarie 2017 af deel uit van die Global Gap weergawe 5.

Volgens Johan van den Berg van Santam Landbou is toestande in die Indiese Oseaan baie gunstig vir reën oor Suid-Afrika. Daar is ook 'n bydrae deur dr. Paul Lubout oor genetika en die wildbedryf, en dr. Sewellyn Davey van Elsenburg praat verder oor die gevreesde Brucelose-siekte. Dave Duncan van Subtrop gesels ook oor die tekort aan avokado's.

Die Wes-Kaap, veral die Rûens-gebied, is bekend vir sy koringproduksie. Dr. Ian Heyns van die Instituut vir Kleingraan gesels oor produksie in die gebied. Daar is ook 'n gesprek met Dissie Kruger, een van Graan SA Syngenta se finaliste. Dr. Clint Austin van Bayer Dieregesondheid gesels ook oor parasietbeheer op plaashonde.

Marike Brits het met 'n paar deelnemers op Morgenzon gepraat oor hulle deelname aan die Nasionale Jeugskou. Breyton Milford, die voorsitter van die Jeugskou, neem ook vanjaar se byeenkoms in oënskou. En daar is 'n bydrae oor die Safex-werkswinkel wat elke jaar deur die Departement Landbou-ekonomie aan die Vrystaatse Universiteit aangebied word.

Die Wagyu-beesras van Japan is bekend vanweë die goeie marmering in sy vleis. Izak Hofmeyr praat met Karel Teseling wat in Australië woon, oor die beesras. Daar is ook 'n gesprek met Omri van Zyl van Agri SA oor die stand van droogtehulp. En Dawid Nel gesels oor die internasionale Dorperveiling wat eersdaags op Upington gehou word.

Dogters van die Augsburg Landbougimnasium op Clanwilliam bied sterk kompetisie aan hulle seuns-eweknieë.

Wanneer is ek 'n watergebruiker? Waarom moet ek waterverbruik registreer?

'n Staatsveearts, dr. Sewellyn Davie, gesels oor die beheermaatreëls vir brucellose. Daar is ook 'n gesprek met Craig Shepstone oor die voeding van wild in droogtetoestande. Johannes Moller, die president van Agrisa, kyk terug na die pas afgelope kongres van die organisasie. En Jompie Burger van die Suiwelstandaarde-agentskap gesels oor die verpakking van suiwelprodukte.