Rand en sent

Versekeringsbedrog het die bedryf verlede jaar ʼn stewige R3-miljard gekos. Hoe kan jy help om mense wat hulle daaraan skuldig maak aan die pen te laat ry en hoër premies vir eerlike polishouers te vermy?

Korttermynversekering is nie juis eerste op ʼn mens se lys van aankopies nie. Kan jy dit bekostig? Of moet ʼn mens eerder vra of jy kan bekostig om dit nie te kry nie?

Helen Ueckermann gesels oor beleggings wat te goed klink om waar te wees en hoe jy hulle kan uitken voor jy in die strik trap. Luister saam na die storie van 'n anonieme luisteraar wat alles verloor het, en na die raad van ekonoom Dawie Roodt en forensiese ouditeur André Prakke.

Helen Uckerman gesels met 'n kundige oor persoonlike finansies.

Helen Ueckermann praat oor aftreebeplanning met Nico van Gijsen van die finansiële dienstemaatskappy, Finlac.

Helen Ueckermann praat met Kobus Wentzel van 1Life oor hoe jy jou kinders meer kan leer oor geldsake.

Daar is in die afgelope tyd veel gepraat oor die mishandeling van vroue. Oor finansiële mishandeling word daar egter minder gepraat. Tog word talle vroue aan dié soort mishandeling onderwerp. Helen Ueckermann praat met die Johannesburgse sielkundige Cecile Gericke oor wat finansiële mishandeling behels, hoe ’n vrou daarin kan beland en hoe sy weer haar finansiële selfrespek en onafhanklikheid kan...

Hoe spaar ’n mens doeltreffend vir jou eie doeleindes en hoe gemaak as jy wil spaar vir die tersiêre onderrig van ’n minderbevoorregte kind? Helen Ueckermann gesels met Leon Campher, uitvoerende hoof van die Vereniging vir Spaar en Belegging in Suid-Afrika, oor wat ’n mens kan doen om daardie doelwitte te bereik.

Duisende Suid-Afrikaners verkies deesdae om in deeltitelkomplekse te woon. Hulle meen dit is veilig en ʼn lekker toesluit-en-ry leefstyl, maar daar is baie vereistes waarmee ʼn inwoner van so ʼn skema moet rekening hou. Voor jy dus koop, moet jy jou vergewis van waarvoor jy jou inlaat.

ʼn Mens hoop dat dit jou nooit oorkom nie, maar die meeste van ons is tog een of ander tyd betrokke by ʼn padongeluk. As dit met jou gebeur, dan is daar sekere stappe om te volg. Helen Ueckermann praat met Johan Janse van Rensburg van die Kantoor van die Ombudsman vir Korttermynversekering oor wat jou te doen staan sou jy in ‘n motorongeluk beland.

Tot 95% van Suid-Afrikaners wat op aftrede staan is nie finansieel gereed daarvoor nie. Dit is tyd om anders oor die konsep van aftrede te begin dink. Helen Ueckermann praat met Magnus Heystek van Brenthurst Wealth oor ʼn veranderende wêreld en hoe jou aftreevoorsiening daardeur geraak word.

Julie is Spaarmaand, maar dit is nie so maklik om jou spaarvarkie spekvet te kry in moeilike ekonomiese tye nie. Waarom is dit so belangrik vir ons én die ekonomie dat ons spaar en hoe kan jy ʼn begin maak?

Hoe leer ʼn mens jou kinders van geld? Dit is ʼn belangrike onderwerp, maar alte dikwels is ouers nie behoorlik toegerus om vir die jongspan die regte leiding te gee nie. Helen Ueckermann praat met Leoni Webster en Annelie Sdralis van Money4kids oor hoe jy jou kinders kan touwys maak met geldsake.

Elke jaar misluk daar in Suid-Afrika talle skemas wat aan beleggers buitengewone opbrengste belowe – meestal goed verdoeselde piramiedeskemas waarin beleggers honderde miljoene rande verloor. Te veel mense het al die slagoffers geword van pragtige beloftes en uiteindelik niks oorgehou van hulle swaarverdiende spaargeld nie. Helen Ueckermann praat met André Prakke, forensiese rekenmeester wat al ta...

As die skuldskoen druk, soos in soveel Suid-Afrikaanse huise die geval is in hierdie moeilike ekonomiese tye, moet daar plan gemaak word. Helen Ueckermann gesels met Hein Kruger van Kruger Internasionaal oor hoe ’n mens die skuldmonster aan bande kan lê.

Om geld in jou beursie te sit, is soos om fiks en gesond te word – daar is nie ʼn kitsplan nie, maar dit verg ʼn leefstylverandering na die korrekte finansiële leefwyse wat jou in staat sal stel om jou doel te bereik. Helen Ueckerman gesels met die ekonoom Dawie Roodt, direkteur van die Efficient-groep. Hoe kan ʼn lewenslange geldplan verseker dat jy jou drome sal bewaarheid en jou finansiële doelwit...

As die ondenkbare gebeur en jou geliefdes bly alleen agter, wil ’n mens sien dat hulle goed versorg is. Die opstel van ʼn geldige testament is die aangewese manier om dit te doen. Helen Ueckerman gesels met Franscois van Gijsen, ’n direkteur van die finansiëledienstefirma, Finlac. Hoe kan ’n mens verseker dat daar geld is vir jou kinders om te gaan studeer, dat jou lewensmaat die mas kan opkom sond...

Ivor Price praat met die finansiële kenner, Henry van Deventer, oor die vyf dinge dinge wat jy móét weet alvorens jy ’n besluit oor ’n finansiële produk neem.

Ivor Price praat met Henry van Deventer, die hoof van sakeontwikkeling by Acsis in Johannesburg. Hy het finansiële raad vir paartjies wat oorweeg om te trou.

Ivor Price praat met Kem Westdyk en Japie de Villiers oor finansiële beplanning vir aftrede. Kem is verbonde aan Summit Financial Services en Japie kon gemaklik aftree omdat hy vroeg in sy lewe die regte besluite geneem het.

Ivor Price praat met Friedl Kreuser en Lorna McPherson oor die pad na finansiële gesondheid. Die jongste navorsing wys dat tot 40% van die krediet-aktiewe bevolking meer skuld het as wat hulle kan bekostig.

Ivor Price praat met Kem Westdyk van Summit Garnishee Solutions oor die besoldigingsbeslaggingsbevel, beter bekend as garnishee orders. Dit is wanneer ’n kredietverskaffer, met die hof se toestemming, skuld van jou lone of salaris verhaal.

Ivor Price praat met Kem Westdyk van Summit Garnishee Solutions oor die besoldigingsbeslaggingsbevel, beter bekend as garnishee orders. Dit is wanneer ’n kredietverskaffer, met die hof se toestemming, skuld van jou lone of salaris verhaal.

Ivor Price vind meer uit oor skuldberading.

Finansië geletterdheid.