RSG
RSG Landbou
'n Program vir boere dwarsoor die land.
Be sure to visit the podcast's website and support the creator: www.rsg.co.za
Where to listen?
Podcasts in the app Replaio Radio Coming soonPodcasts are coming to the app soon. Install now and be the first to see a whole new take on podcasts
Episodes
RSG Landbou 26.07.2017 28:39
Waarom is insekteling belangrik vir die landbou? Daar is ook 'n bydrae van SA Stamboek oor teelwaardes vir vleisbeeste, en Jonathan Deale gesels oor skaliebreking in die Karoo.
RSG Landbou 25.07.2017 26:39
Een van die baanbreker-voedingsmaatskappye in Suid-Afrika, Meadow Voere, is vanjaar 75 jaar oud. Hennie Maas gesels met Chris Schutte van Astral Foods oor die besondere gebeurtenis. Hy kyk ook terug na voerformuleringsmetodes van weleer. Daar is 'n gesprek met dr. Bernice Mostert van SA Stamboek oor teelwaardes by melkbeeste. En Jan Jacobs gesels oor hidroponiese groenvoer.
RSG Landbou 24.07.2017 29:04
Kiwivrugte is al 'n geruime tyd in Suid-Afrika. Lise Roberts praat met John Rahme oor die besonderse vrug wat van Nieu-Seeland af kom. Daar is ook 'n gesprek met Carl van Heerden oor die voedingsbehoeftes van groentegewasse.
RSG Landbou 21.07.2017 12:30
Met die uitsondering van Suid-Afrika, word daar nêrens ter wêreld kersies geproduseer aan die begin van Oktober nie. Die geleentheid moet deur plaaslike produsente benut en uitgebrei word. Chris Viljoen gesels hieroor met 'n navorser wat pas van Japan teruggekeer het.
RSG Landbou 21.07.2017 14:59
'n Opname in die Noord-Kaap wys dat sowat 760,000 skape voer benodig om te oorleef; 'n Landbouskool botteleer en etiketteer hulle eie wyn vir die mark; leierskap, bestuur en waardegedrewe maatskappye kom onder die soeklig; VLV-dames verleen hulp ná 'n koshuis op Britstown afbrand; en inwendige parasiete kan floreer by waterkrippe wat oorloop.
RSG Landbou 20.07.2017 27:25
Koos Nel van Old Mutual Agrimark praat oor aftreebeplanning vir boere. Daar is ook 'n gesprek oor die stand van die makadamiabedryf. En Johan van den Berg gesels oor die tydskale van weervoorspellings.
RSG Landbou 19.07.2017 29:32
Carin Venter het by die Angorabok-konferensie gaan inloer, en praat met 'n paar boere oor die kongres. Natuurlike middels soos Fulviensuur is waarskynklik die antwoord op die tekort aan antibiotika.
RSG Landbou 18.07.2017 28:39
As daar een saak is wat 'n boer na aan die hart lê, is dit die weer. Ons praat onder meer oor die El Niño- en La Niña-natuurverskynsels, en gesels met Elsa de Jager van die Suid-Afrikaanse Weerdiens oor die sake. Dr. Koos Coetzee, die hoofekonoom van die Melkprodusente-organisasie, praat verder oor plaaslike en internasionale suiweltendense.
RSG Landbou 17.07.2017 29:46
Hoe doeltreffend is sonkragpanele op die plaas? Dít is een van die vrae wat ons aan Stefan Steffens gestel het. Ons gesels met Bonne de Bod oor renosterstropery, en Albert van Rensburg vertel vir ons hoe om doeltreffende kuilvoer te maak met behulp van kuilvoerinokkulante.
RSG Landbou 14.07.2017 12:30
Sowat 20 000 inheemse bome waaronder olienhout, witstinkhout, boekenhout en wit- en rooi karee word een keer per jaar aan boere beskikbaar gestel by die Kluitjieskraal kwekery naby Wolseley. Chris Viljoen het vanjaar se boomdag bygewoon.
RSG Landbou 14.07.2017 15:00
Chris Viljoen fokus op die Infrastruktuur in die Oos-Kaap, die Universiteit van Stellenbosch se jaarlikse produksieveiling, D-dag vir validasie en verifikasie in die Berg-Olifants wateropvanggebied, landbousertfisering en die Plaaswerkersforum.
RSG Landbou 13.07.2017 26:14
Die Sernick-groep het in 2015 'n interessante proef gedoen om voerkraal-doeltreffendheid te verhoog. Ons gesels met die proefleier, Philip Oosthuyzen, oor die afloop van die proef, en hy verduidelik vir ons wat verder beplan word. In Weerwaarhede praat Johan van den Berg oor die dinamiek van die kweekhuiseffek. Daar is ook 'n gesprek met Pieter du Plessis oor besigheidsbeginsels in landbou en op d...
RSG Landbou 12.07.2017 29:15
Ons gesels met dr. Charlie Reinard oor plante se wonderlike vermoë om hulself te kan beskerm. 'Daar sit meer in 'n mieliepit as net die pit,' Pieter Taljaard van Monsanto verduidelik vir ons watter tegnologieë gebruik word om 'n mieliepit die gewenste opbrengs te laat kry, en daar is 'n interessante gesprek met Niel Kirstein oor perde-uithouritte.
RSG Landbou 11.07.2017 27:29
Om te weet is om te weet! Dít is die slagspreuk van sake soos melkaantekening. Ons gesels met dr. Japie van der Westhuyzen van Stamboek Suid-Afrika oor díe meetbeginsel, wat die voordele daarvan is en hoeveel meting kos. Ons is in die middel van die winter en in die somerreënvalgebied is dit die droë-seisoen. Philip Meiring van Voermol gesels oor die voedingsbehoeftes van produksiediere hierdie ty...
RSG Landbou 10.07.2017 29:02
Weerstandigheid teen antibiotieke is nie net 'n probleem by die gesondheid van die mens maar ook dier. Dr Johan van Rensburg gee meer besonderhede hieroor. Dan is Steyn Prinsloo aangewys as die Mpumalanga Landbou Jongboer vir 2017 en hy boer in die Kiepersol omgewing. Hennie Maas gesels ook met Louis Steyl oor die genomiese teelwaarde vir die Bonsmara.
RSG Landbou 07.07.2017 12:30
Is die hout van 'n boom wat doodgebrand het steeds benutbaar en wat word bedoel met 'n vuurgedrewe plantegemeenskap.
RSG Landbou 07.07.2017 14:58
Chris Viljoen fokus op die pleidooi vir verdere voerbydraes vir die Wes-Kaap, asook die toekoms van wildlewe in dele van die Suid-Kaap waar die habitat afgebrand het. Dan vra hy ook hoe oortyd berekend word, wat is die voorkoms van plantluise wat virusse na koring oordra en Chris kyk na kursusse in arbeidsverhoudings en wild- en natuurlewebestuur.
RSG Landbou 06.07.2017 28:11
Hennie Maas gesels met Johann van der Berg van Santam Landbou in die reeks, Weerwaarhede oor die Indiese Oseaan dipool indeks. Die Suid-Afrikaanse veld is fosfaat-arm en Mari Strauss verduidelik wat is die effek hiervan op dieregesondheid. Dan is die Dexter telergenootskap by die Landbouskool Hendrik Potgieter betrokke en Ockie Barnard verskaf meer besonderhede.
RSG Landbou 05.07.2017 28:34
Wat is gesonde grond? Dít is die vraag wat Owen Rhode van die IGG beantwoord. Hennie Maas gesels met die nuutverkose President van die Wêreld Landbou-organisasie, dr. Theo de Jager, wat vir die volgende twee jaar in die hoedanigheid moet optree, en Kevin Nel van Monsanto verduidelik vir ons wat grysblaarvlek is.
RSG Landbou 04.07.2017 29:28
Hulle sê 'n boer is eintlik 'n risikobestuurder. Dit is waar as dit by sake soos weersomstandighede kom. Johan van den Berg van Santam Landbou praat oor klimaat-risikobestuur. Daar is 'n bydrae oor lamsiekte deur dr. Faffa Malan, en Julie Truter gesels oor die Karoo Ranching filmfees wat onlangs plaasgevind het.
RSG Landbou 03.07.2017 30:19
Lise Roberts praat oor dekgewasse, en Dawie du Plessis van Agricol brei uit oor die verskillende soorte gewasse wat op verskillende plekke in die land sal aard. Daar is 'n bydrae oor die droogtehulp wat in die Noord-Kaap verleen is, en Gary Arnold van Astral brei uit oor die voëlgriep wat in Suid-Afrika gediagnoseer is.
RSG Landbou 30.06.2017 12:28
Waarom sou 'n boer dit oorweeg om 'n hommeltuig of drone aan te skaf om die gebeure op die plaas dop te hou? Soos byvoorbeeld met die vastelling van veegetalle, of om te kan sien of daar voldoende water beskikbaar is, die nagaan van kampdrade of die gesondheid van die gewasse op die plaas. Chris Viljoen gesels met 'n navorser wat 'n passie het vir díe ontluikende wetenskap.
RSG Landbou 30.06.2017 14:59
Chris Viljoen gesels oor bye se aanpassings om die sowat 20 000 verskillende plante in ons land te bestuif, foto-voltaïese panele wat water uit afgeleë boorgate vir veesuipings kan pomp, waarom watergebruik gevalideer en geverifieer moet word, die wisselkoers se rol in die inmaakvrugtebedryf, en die Eden distrik wat toetree tot die Plaaswerker van die jaar-kompetisie.
RSG Landbou 29.06.2017 29:14
Die begrip 'koue eenhede' word meestal verkeerd verstaan. In sy gereelde rubriek, Weerwaarhede, verskaf Johan van den Berg van Santam Landbou agtergrond oor hoe koue eenhede bereken word, en vertel ook hoekom díe eenhede so belangrik is in landbou. Verder is daar 'n gesprek met Tony Esmeraldo van Dupont oor 'n tegnologie sentrum wat onlangs in die omgewing van Delmas geopen is.
RSG Landbou 28.06.2017 30:23
Wildboerdery het die afgelope paar jaar baie aandag gekry, maar min word gesê oor boer met kleinwild. Hennie Maas gesels met Arnaud le Roux oor die sake waarna 'n kleinwildboer moet oplet. Verder is daar 'n gesprek met dr. John Purchase oor die Ifama-kongres wat in Miami in die VSA plaasgevind het, en Willem Eigenhuis gesels oor 'n besondere landboutoepassing wat vir boere ontwikkel is.
Similar podcasts
Replaio is not a podcast publisher; show names, artwork and audio belong to their authors and are distributed through public RSS feeds.