RSG

RSG Landbou

Society AF ↓ 3681 episodes

'n Program vir boere dwarsoor die land.

Be sure to visit the podcast's website and support the creator: www.rsg.co.za

Author

RSG

Category

Society

Podcast website

www.rsg.co.za

Latest episode

Nov 21, 2026

Where to listen?

Podcasts in the app Replaio Radio Coming soon

Podcasts are coming to the app soon. Install now and be the first to see a whole new take on podcasts

Get it on Google Play Install for free Android 10M+ downloads · 4.7+ rating iOS soon

Episodes

RSG Landbou 22.09.2017

Veevermindering gaan gepaard met 'n afname in die drakrag op 'n plaas. Daar is aad vir wingerdboere in die droogte. Die Anuga Wêreldvoedselskou word aan die begin van Oktober in Duitsland gehou. Landbouskool-leerders ontvang onderrig van die SA Besproeiingsinstituut. En ondersteuning aan mekaar in dae van moedeloosheid op die plaas.

RSG Landbou 21.09.2017

Johan van den Berg van Santam Landbou praat in sy weerrubriek oor die verskillende soorte wind. Daar is ook 'n bydrae oor hoe 'n boer sy finansiële beplanning moet doen. En daar word gesels oor die stand van die merinobedryf.

RSG Landbou 20.09.2017

Die Santam Landbou Nasionale Kuilvoerkompetisie se konferensie en prysuitdeling het verlede week tydens ALFA plaasgevind. Richardt Venter gesels oor die kompetisie en vanjaar se wenners. Dirk Uys van Bayer Crop Science vertel van 'n ooreenkoms wat vir bye en die landbou tot voordeel is, en Lodewyk Koch van Brasuda gesels oor weidingsgrasse.

RSG Landbou 19.09.2017

Jurie Naude van De Heus vertel watter voordele kruipver inhou. Dr. Morne de la Rey van Embryo Plus praat oor die in-vitrobevrugting van buffels en renosters, en daar is gesprek met 'n Nigeriese besoeker aan ALFA, wat verlede week in Parys plaasgevind het. Koos du Pisanie praat met die president van Agri SA, Johannes Möller, oor die posisionering van landbou in Suid-Afrika.

RSG Landbou 18.09.2017

Veediefstal en probleemdiere bly 'n groot kopseer vir veeboere. Lise Roberts praat met Jan Adriaan Cordier oor die kwessie en oor maniere om dit te bestuur. Tot onlangs toe nog het wolkopers gereeld beswaar gemaak oor sogenaamde wolbesoedeling. Die voorsitter van die Nasionale Wolkwekersvereniging, Gillau du Toit, praat oor die terugvoer wat deesdae ontvang word oor plaaslike wolgehalte. Al gehoor...

RSG Landbou 15.09.2017

Die toegang van plaaswerkers tot opleiding, gesondheidsdienste, werksgeleenthede, sosiale deelname en huisvesting is saamgevat in 'n sensusverslag deur die Departement van Landbou in die Wes-Kaap. Chris Viljoen kyk na bevindings en wat dit vir die toekoms inhou.

RSG Landbou 15.09.2017

Hoe draai jy 'n bal binne 'n kubus op 'n gewone draaibank? Watter impak het die hoë wolpryse op kommunale boere? Die droogte lei tot 'n toename in die sink van boorgate. Die Nasionale Plaaswerkersforum hou hulle jaarlikse sportdag. En Control Union doen oudits op Tesco-produsente.

RSG Landbou 14.09.2017

Om kuilvoer in silosakke te maak, is 'n redelike nuwe verskynsel in Suid-Afrika. Die kuilvoerkonsultant, Richardt Venter, vertel meer hiervan. In ons weeklikse aflewering van Weerwaarhede, gesels Johan van den Berg van Santam Landbou oor siklone en warrelwinde. En Koos du Pisanie gesels oor GWK en Veeplaas se Boeredag wat op 20 September in Prieska gehou word.

RSG Landbou 13.09.2017

Koos du Pisanie gesels met Henning Myburg, die hoofbestuurder van Agri Noord-Kaap, oor landboutoestande in die uitgestrekte provinsie. Daar is ook 'n gesprek met Celeste Dekker van die Landbounavorsingsraad oor hoe geo-informatika in landbou toegepas word. Vir die Taschners van Pretoria is rose en roosboerdery 'n passie. Heike Taschner-Jeske gesels oor die roosplaas wat haar pa, Ludwig Taschner, o...

RSG Landbou 12.09.2017

'n Opspraakwekkende eerste renosterhoringveiling van John Hume het onlangs plaasgevind. Die filmmaker en TV-aanbieder, Bonne de Bod, vertel meer hiervan. Daar is ook 'n gesprek met die LNR se nasionale kleinskaalse beesboer van die jaar, Madjidiso Moleketsi. Philip Swart gesels oor die Melkprodusente-organisasie se nasionale kongres. En Dan Kriek, president van Vrystaat Landbou, gesels oor 'n toek...

RSG Landbou 11.09.2017

Albert Loubser, een van die organiseerders van die Alfa vee-ekspo op Parys, vertel van die aktiwiteite wat tydens die ekspo aangebied word. Daar is ook 'n gesprek met Philip Swart van die Melkprodusente-organisasie oor die MPO se bydrae tydens die ekspo. En Alfons Visser gesels oor 'n nuwe grondboontjie-aanleg wat op Hartswater geopen het.

RSG Landbou 08.09.2017

Suid-Afrika se riviere is in 'n swak toestand, met meer as 80% daarvan wat bedreig word. Dit is nie slegs die resultaat van wat op rivieroewers plaasvind nie, maar ook die gevolg van hoe grond en water deurentyd in die opvangsgebied bestuur en benut word. 'n Omvattende handleiding vir die rehabilitering van riviere in Suid-Afrika is saamgestel. Chris Viljoen het twee van die skrywers van die handl...

RSG Landbou 08.09.2017

Wes-Kaap se landbou verkeer in day zero. Watter interaksie is daar tussen veeboerdery en die ekostelsel in die Richtersveld? Landbouskoolleerders word onderrig in jag en die installering van kameras vir jagluipers. En Cape Nature stel sy reservate gratis oop vir belangstellendes.

RSG Landbou 07.09.2017

Waarom vind kuilvoerverliese plaas? Dit is een van die vrae wat Richardt Venter beantwoord. Johan van den Berg van Santam Landbou praat oor fotoperiodisme, en daar is 'n gesprek met die LNR se nasionale jongboer van die jaar, MJ Ernst. Koos du Pisanie, RSG Landbou se medewerker in die Noord-Kaap, het by Agri Noord-Kaap se kongres gaan kuier en vir Henk van Wyk uitgevra oor landboutoestande in die...

RSG Landbou 06.09.2017

Die Alfa vee-ekspo vind binnekort by die Afridome in Parys plaas. Een van die items op die program is 'n interraskompetisie. 'n Interras-beoordeelaar vertel hoe so 'n beoordeling plaasvind. Daar is ook 'n bydrae met Willem Botha van Netafim oor drupbesproeiing op mielies, en Deon Wynne praat oor 'n rotplaag in die Noord-Kaap.

RSG Landbou 05.09.2017

Wat is die definisie van grasvelde in Suid-Afrika? Die antwoord is nie so voor-die-handliggend nie. Mauritz de Bruin praat oor die rol van grasvelde in die Suid-Afrikaanse omgewing. Daar is 'n gesprek met Tharia Unwin oor 'n navorsingsprojek oor die bewaring van luiperds. Gert Steyn gesels oor die rol van die Suid-Afrikaanse Veterinêre Vereniging. En Breyton Milford vertel van die Nasionale Jeugsk...

RSG Landbou 04.09.2017

Olyfproduksie in Suid-Afrika loop lelik deur onder die droogte. Lise Roberts hoor by Karien Bezuidenhoudt hoe erg die situasie is. Daar is inligting oor die werksaamhede van die Vereniging van Varsproduk-invoerders. Frikkie Mare verduidelik wat 'n resessie is. En Johan Ehlers brei uit oor die Agri-Expo Livestock wat binnekort in die Kaap plaasvind.

RSG Landbou 01.09.2017

'n Provinsiale raamwerk en implementeringsplan is vir die landbousektor van die Wes-Kaap is ontwikkel in reaksie op klimaatsverandering. Dit maak gebruik van wat reeds besig is om te gebeur, en daarom gesels Chris Viljoen oor die projek wat reeds in 2014 'n aanvang geneem het.

RSG Landbou 01.09.2017

Chris Viljoen kyk na Group on Earth Observation, die gebruik van hommeltuie in die landbou, innoverende denke wat nodig is in die sekondêre landbousektor, en die gemeenskapsbetrokkenheid van vroue.

RSG Landbou 31.08.2017

Johan van den Berg van Santam Landbou vertel hoe weerindekse gebruik word om versekering uit te werk. Stan Burger deel interessante inligting oor die Damara-skaapras. En Richardt Venter gesels oor hoe kuilvoer se monsterneming gedoen moet word vir voerontleding.

RSG Landbou 30.08.2017

Voorplantkontrakte is een manier hoe produsente hulle risiko kan bestuur. Dawie Maree van FNB Landbou preet hieroor. Die SA Graanlaboratorium verduidelik watter rol hulle nuwe oesbeskermingsafdeling speel. En dr. Piet Jooste, 'n mikrobioloog, gesels oor hoe moeilik dit is om die bakterie, listeria, uit te roei.

RSG Landbou 29.08.2017

Ons vind uit wie is die Smaldeel Merino-klub. Klaas-Jan Leeuw van die Landbounavorsingsraad verduidelik hoe diere in voerkrale winsgewend grootgemaak kan word. En BFAP praat oor hulle tien-jaar landbouvooruitskouing.

RSG Landbou 28.08.2017

Die Ankole-beesras is 'n bekende Afrika-ras wat vanjaar sy eerste veilingsbuiging in Suid-Afrika gemaak het. Dr. Morne de la Rey vertel meer van die eienskappe van die ras. Kemp in wolskeersels kos produsente jaarliks baie geld. Ons vind uit hoe dit voorkom kan word. En ons stel jou bekend aan die Agri-Ooskaap Jongboer vir 2017.

RSG Landbou 25.08.2017

Studente wat afstudeer, weet nie altyd waar om werk te kry nie en is soms onbewus van beskikbare geleenthede. 'n Platform word nou geskep waar studente hulle inligting kan oplaai en met maatskappye in verbinding tree. Daar sal ook voorsiening gemaak word vir vakansiewerksgeleenthede.

RSG Landbou 25.08.2017

Chris Viljoen kyk na die effek van kalium op die proteȉenstabiliteit van melk, groenteverbouing in sakke, Rusland wat minder perskepuree van Suid-Afrika af invoer, die bewaring van skaars bolplante in renosterveld, en die jaarlikse SKOG-boeredag.

Listen to the RSG Landbou podcast in Replaio

Radio and podcasts in one app - free, with no sign-up. Install today and do not miss the launch

Get it on Google Play

Replaio is not a podcast publisher; show names, artwork and audio belong to their authors and are distributed through public RSS feeds.