Regsake

Hoe word gelde betaalbaar aan SAMRO bereken vir musiek wat gespeel is? Wat is die vereistes om nuwe huurgeld te bereken as 'n huurkontrak verleng word? Kan hofstukke nog in Afrikaans ingedien word? Hoe gereeld moet begunstigdes op polisse hersien word?

Igna Klynsmith verduidelik die verskille tussen voorkeur- en gewone aandele, en bespreek wie aanspreeklik is vir skade veroorsaak deur 'n waterlek in 'n woonstelgebou. Hy verduidelik ook aan die hand van 'n hofsaak hoekom dit so belangrik in die strafreg is dat 'n beskuldigde die voordeel van die twyfel moet kry.

Rina Gunter gesels oor die registrasie van handelsmerke, industriële modelle en outeursreg. Hoe beskerm jy jou outeursreg op 'n liedjie of gedig wat jy geskryf het?

Patenteprokureur Rina Gunter gee raad aan uitvinders oor hoe om die regte op jou patente te beskerm en geld daaruit te maak. Sy gesels ook oor bekende Suid-Afrikaanse uitvindsels waarop ons met reg trots kan wees.

Igna Klynsmith gee raad oor wat om te doen as jy voel jy word seksueel by die werk geteister. Hy gesels ook oor probleme met vakansieklubs en tyddeelskemas, en verduidelik hoe werk skuldlose aanspreeklikheid ten opsigte van defektiewe produkte.

'n Patentprokureur, Rina Gunter, vertel waaraan 'n uitvindsel moet voldoen om as patent geregistreer te kan word en watter stappe 'n mens moet volg as jy iets as nuwe patent wil registreer.

As deel van Erfenismaand kyk Igna Klynsmith na die geskiedenis van Suid-Afrika se regstelsel en wat ons van ander regstelsels geërf het. Tot watter mate het die tradisonele reg ons regserfenis beïnvloed?

Igna Klynsmith gee inligting oor testamenteweek van 15 tot 20 September. Hy bespreek ook die vertroulikheid van karakterverwysings deur werkgewers en die prosedure om trustees wat nie wil bedank nie, te vervang. Hy verduidelik ook hoe die publiek se geld in 'n prokureur se trustrekening beskerm word, en wys op die risiko om die verkoper van vaste eiendom voor registrasie te betaal.

Rina Gunther, 'n prokureur wat spesialiseer in patentreg en outeursreg, beantwoord luisetraarsvrae.

Wat kan 'n vrou doen as haar voormalige man, wat beheer en toesig oor die kinders het, hom erg wangedra? Kan 'n man wat onderhoud vir sy kinders betaal daarop aandring dat hulle ma kwitansies voorlê as bewys waarop sy die onderhoudsgeld spandeer? Wat is die regsgevolge as die huurder of verhuurder van 'n woonstel gesekwestreer word?

Igna Klynsmith verduidelik hoekom daar geen lastereise voortspruit uit al die beledigings wat parlementariërs mekaar toesnou nie. Na aanleiding van die Tansnet pensionarisse wat toestemming gekry het om 'n klasaksie teen die pensioenfonds in te stel, verduidelik hy die vereistes waaraan sulke aksies moet voldoen.

Regsake kry baie navrae van kinders wat terminaal siek ouers uit hulle lyding wil verlos. Igna Klynsmith bespreek genadedood en die verskillende kategorieë van bystand tot selfdood. Hy verwys ook na die Dignitas Kliniek in Switserkand wat hulp verleen aan mense wat wil sterf.

Onderwys- en skoolaangeleenthede wat die howe moes hanteer, word bespreek soos ‘n saak waar ‘n skool verklaar het dat hulle nie nog plek het om leerlinge in te neem nie. Hofsake rondom die Hoërskool Ermelo en die Rivonia Primary School word bespreek.

Die geskiedenis en verloop van die Konstitusionele Hof word bespreek asook die hofsaak tussen die Citizen-koerant en Robert McBride nadat hulle hom 'n moordenaar genoem het.

Indien jy toelaat dat meer as een eiendomsagent jou aan dieselfde huis voorstel, is jy kommissie aan almal verskuldig. En, SAPD-lede moet hulle eie sakke skud as hulle bullebaktaktiek op Jan Publiek toepas.

Prof. Francois Venter, dekaan van die regsfakulteit aan die Noordwes Universiteit, verduidelik ons grondwetlike regte.

Kan ‘n staatsinstansie belaster word? Getroude homoseksuele paartjies mag wettiglik in ‘n hof skei. En, maak seker dat jy vee van ‘n wettige eienaar koop.

Wanneer betaal jy BTW en wanneer hereregte? Hoe raak die nuwe verbruikerswet die voetstootsklousule? Waarna kyk die hof voor ‘n man of vrou onderhoud toegestaan word ná ‘n egskeiding?

Volker Kruger bespreek die belangrikheid daarvan om voogde vir jou kinders te benoem in jou testament, die proses om ‘n eksekuteur aan te stel, wat gebeur as ‘n testament nie opgespoor kan word nie, en of ‘n erfgenaam skuld kan erf?

Belangrike wenke vir die opstel van ’n testament, boedelbelasting, kapitaalwinsbelasting en die koste van ’n trust, word bespreek.

Verskeie aspekte van deeltitelskemas word bespreek. Die bepalings van die gedragsreëls en hoe die kompleks bestuur moet word, is een van die besprekingspunte.

Die eiendomsprokureur Jody van Broekhuizen praat oor tyddeelskemas en hoekom die heffings elke jaar met ‘n aansienlike bedrag styg.

Hoe skuldig is jy indien jy op bevel van jou meerdere ‘n opdrag uitgevoer het? Die term handeling op bevel word bespreek met verwysing na hofuitsprake in soortgelyke gevalle.

Igna Klynsmith bespreek interessante hofsake.

‘n Ma verloor seggenskap oor haar kind omdat sy oorbeskermend is. Ken die die nuwe verbruikerswet – dit kan tot jou voordeel strek. En wees baie versigtig hoe jy in die hof optree - plaas beslis ‘n wag voor jou mond!