Regsake

Regsake 27 April 2015

Regsake 27 April 2015

Regsake 20 April 2015

Regsake 13 April 2015

Regsake 30 Maart 2015

Regsake 23 Maart 2015

Regsake 16 Maart 2015

Regsake 9 Maart 2015

Regsvrae wat bespreek word, sluit in wie vir staatspensioen kwalifiseer, watter bewyswaarde 'n leuenverklikkertoets dra, en watter model 'n motor is as dit herbou word uit bakpanele van verskillende jare se modelle.

Igna Klynsmith bespreek onlangse wysigings aan die Boedelwet wat kleiner boedels raak. Hy vertel ook meer oor die instelling van 'n ombudsman vir die motorbedryf, en verduidelik die verskille tussen 'n retensiereg en 'n pandreg.

In die laaste bydrae oor die Inheemse Reg bespreek prof. Elmien du Plessis die regsgeldigheid van huwelike wat daarvolgens gesluit word. Sy verduidelik ook die rol van die Tradisionele Reg ten opsigte van grondeise.

Prof. Elmien du Plessis gesels verder oor die vraag of die Inheemse Reg nog 'n rol te speel het in Suid-Afrika. Sy bespreek ook wetgewing wat tradisionele leiers reguleer, en werp meer lig op hulle inkomste.

Volker Kruger en Igna Kynsmith beantwoord luisteraarsvrae oor boedels, boedelbeplanning en verwante kwessies.

Die regsbeginsels wat bespreek word sluit in: Voorgestelde wysigings aan die wet wat seks tussen tieners 'n misdryf maak; persoonlike aanspreeklikheid vir skuld van jou BK; tekenregte van gades getroud in gemeenskap van goed; en die reël wat bepaal dat rente op skuld nie meer mag wees as die hoofskuld nie.

Sake wat bespreek word, sluit in banke se pligte met die oorplaas van geld tussen kliënte se rekeninge; die verantwoordelikhede van bestuursagente by deeltitelkomplekse; en die grondwetlikheid van sekere bepalings van die Wet op die Vervreemding van Grond.

Prof. Elmien du Plessis, 'n spesialis op die gebied van Gewoontereg en Tradisionele Reg is die ateljeegas.

Igna Klynsmith verduidelik die voor- en nadele daarvan om vakansie-eiendom in jou eie naam, of in 'n trust te koop. Hy bespreek ook 'n hofsaak waarin beslis is dat slegs geregistreerde bouers vergoeding mag ontvang. As jou besigheid swaar trek, moet jy ook luister hoe werk ondernemingsreddingsverrigtinge wat kan verhoed dat jou besigheid gelikwideer word.

Igna Klynsmith kyk terug op 2014 se opspraakwekkendste hofsaak, en na strenger SEB-maatreëls wat in 2015 ingestel sal word.

Igna Klynsmith gee 'n uiteensetting van hoe die reg van toepassing op Moslemhuwelike ontwikkel het. Hy verduidelik ook hoe gesinsverantwoordelikheidsverlof werk, en of 'n trust 'n onafhanklike trustee moet hê.

Wanneer iemand egbreuk gepleeg het met jou man of vrou, kon jy histories 'n hele paar regsaksies teen daardie persoon instel. Igna Klynsmith bespreek watter van hierdie aksies vandag nog bestaan en watter in onbruik verval het.

Igna Klynsmith gesels oor bystand tot selfmoord. Hy sit uiteen hoe verskillende lande se regstelsels dit hanteer, en bespreek die jongste tendense.

Diereregkenner Jane Marston gesels oor die magte van die DBV; die lyding van plaasdiere; diere as peste op plase; en aanvalle deur honde.

Jane Marston is 'n kenner van dierereg. Sy vertel wat om te doen as 'n vreemde hond of kat by jou aankom; die reëls van toepassing op diereskoue; en die etiese en regsaspekte van geblikte jag.

Igna Klynsmith verduidelik watter dokumente nodig is om 'n boedel aan te meld vir bereddering. Hy antwoord ook 'n luisteraar se navraag oor hoekom die Griekwastad-tiener so 'n "ligte" vonnis gekry het, en bespreek 'n hofsaak waarin 'n regter kritiek uitspreek oor hoe die balju op sy relaas van betekening soms na mense verwys.

Igna Klynsmith vertel van 'n interessante hofsaak tussen BMW en Verimark oor motorpolitoer. Hy bespreek ook die gevare van handeldryf met 'n trust, eise vir skade opgedoen a.g.v. slagggate, en permanente aanhegtings by vaste eiendom.