RSG Landbou

Die jaarlikse Alfa-handelskou wat by die Afridome in Parys in die Vrystaat gehou word, is vanjaar 'n nuwe kompetisie ryker. Lise Roberts praat met Albert Loubser van Plaas Media oor hierdie unieke kompetisie vir kleinvee. Daar is ook 'n gesprek met dr. Philip Myburgh van die Landbounavorsingsraad oor die doeltreffende besproeiïng van tafeldruiwe. En Dawid Botha van Rooikoppies-boerdery in die Fran...

Die Eksteenskuil Landbou-koöperasie is die enigste kleinboerorganisasie met 'n Fair Trade-sertifikaat waarmee hulle 'n handige inkomste verdien uit rosyne-uitvoere. Chris Viljoen nooi jou saam na die Oranjerivier naby Keimoes.

Chris Viljoen kyk na die verwagte wêreldwye tekort aan wyn, geakkrediteerde kursusse vir nuwe boere deur die RPO in die Noord-Kaap, volhoubare landbou- en hulpbronbestuur met 'n droogtefokus in 'n nagraadse program, en die LNR se Instituut vir Landbou-ingenieurswese beskik oor 200 handleidings vir die boer.

Die Noord-Kaap kry die minste reën van al nege provinsies in Suid-Afrika. Johan van den Berg van Santam Landbou praat oor die reënval in die verskillende provinsies. Daar is ook 'n gesprek met Richardt Venter van Agsci Unlimited oor die terminologie wat in kuilvoer gebruik word. En Phillip Oosthuizen, die hoof van navorsing by Sernick, vertel van die navorsingsresultate van hulle voerkraalproewe.

Marike Brits praat met Gert Kriek, ondervoorsitter van die Balfour Boerevereniging, oor die afgelope Balfour Hooidag wat op sy plaas gehou is. Hennie Maas gesels met Schalk van der Merwe oor die rol van presisieboerdery in sy plaasopset. Schalk het 'n Bonsmara-stoet, en hy vertel waarom hy juis met die beeste boer. Yolande Roodt is op haar pos met die jongste wolmarkverslag, en Rico Basson van Vin...

As 'n mens met kleinwild wil boer, is dit nie sommer net 'n kwessie van bokke koop nie. Henco Marais van Wildbedryf SA se kleinwildadvieskomitee vertel waarna voornemende kleinwildboere moet kyk. Lise Roberts gesels met Arne Verhoef van Hemphub oor die eienskappe van die Moringa-plant. En Rob Visser van Dalewood praat oor sy kaasmakery naby Stellenbosch.

Kuilvoer is 'n belangrike wapen in die veeboer se voerarsenaal. Prof. Robin Meeske praat oor die plek wat kuilvoer in 'n voervloeiprogram inneem. Daar is ook 'n gesprek oor die ekologie en mynbou met Mauritz de Bruin van die Trust vir Bedreigde Natuurlewe. En dr. Gerhard Verdoorn van die Griffon Gifinligtingsentrum brei uit oor die hoe peste en plae aanpas by klimaatsverandering.

Watter bydrae kan gekoὂrdineerde landbouvoorligtingsondersteuning lewer tot grondhervorming? Hoe en waar pas die wetenskap in?

Mense wat boorgatwater verkoop, word vasgevat. Landbouskade op plase waar water tot op die been besnoei is, word op R15 miljard beraam. Data wys dat daat 30 000 werksverliese was weens die droogte. En voornemende studente vir die landboubestuurskursus by NMU in 2019 moet nóú inskryf.

Johan van den Berg in RSG Landbou vertel hoe plante droogte oorleef. Daar is ook nuus oor aangeplante weiding vir wild. Richardt Venter, 'n kuilvoerkonsultant, gesels oor die impak wat die Santam Landbou Nasionale Kuilvoerkompetisie op die gehalte van kuilvoer het.

Fritz van Oudtshoorn van Africa Land Use Training praat oor veldbestuur en inheemse grasse. Rudi Kuschke van Klein Karoo Saadbemarking praat oor aangeplante weiding en bemesting. Hy verduidelik of chemiese bemesting nog nodig is as die beeste die veld in elk geval bemes. Die onafhanklike tegnieseontleder, Frans de Klerk, gesels oor die sonneblom- en witmielieprys.

Carin Venter praat met Sissie Matela van Matatiele in die Oos-Kaap waar sy die organisasie Environmental and Rural Solutions bedryf. Die organisasie hou hom besig met opheffingswerk onder ontluikende boere. Daar is ook 'n gesprek met prof. Charlie Reinhardt van die Villa Akademie oor eenjarige uitheemse onkruide. En Lise Roberts praat met dr. Nolte Troskie oor die veesiekte, bloednier.

RSG Landbou se medewerker in die Oos-Kaap, Carin Venter, het onlangs 'n rondetafelbyeenkoms van die Internasionale Wolhandelaarsorganisasie, IWTO, in Port Elizabeth bygewoon. Sy het met drie wolprodusente en 'n wolhandelaar van Noorweë gesels. Henk Crafford van Agricol praat oor Smutsvingergras se gebruik as 'n weidingsgewas. En daar is gesprek met Jan-Louis Venter, 'n produksie-adviseur by die Na...

Met die ondersteuning van die Verenigde Nasies se ontwikkelingsprogram, word 'n volhoubare hulpbronprogram oor omgewingsprobleme binnekort in vier produktiewe, maar gedegradeerde landskappe, in Suid-Afrika van stapel laat loop. Chris Viljoen praat hieroor met die projekbestuurder.

Watter resultate het vrugtevlieg-navorsing in die Benede-Oranje opgelewer? Wat hou dit in vir die grootste landbou-uitvoerbedrywe?

Kuilvoerkenner Richardt Venter vertel hoe belangrik kuilvoer-ontledings is. Johan van den Berg van Santam Landbou praat oor hittegolwe. Chris Derksen is weer op sy pos met vleispryse, en dan hoor ons van 'n man wat met elande boer. Sollie Potgieter meen dat elandsvleis baie smaaklik is, en 'n gereg is wat elke Suid-Afrikaner behoort te geniet.

Die Suid-Afrikaanse Graanlaboratorium doen belangrike werk. Hanneline Meyer vertel van die mikotoksien-ontledings wat daar gedoen word. Willem Bestbier van die SA Tafeldruifindustrie, SADTI, gesels oor die verwagte tafeldruifoes. En Andrew Knipe van die Gamtoos Besproeiingsraad praat oor die werk wat gedoen word met betrekking tot werkskeppping.

Watter veranderinge het die afgelope jare in die vleiswaardeketting plaasgevind? Dit is een van die vrae wat Lise Roberts aan Alex Cilliers van GWK vra. Daar is ook 'n gesprek met die man wat die Droughtmaster-beesras in Suid-Afrika tot stand gebring het, Johan van der Nest. Hennie Bruwer gesels oor die toekoms van die katoenbedryf in Suid-Afrika, en Michelle van der Vyver van Noobswitch praat oor...

Lise Roberts praat met Henk Crafford van Agricol oor die gebruik van soetwitblomklawer as weidingsgewas. Daar is 'n gesprek met Albert Loubser oor genetika, en of daar grense is aan verwante tegnologieë. En Lise Roberts gesels met afgetrede landbou-ingenieur Koos le Roux oor die instandhouding van plaasimplemente en -masjinerie.

Wilde bokke wat in die Tankwa Nasionale Park gevang is, word nou vir navorsing by die Carnarvon Navorsingstasie hervestig. Chris Viljoen praat met die hoof van die navorsingspan oor die vangproses en die resultate tot dusver behaal is.

Chris Viljoen kyk na die uitdagings en suksesse wat behaal word op 'n uitvoer-perskeplaas in die Vaalwater-distrik in Limpopo.

Die maak van kuilvoer is 'n ou tegniek wat op plase gebruik word. Richardt Venter van Agsci Unlimited vertel van 'n nuwe manier van kuilvoermaak wat aan die toeneem is, naamlik om kuilvoer in silosakke te maak. Johan van den Berg gesels in sy rubriek, Weerwaarhede, oor die osoonlaag en wat daarvan geword het. En Lise Roberts praat met Adri Kitshoff-Botha van Wildbedryf SA oor buffelprotokolle.

Dr. Paul Reynolds, 'n veearts van Dundee, praat oor biosekuriteit in intensiewe lamhokstelsels. Cecilia Breedt praat oor die oesbeskermingsafdeling van die Suider-Afrikaanse Graanlaboratorium. En Werna Venter van Clocolan gesels oor die Carli Rooivlagbewusmakingsveldtog teen hondsdolheid.

SA Stamboek bied verskeie dienste aan die veeboer. Dr. Bobbie vd Westhuizen praat oor die dienste wat vir kleinveeboere beskikbaar is. Daar is 'n gesprek met dr. Sumari Potgieter van Afrivet oor die oordraagbaarheid van siektes tussen vee en wild. En hondsdolheid is een van die gesprekstemas.

Albert Loubser kyk na waar die kleinveebedryf homself bevind as gevolg van diefstal en predasie. Hy vertel ook hoe die nuwe benadering van intensiewe stelsels, veeboere met 'n ander oog na die bedryf laat kyk. Prof. Charlie Reinhardt kyk na die noodsaaklikheid van stikstof vir peulgewasse. En virussiektes onder vee word bespreek.