Regsake

Igna Klynsmith bespreek die volgende regskwessies met Ian Wessels: Skade en beserings veroorsaak deur grassnyers wat klippe opskiet; besit van gesteelde goedere wat jy op 'n straathoek gekoop het; direkteure se regte en of 'n direkteur gedwing kan word om sy aandele te verkoop; en die risiko's verbonde aan die oorneem van voertuigpaaiemente.

Igna Klynsmith verduidelik hoe om 'n prokureur, wat namens jou optree, te vervang. Hy beantwoord ook 'n luisteraar se vraag oor hoe om 'n ou skuldigbevinding van jou misdaadrekord te laat verwyder, en bespreek 'n onlangse hofsaak oor die rook van dagga in jou privaatwoning.

Llewellyn Curlewis sluit aan by Ian Wessels en Igna Klynsmith om luisteraars se vrae oor strafreg en vonnisoplegging te beantwoord.

Wat is die verskil tussen die invordering van skuld wat reeds verjaar het en onder die Kredietwet val, of nie? Wat moet 'n langslewende gade wat buite gemeenskap van goed getroud was, bewys om onderhoud teen die boedel te kan eis? Moet 'n eis vir toekomstige mediese uitgawes teen 'n provinsiale hospitaal in kontant uitbetaal word, of kan die regering 'n onderneming gee om dit te doen soos dit in d...

Ian Wessels bespreek luisteraars se regsvrae met Igna Klynsmith. Dit sluit in die hoë risiko om 'n bedelaar by 'n verkeerslig raak te ry; wat gebeur as 'n erflater se jongste testament nie gevind kan word nie; wat is die volgorde van eise teen die boedel van 'n man wat buite gemeenskap van goedere met die aanwasbedeling getroud was, en wat is die verskil tussen 'n lewende testament en 'n "Do Not R...

Igna Klynsmith vertel van 'n hofsaak waarin bevind is dat 'n kandidaat nie geskik is om as prokureur te praktiseer nie. Hy beantwoord ook luisteraars se vrae oor die koste van skuldinvordering en die in duplum reël, wie verantwoordelik is vir die betaling van 'n ambulansrekening wat die mediese fonds nooit ontvang het nie, en 'n gholfspeler wat sy voorgee manipuleer.

Derek de Beer kuier vir oulaas by Ian Wessels en Igna Klynsmith om die reeks gesprekke oor insolvensie af te sluit. Hy praat onder andere oor die moontlikheid dat skuldeisers geld sal moet inbetaal in plaas van om iets terug te kry uit die insolvente boedel. Hy bespreek ook die vereistes en gevolge van rehabilitasie van die insolvent.

Die insolvensieregspesialis, Derek de Beer, sit sy gesprek met Ian Wessels en Igna Klynsmith voort. Hy verduidelik wat dade van insolvensie is, asook die gevolge van sekwestrasie, die pligte en bevoegdhede van 'n kurator en die volgorde waarin skuldeisers uit die insolvente boedel betaal word.

Derek De Beer kuier saam met Ian Wessels en Igna Klynsmith om hulle vrae te beantwoord oor kuratorskap, insolvensie en likwidasie.

Igna Klynsmith bespreek die onlangse hofsaak oor godsdiens in skole, asook die reg van 'n selfde geslag lewensmaat om sonder enige huweliksformaliteite en sonder 'n testament te erf as gade. Hy verduidelik ook wanneer 'n direkteur ontslaan kan word, en gee meer besonderhede oor testamenteweek van 11 tot 15 September.

Igna Klynsmith gesels oor die omstandighede waaronder jy aanspreeklik gehou kan word as jou hond iemand byt, en kyk na 'n hofsaak oor jou reg op moedertaalonderrig aan universiteite. Hy bespreek ook 'n hofsaak oor 'n werknemer wat ná 'n selfdoodpoging, geskend en met verminderde spraakvermoë sy werk wil hervat.

Sluit 'n bybetaling ten opsigte van 'n versekeringseis enige verdere eise uit? Is 'n bepaling in 'n huweliksvoorwaardekontrak, waarin afstand gedoen word van toekomstige eise vir onderhoud, geldig? Kan jy in 'n huweliksvoorwaardekontrak sekere bates, wat tydens die huwelik verkry word, uitsluit van die aanwasbedeling? Igna Klynsmith bespreek ook 'n hofsaak oor onregverdige mededinging, en 'n wet w...

Igna Klynsmith vertel van die komende testamenteweek, waartydens jy gratis 'n testament kan laat opstel. Hy beantwoord ook luisteraars se vrae oor die vereistes vir wettige nommerplate, die koste van navrae aan 'n prokureur, en skuldamnestie.

Igna Klynsmith gesels aan die hand van verskeie onlangse hofsake, oor testamente wat ongeldig verklaar is. Hy kyk na die besparing van boedelbelasting deur sommige van jou bates aan jou kinders te skenk terwyl jy nog leef, en spotprente wat 'n kras boodskap oordra. En as jy 'n hommeltuig wil aanskaf, moet jy beslis luister.

Wanneer kan jy aanspreeklik wees vir beserings wat 'n tuindienstewerker op jou erf opdoen? Tot watter mate mag 'n hof skuldverligting toestaan op 'n agterstallige verband? Kan teenstrydeige bepalings in 'n voorhuwelikse kontrak daartoe lei dat jy binne gemeenskap van goed getroud is? Watter strafmaatreëls bestaan vir beheerliggame van deeltitelkomplekse? Wat is die verskillende tydperke wat geld v...

Igna Klynsmith beantwoord 'n luisteraar se vraag of hy jare na 'n motorongeluk nog van sy versekering kan eis nadat hy nie vir dronkbestuur vervolg is nie. Hy bespreek ook 'n paar interessante regsvrae: Is dit diefstal as 'n werkgewer nie afgetrekte PAYE- en BTW-heffings aan SARS oorbetaal nie? Kan daar beslag gelê word op iemand, wat agterstallig is met onderhoudsbetalings, se pensioen en vaste e...

Hoe verskil verkragting van ander seksuele misdrywe, ten opsigte van die tydperk wanneer die beskuldigde nog vervolg kan word? Hoe werk die privilegie tussen 'n prokureur en sy kliënt, en mag 'n mens weier om vrae te beantwoord tydens 'n insolvensie-ondervraging?

Igna Klynsmith bespreek 'n paar interessante hofsake met Ian Wessels. In die Ooskaap het die hof 'n munisipale bestuurder persoonlik aanspreeklik gehou vir die koste van 'n aansoek deur die belastingbetalersvereniging om dienslewering af te dwing. 'n Ouma wonder hoe haar kleinseun skuldig bevind kon word aan die misdrywe tydens 'n betoging as hy net saamgestap het.

Igna Klynsmith bespreek luisteraars se vrae met Ian Wessels. Hoe gemaak as jou baas se vrou jou probeer afpers na 'n kantoorfunksie? Wanneer kan 'n munisipaliteit aanspreeklik gehou word vir verkragting op hulle eiendom? Moet 'n eiendomsagentskap 'n geldige getrouheidsfondssertifikaat hê om kommissie te kan ontvang? En kan iemand weens heksery teenoor sy werkgewer ontslaan word, selfs al glo hy ni...

Richard Spoor kuier by Ian Wessels en Igna Klynsmith. Hy is betrokke by 'n eis vir skadevergoeding teen myneienaars namens mynwerkers wat silikose opgedoen het weens jare se werk in myne.

Igna Klynsmith gesels met Ian Wessels oor interessante hofsake. Is 'n eenmalige insident genoeg om as teistering te klassifiseer onder die Wet op Teistering, en kan iemand wat eiendomsreg op 'n huis het en daarin woon, uitgesit word? 'n Regter se uitlatiangs oor diskriminasie teenoor vissers in Langebaan word ook bespreek.

Igna Klynsmith verduidelik aan die hand van hofsake wanneer 'n huiseienaarsvereniging of beheerliggaam van 'n deeltitelkompleks, 'n inwoner wat gereeld die gedragsreëls oortree kan uitsit. Hy bespreek ook 'n hofsaak oor verbeurdverklaring van 'n eggenoot se 50% aandeel in die gemeenskaplike boedel, en gee praktiese raad wat die bereddering van 'n boedel kan bespoedig.

Igna Klynsmith en Ian Wessels gesels oor die regsreël dat die "bloedige hand" nie mag erf nie, en oor die regte van biologiese pa's van buite-egtelike kinders. Igna deel ook 'n klompie ongewone regsreëls uit die verlede wat vandag absurd klink.

Die tiende Wêreld-Baljudag vind plaas op 8 Junie. Petro Roodt is die balju vir Bloemfontein-Oos en ook voorsitter van die Baljuraad se Getrouheidswaarborgfonds. Sy praat oor die rol en funksies van 'n balju, hoe 'n balju vergoed word, en op watter bates van 'n skuldenaar nie beslag gelê mag word nie.

Richard Spoor kuier saam met Ian Wessels en Igna Klynsmith in die ateljee. Hy is 'n prokureur wat spesialiseer in klaskasies. Dit beteken dat 'n groep eisers (soos bv. pensioenarisse van dieselfde pensioenfonds) se individuele eise saamgevoeg word in een hofsaak.