Regsake

Ian Wessels en Igna Klynsmith gesels verder met Bertie Grobbelaar oor die berekening van 'n eis vir onderhoud; die prosedure om 'n klagte te lê vir agterstallige onderhoud en die moontlikheid om agterstallige bedrag van die onderhoudspligtige se pensioenfonds te verhaal.

Bertie Grobbelaar is 'n prokureur wat spesialiseer in familiereg. Hy bespreek verskeie regsaspekte van onderhoudsverpligtinge.

Annelise Botha vertel meer oor die regsaspekte ten opsigte van surrogaatmoederskap en kunsmatige inseminasie.

Igna Kynsmith bespreek twee interessante hofsake. Die een handel oor mikro-uitleners en beslaglegging op skuldenaars se salarisse. Die ander baan die weg vir 'n groepsgeding ten opsigte van eise wat spruit uit silikose en tuberkulose wat mynwerkers opgedoen het.

Igna Klynsmith verduidelik hoe die In Duplum-reël werk ten opsigte van rente en uitgawes om skuld te verhaal. Hy gesels ook oor die wederkerige plig van mense in 'n saamwoonverhouding, en bespreek 'n hofsaak waarin die toestand van grensdrade 'n plaaseienaar duur te staan gekom het.

Volker Kruger gesels oor regskwessies waaroor boere gereeld navraag doen.

Igna Klynsmith bespreek 'n ingrypende nuwe wet met swaar strawwe vir kabeldiefstal. Hy verduidelik ook wat 'n minderheidsaandeelhouer in 'n privaatmaatskappy kan doen as hy voel die ander aandeelhouers boelie hom. En hy gesels oor 'n eis vir meganiese probleme teen 'n handelaar van gebruikte motors.

Arbeidsregkenner Hugo Pienaar gesels oor die Wet op Gelyke Indiensneming, diskriminasie in die werkplek en gelyke betaling vir gelyke werk.

Igna Klynsmith bespreek die belangrikheid van vroegtydige en behoorlike boedelbeplanning saam met die opstel van jou testament, om seker te maak jou erfgename erf wel volgens jou wense. Hy verduidelik ook nuwe wetgewing oor mediasie in die landdroshof.

Bertie Grobbelaar is 'n prokureur wat spesialiseer in egskeidingsake. Hy en Igna Klynsmith beantwoord luisteraars se vrae oor hierdie onderwerp.

Advokaat Johan du Toit kuier by Ian Wessels en Igna Klynsmith. Hy was vir 12 jaar verbonde aan die internasionale strafhof in Den Haag en gesels oor die hof se bestaansreg, werksaamhede en prosedures.

Igna Klynsmith praat oor verskeie uiteenlopende regskwessies soos die proses om 'n nuwe maatskappy te stig, die invloed van 'n beskuldigde se minderjarige kind op haar vonnis, en die alter ego beginsel ten opsigte van trusts. Hy bespreek ook 'n hofsaak oor 'n bank se aanspreeklikheid teenoor 'n maatskappy wie se bestuurder ongemagtigde onttrekkings gemaak het.

Ná die jongste hofuitspraak oor Nkandla was daar heelwat terugvoer van luisteraars oor die samestelling van die regbank. Igna Klynsmith bespreek dit met Ian Wessels. Hy gesels ook oor jou kredietstatus as stadige betaler of swak betaler en hoe om jou naam van die swartlys verwyder te kry. Laastens bespreek hy die praktyk van lugdienste om toenemend meer kaartjies te verkoop as waarvoor daar sitple...

Annelise Botha praat oor die regsaspekte van surrogaatmoederskap.

Conrad Weiss kuier in die ateljee by Ian Wessels en Igna Klynsmith om te gesels oor verskeie aspekte van mediese nalatigheid. Het jy geweet dit is moontlik om 'n eis in te stel teen 'n nalatige dokter of hospitaal sonder enige koste aan jou kant?

Igna Klynsmith verduidelik aan Ian Wessels wanneer 'n ouer van sy kind onderhoud kan eis, en hoe "normale aftree-ouderdom" bepaal word. Hy beantwoord 'n luisteraar se vraag oor die afwyk van kwotasies, en gesels oor die effek van vrywarings wat dikwels onderaan e-posse verskyn.

Arbeidsregkenner Hugo Pienaar kuier by Ian Wessels en Igna Klynsmith in die ateljee om te gesels oor hierdie gebied van die reg wat beide werknemers en werkgewers dikwels laat struikel.

Igna Kynsmith beantwoord 'n vraag van Ian Wessels oor die toelaatbaarhied van selfoonfoto's en videos as getuienis in die hof. Hy verduidelik ook wanneer jou bestuurderslisensie opgeskort móet word vir 'n spoedoortreding, en wat moratore rente is. Dan deel hy ook ongewone voorbeelde van diefstal.

Arbeidsregkenner Johan Botes gesels verder met Igna Klynsmith en Ian Wessels oor aspekte van die Arbeidsreg, soos wanneer mag 'n werkgewer jou vorige kriminele oortredings in ag neem voor hy jou aanstel. En hoe werk handelsbeperkings wat 'n werknemer verhoed om ná bedanking sy eie besigheid te begin? Hy bespreek ook 'n hofsaak wat die grense van seksuele teistering wyer trek as wat baie mense bese...

'n Arbeidsregspesialis, Johan Botes, verduidelik wanneer jou werkgewer betrokke kan raak, selfs as jy jou oor 'n naweek in jou vrye tyd wangedra. Hy gesels ook oor werknemers wat hulle bes doen, maar steeds net nie werksdoelwitte kan haal nie.

Mediese nalatigheid is 'n kwessie wat al hoe meer ter sprake kom. Is dokters meer nalatig as in die verlede, of stel pasiënte bloot makliker eise in? 'n Kenner kuier in die ateljee by Igna Klynsmith en Ian Wessels om vrae hieroor te beantwoord.

Ian Wessels gesels breedvoerig met Igna Klynsmith oor die vasstelling van borg en die oplê van gepaste vonnisse. Wat moet 'n hof alles in ag neem by die bepaling van 'n gepaste straf en waarteen moet gewaak word?

Luisteraars se vrae oor die uitleg van algemene klousules in testamente en die beskerming van haar erfporsie as 'n weduwee weer trou, word beantwoord. Die invloed van die Internasionale Privaatreg op transaksies met mense in ander lande word ook bespreek.

Christo Oosthuizen kuier weer by Ian Wessels en Igna Klynsmith. Hy gesels oor die invloed van die Wet op die Verdeling van Landbougrond op die verkoop van vaste eiendom, asook oor opskortende voorwaardes, hereregte en oordragskoste.

Christo Oosthuizen kuier by Ian Wessels en Igna Klynsmith in die ateljee. Hy spesialiseer in die oordrag van vaste eiendom en bespreek die funksies van almal wat betrokke is by die proses - van die eiendomsagent tot by finale oordrag in die nuwe eienaar se naam.