Rand en sent

Oktober is Nasionale Vervoermaand, en ons hoor hoe jy jou denke oor vervoer kan verander om meer te spaar. 'n Finansiële beplanner bespreek die drie mees algemene vrae wat hy van kliënte kry. En 'n kenner beantwoord 'n luisteraarsvraag oor beursverhandelde fondse.

Wat doen jy as jy hier teen middel Oktober besef jy het nie genoeg geld gespaar vir die Desembervakansie en Kersfees nie? En hoe kan tieners en jongmense hulle sosiale mediaplatvorms bestuur om seker te maak dat dit nie eendag teen hulle tel wanneer hulle vir 'n droomwerk aansoek doen nie?

31 Oktober is vir baie Suid-Afrikaners D-dag vir belastingopgawes. Suzaan Steyn gee inligting oor e-opgawes, en hoe jy dit self maklik kan gebruik. 'n Prokureur praat oor risiko's vir jong entrepreneurs en hoe om dit te vermy. En 'n skuldkenner het geldlesse vir kinders.

Met die swak ekonomie het baie Suid-Afrikaners skaars geld om deur die maand te kom, wat nog te sê spaar. 'n Behoorlik opgestelde begroting is jou beste gids deur enige finansiële storm. 'n Ekonoom verduidelik stap vir stap hoe 'n mens dit doen. 'n Kenner praat ook oor klein- en medium sake-ondernemings wat noustrop trek.

Kenners gee wenke om op kruideniersware en brandstof te bespaar. 'n Finansiële beplanner deel die tien belangrikste lesse oor finansies wat hy glo elke ouer hulle kinders moet leer.

'n Beleggingskonsultant praat oor bateklasse en hoe jy dit as beleggingsinstrument gebruik. 'n Versekeraar verduidelik hoe om jouself te beskerm wanneer jy jou privaat-versekerde voertuig vir 'n werkopdrag moet gebruik. 'n Finansiële beplanner gee die ses belangrikste finansiële produkte vir elke jong gesin.

Soveel as 70% van motors op die land se paaie is nie verseker nie, waarskynlik omdat verbruikers wil spaar. Dit kan 'n voertuigeienaar egter baie duur te staan kom. 'n Versekeraar praat hieroor en gee wenke oor hoe om op motorversekering te bespaar. 'n Verbruikerspesialis verduidelik ook waarom die inligting op etikette op kosprodukte en klere belangrik is, en hoekom jy dit moet lees voordat jy ie...

'n Beleggingskonsultant praat oor buitelandse beleggings. 'n Skuldkenner waarsku teen skuld om jou alledaagse uitgawes soos kos, brandstof en skoolgeld te dek. Wanneer kuberplakkers jou domeinnaam kaap: hoekom dit skadelik is, en hoe jy jouself daarteen kan beskerm.

Suzaan Steyn se gaste kyk onder meer na die spaargewoontes van sogenaamde “geheime miljoenêrs”, en hoe om ontslae te raak van irriterende bemarkings-e-posse. 'n Verbruikerspesialis het ook spaarwenke vir die lente en komende somer.

'n Verbruikerspesialis kyk na die vyf grootste foute wat verbruikers maak, en ook die vyf belangrike dinge wat ons reg doen. 'n Skuldkenner praat oor roekelose geldleenpraktyke, en die vereistes wat die nasionale kredietreguleerder in April ingestel het vir mense wat onder skuldberading gaan. En 'n beleggingskonsultant verduidelik die voordele van e-filing.

'n Verbruikerspesialis kyk na die jongste verbruikersneigings, en wat dit beteken. 'n Finansiële adviseur beklemtoon die noodsaaklikheid van lewensdekking vir jong ouers. En wat is die moets en moenies wanneer jy regsadvies wil inwin om dalk 'n bietjie daarop te kan spaar.

In die laaste gesprek in 'n reeks oor aftrede, kyk 'n finansiële kenner na die grootste foute wat mense maak, en veral die rol wat ons verhouding met geld hierin speel. 'n Arbeidsregkenner klaar verwarring op oor permanente en sogenaamde tydelike kontrakte. En 'n prokureur verduidelik wat gedoen moet word wanneer volmag verval as jy nie meer in staat is om self besluite oor jou finansies te neem n...

'n Entrepreneur vertel hoe hy 'n onderneming bou uit sy liefde vir die plaaslewe. In die reeks oor aftrede, praat 'n finansiële kenner oor gesondheidsorg en hoe jy voorsiening moet maak vir wanneer jy nie meer jou eie geldsake kan hanteer nie. En 'n entrepreneur deel sy ervaring van die gebruik van sosiale media, en hoe dit sy onderneming beïnvloed.

In die tweede gesprek in 'n reeks oor aftrede, gee 'n finansiële kenner wenke aan enkellopende vroue en enkelma's. 'n Arbeidsregkenner praat oor die moets en moenies wanneer jy jou CV opstel. En 'n entrepreneur gesels oor die regte manier om sosiale media in jou sake-onderneming te gebruik.

In die eerste gesprek in 'n kort reeks oor aftrede, word gekyk na vroue, veral getroude vroue of vroue in verhoudings. 'n Kenner oor entrepreneurskap praat oor geleenthede wat 'n gebrek aan hulpbronne aan entrepreneurs bied, asook maniere waarop sake-eienaars 'n bydrae tot omgewingsbewaring kan maak.

'n Finansiële kenner gee sewe stappe tot finansiële vryheid, al trek die ekonomie swaar. En 'n jong entrepreneur deel sy wenke vir die bou van 'n suksesvolle sake-onderneming.

'n Eiendomsagent sê waarna jy moet oplet wanneer jy huis koop, veral by die teken van die koopkonrak. 'n Arbeidsregkenner waarsku teen die gevare van afleggingspakkette, en 'n finansiële kenner praat oor aftredebeplanning.

'n Entrepreneur vertel van 'n simboliese staptog en 'n aanlynplatform, wat deel is van 'n projek om jong entrepreneurs te bereik en te help ontwikkel. 'n Prokureur praat oor die rol van tegnologie in die regsberoep. 'n Finansiële kenner gee inligting oor 'n nuwe standard waarmee die koste van aftredeprodukte vergelyk kan word.

Kenners bespreek verskansingsfondse, die grootste foute wat vroue met hulle geldsake maak, en 'n navraag oor hoe belasting gate in die verdienste op ons spaargeld vreet.

Suzaan Steyn het wenke om krag en energie in die koue wintermaande te bespaar. Vrae oor registrasie by die werkloosheidsverskeringsfonds, en beleggings word ook beantwoord.

Suid-Afrika het laaste geëindig in 'n onlangse internasionale studie oor finansiële geletterheid, wat die Organisasie vir Ekonomiese Samewerking en Ontwikkeling in 30 lande gedoen het. Hoe raak dit ons, en wat kan ons daaromtrent doen? Suzaan Steyn kyk ook na die grootste risiko's wanneer jy nie jou privaatheid aanlyn beskerm nie, en hoe jy dit kan beperk. En 'n entrepreneur deel haar geld- en spa...

'n Belastingspesialis bespreek die belastingimplikasies van 'n stokvelspaarrekening. 'n Arbeidsregkenner vertel wie wanneer kan eis vir werkloosheidsversekering. En 'n prokureur het raad vir wanneer 'n gewese eggenoot jou geld skuld.

'n Jong entrepreneur wat benoemings ontvang het as vrou van die jaar en verskilmaker van die jaar, vertel van die moeilike pad wat sy moes stap om haar eie onderneming te begin. Sy deel ook wenke met voornemende sake-eienaars. En 'n sakekenner praat oor skuld en klein- en mediumsakeondernemings.

'n Luisteraar deel haar elektrisiteitsbesparingswenke. 'n Skuldkenner verduidelik wat verbruikers moet weet voordat hulle om krediet aansoek doen. En in die laaste van 'n reeks gesprekke oor versekering, praat 'n makelaar oor amptenare- en direkteureversekering, iets wat jou raak indien jy 'n lid van 'n skoolbeheerliggaam is of die van 'n woonstelkompleks.

Mediesefondspremies is van jou grootste maandelikse uitgawes. Jy moet egter mooi dink voordat jy sommer net alle mediese dekking staak in 'n poging om te bespaar. 'n Kenner gee 'n lys van mediese produkte wat jy nog kan kanselleer, en dit wat jy tot elke prys moet behou. In 'n reeks praatjies oor versekering, praat 'n makelaar oor produkversekering en wie dit almal behoort te hê, en 'n belastingke...