RSG Landbou

Die Hereford-boere loop vanjaar met 'n breë glimlag rond, want die bekende ras uit Engeland vier fees. Lise Roberts praat met Bertus Mong hieroor. Weet jy wat die intertropiese konfergensiegebied is? Johan van den Berg verduidelik wat hierdie weerverskynsel is. En daar is 'n gesprek met Coralizette Erasmus oor die terapeutiese waarde van miniatuurperde.

Daar sit meer aan 'n erdwurm as net die aas wat jy aan jou vishoek sit. Chane Myburg van die IGG gesels oor die nut van erdwurms. Lise Roberts praat ook met 'n kruieboer van Pretoria, Theresa Franken. En aar is 'n kaasstorie met Dean Lategan en Ashley Anne May van Latanakaas.

Wat doen 'n wildboer om renosters doeftreffend te voer? Craig Shepstone het die antwoorde. Hennie Maas gesels ook met 'n Bonsmara-boer van die Delareyville-omgewing oor die 60 jarige viering van sy stoet. En Lise Roberts praat met die Wes-Kaapse Minister van Ekonomiese Aangeleenthede, Alan Winde, oor die rol van die Kaasfees in die plaaslike ekonomie.

Lise Roberts gesels met Johan Ehlers van Agri Expo oor die pas afgelope Kaasfees. Daar is ook 'n kykie na 'n groot boeredag, wat naby Edenville by Sernick plaasgevind het. En soos gewoonlik is daar veilingnuus en vleispryse.

Suid-Afrika is primêr 'n warm land, en daarom leen dit ditself nie oral tot kommersiële sagtevrugteverbouing nie. Die sukses wat nogtans behaal word, kan grootliks toegeskryf word aan vrugtenavorsers se jarelange ywer. Chris Viljoen kuier by die Landbounavorsingsraad Infruitec.

Chris Viljoen kyk na die loopkoste van landbouwerktuie; raad vir skaapboere op die vooraand van die winter; plaaskomiteelede wat opleiding kry; en die toekoms van die pikkewyn.

Die Angus-beestelersgenootskap vier vanjaar hulle eeufees. Andrew Masterson van die genootskap vertel wat hulle alles beplan. En Johan van den Berg verduidelik wat die suidelike ossilasie indeks is.

Jaco Pieters praat oor voermengers en hoe belangrik dit is om die regte menger vir jou toepassing te kies. En Dan Kriek gesels oor landelike veiligheid.

Hioe maak mens goeie kuilvoer? Karin Venter van Veeplaas het kers gaan opsteek by die kuilvoerkoning van Suid-Afrika, Bennie van Greunen van George. Daar is ook 'n gesprek met Cronje Deale, wat uitstekende resultate met sy Bovelder-beeste behaal. En Lindie Botha lig die sluier oor die Mpumalanga-skou wat later vanjaar plaasvind.

Hoe het die Megaboere TV-program tot stand gekom? Lise Roberts gesels met Wynand Dreyer, die vervaardiger van die reeks. Daar is ook 'n gesprek met Fanie van Heerden oor fynwolproduksie, en Mswandile Mandla praat oor 'n bemagtingsprojek by die Keerom-landgoed.

Die 2017 Nasionale Vroue-entrepreneurkompetisie is onderweg. Vroue, insluitend jongmense en gestemdes, met 'n bestaans- tot 'n kommersiële boerdery se inskrywings word ingewag. Chris Viljoen gesels met twee van die organiseerders, en een van 2016 se nasionale wenners.

Chris Viljoen kyk na die gemeenskapsbetrokkenheid van VLV-lede; wat die sukses bepaal in vennootskapsboerdery; Die RPO in die Noord-Kaap se fokus op opkomende boere; die MPO se deelname aan die Kaasfees; en loopbaangeleenthede vir studente in landboubestuur aan die NMMU se George-kampus.

Reën is 'n bekende natuurverskynsel, maar daar is min mense wat weet hoe reën gevorm word. Johan van den Berg van Santam Landbou praat oor reënvorming. Daar is ook 'n bydrae deur WA Lombard oor die omvang van veediefstal in die Vrystaat, en Alfred Andrag kyk na besproeiingstegnologie. En ons kyk na biosekuriteit by skape.

Een van die hoogtepunte vir die MPO vanjaar is die Groot Kuddekonferensie wat eersdaags plaasvind. Dr. Chris van Dijk van die MPO praat oor die belangrikheid van hierdie byeenkoms. 'n Groot getal internasionale sprekers tree by die konferensie op. Daar is ook 'n bydrae oor lusernaanplantings, en dr. Karin Wessels kyk terug na die Intensiewe Skaapskool wat in Bloemfontein plaasgevind het.

Albert Loubser gesels oor hoe mense moet omgaan met produksiediere. Hy gebruik die voorbeeld van 'n hoender, wat 'n besonder klein breinkapasiteit het. En Corrie Swanepoel van die Instituut vir Grond en Klimaat verduidelik wat met grondgesondheid bedoel word.

Frikkie Mare van die Departement Landbou-ekonomie aan die Universiteit van die Vrystaat vertel hoe verstedeliking die landbou raak. Daar is 'n gesprek met prof. Moritz van Vuuren oor antibakteriële weerstand en hoe dit onder produksiediere hanteer moet word. En Herman Kleyhans gesels ook oor 'n kuddeprojek waarby die Santa Gertrudes-beesras betrokke is.

Sukses in grondhervorming lei tot sukses in die kommersiële landbou. Chris Viljoen besoek Wesland Boerdery naby Saron om dit in die praktyk waar te neem.

Chris Viljoen kyk na erkenning aan plaaswerkers met sangtalent; hommeltuie; sigoreiproduksie; en antibiotikaweerstand in die landbousektor.

Damvlakke in die Wes-Kaap is uiters laag. Carl Opperman van Agri-Wes-Kaap skets die prentjie. Daar is ook inligting oor indringerplante wat waterhulpbronne negatief beinvloed. Soos gewoonlik is Johan van den Berg op sy pos met weerwaarhede, en hierdie keer gesels hy oor verdamping. En Nick Serfontein praat oor 'n veiling wat aan die begin van Junie plaasvind.

Wildboerdery op 'n intensiewe skaal het ook sy nadele, veral wanneer dit kom by die bekamping van siektes. Dr. Johan Kriek gesels oor hierdie probleem. 'n Besondere kuddekompetisie het onlangs in Graaf-Reinet plaasgevind, en Gawie van Wyk van die NWKV het nuus daaroor. Linde du Toit praat ook oor die stand van weiding, en die belangrikheid daarvan.

Wat is die voordele van intensiewe skaapboerdery? Daar is ook 'n bydrae oor 'n boeredag wat die naby Kroonstad plaasvind.

'n Internasionale groep Suid-Devon boere lê van vandag af besoek by verskeie beesplase in Suid-Afrika. Dan Kriek van die Suid-Devon telersgenootskap gesels oor die toer en wat alles besoek gaan word. Ons gesels ook met die Vrystaat se Jongboer van die Jaar, Johan van Huysteen. En 'n Sauvignon Blanc van Steenberg het onlangs 'n besondere internasionale toekenning gekry in Bordeaux, Frankryk.

Wat het klein kaasmakers en alternatiewe gewasse soos granate, olywe, heuningbostee en rooibostee en werkskepping gemeen? En hoe word 'n hotelskool se studente geanker in landbouprodukte met die oog op entrepreneurskap?

Chris Viljoen kyk na kaas wat met boeretroos, rooiwyn en laventel gemaak word. Daar is ook granaatkaaskoek en granaatroomys by die SA Kaasfees!

Nampo is om die draai, en Kobus van Coller gesels oor hierdie grootse landbou-geleentheid. Johan van den Berg van Santam Landbou is weer op sy pos om te praat oor weerwaarhede. Hy gesels oor klimaatsverandering en klimaatsveranderlikheid. Biotegnologie speel 'n al belangriker rol in landbou, en dr. Munro Marx kyk na biotegnologie en die wildbedryf.