Ons en die Onderwys

Johan van Lill praat met prof. Michael le Cordeur oor die uitdagings wat die Departement van Basiese Onderwys en die nuwe Minister van Onderwys tans in die gesig staar.

Johan van Lill praat met Nelmari Kemp, projekbestuurder by die Stigting vir Bemagtiging deur Afrikaans, oor hulle Zoë-voorleesprojek. In hierdie projek stel die SBA lesers by skole aan om vir leerders voor te lees om sodoende lees- en taalvaardighede te ontwikkel.

Johan van Lill praat met Riaan van den Bergh, adjunk-bestuurshoof van Fedsas en hoof van die Fedsas Sentrum vir Tegnologie, oor robotika en kodering, en wat skole alles nodig het om dit te implementeer.

Johan van Lill praat met dr. Jaco Deacon en professor Mariette Reyneke oor die nuwe Minister van Onderwys. Hulle verduidelik wat die pligte van ‘n nasionale minister van onderwys is, en watter magte sy het om ‘n verskil te maak.

Johan van Lill praat met Maryke Bellingan en dr. Hanrie Bezuidenhout oor die Singapoer-benadering tot Wiskunde-onderrig. Wat hierdie benadering uniek maak, is die manier waarop konsepte stap-vir-stap op mekaar bou, van konkreet tot simbolies. Dit bevorder diepgaande begrip by leerders. Hulle praat ook oor die faktore wat 'n groot rol speel in Wiskunde-prestasie en -begrip.

Johan van Lill praat met dr. Rinda Blom, 'n speelterapeut, oor die rol wat speelterapie in onderwys speel. Wat is speelterapie? Wanneer kan onderwysers dit aanbeveel om kinders te ondersteun?

Johan van Lill praat met prof. Jannie le Roux, 'n skrywer en motiveringspreker, oor hoekom vakansies belangrik is vir onderwysers en leerders. Hoe laai ek my battery?

Johan van Lill praat met prof Michael le Cordeur van die Universiteit Stellenbosch se Departement Opvoedkunde en dr. Jaco Deacon van Fedsas oor Jeugdag. Wat beteken dit vir onderwys in die tyd waarin ons nou is? Hoe moet onderwysers oor Jeugdag dink?

Johan van Lill fokus op selfgerigte leer. Sy gaste is almal van die Eenheid vir Selfgerigte Leer aan die Noordwes-Universiteit se Departement Opvoedkunde. Hulle vertel ook meer van ‘n kongres wat in November  plaasvind wat op selfgerigte leer fokus.

Johan van Lill praat met Jannie van der Westhuizen, 'n onderwyskonsultant en oud-skoolhoof,  oor die skoolhoof as ‘n rolmodel. Daar is 'n algemene verwagting by mense dat skoolhoofde rolmodelle behoort te wees, maar wat behels dit in praktiese terme?

Johan van Lill praat met dr. Hendrik Theys, voorsitter van die Afrikaanse Taalraad, oor die verskillende variante van Afrikaans, en hoe onderwysers dit in die klaskamer kan hanteer. Hoe skep ek ‘n inklusiewe omgewing waar almal die vrymoedigheid het om hulle eie vorm van Afrikaans te praat?

Johan van Lill praat met Wilna van Rooyen, 'n onderwyskundige, oor hoe om kinders leesgereed te kry, en watter vaardighede nodig is vir aanvanglees.

Johan van Lill praat met prof. Josef de Beer van die Eenheid vir Selfgerigte Leer by die Departement Opvoedkunde aan die Noordwes-Universiteit oor ’n interessante kunskompetisie vir leerders en studente met sterrekunde as tema.

Johan van Lill praat met dr. Elzette Fritz oor die impak van huishoudelike geweld op leerders. Wat kan onderwysers doen om hierdie leerders te ondersteun?

Johan van Lill praat met dr. Juane van der Merwe oor die grondwet en opvoedkunde: Wat is ons grondwetlike regte op verskillende vlakke van opvoedkunde en onderwys?

Johan van Lill praat met prof. Ignatius Gous oor oksitosien en sosiale leer. Hierdie hormoon versterk nie net ons emosionele bande nie, maar speel ook 'n kritiese rol in sosiale leerprosesse. Oksitosien kan ook positiewe sosiale gedrag in die klaskamer bevorder.

Johan van Lill praat met dr. Jurie Joubert, 'n onderwyskundige, oor die oorgang tussen Graad 7 en 8, en hoe ouers, leerders en onderwysers die oorgang op die beste moontlike manier kan hanteer.

Johan van Lill praat met prof. Michael le Cordeur oor onderwyssake waarvan ons moet kennis neem, soos die nuutverkose beheerliggame, sport- en kultuuraktiwiteite in die tweede kwartaal, en die Bela-wetgewing.

Johan van Lill praat prof Ignatius Gous oor meertaligheid en moedertaalonderwys. Hoe moet ons hieroor dink binne die konteks van Suid-Afrika?

Johan van Lill praat met dr. Elzette Fritz, 'n opvoedkundige sielkundige, oor die geestesgesonheidsprobleme wat in skole voorkom, en hoe onderwysers dit kan hanteer. Hoe ondersteun ek die algemene welstand van my leerders?

Johan van Lill praat met dr. Jaco Deacon, die bestuurshoof van FEDSAS, oor die opleidingsgeleenthede wat beskikbaar is vir die nuutverkose skoolbeheerliggaamslede. Vanjaar is baie van hierdie geleenthede aanlyn beskikbaar, wat dit makliker maak vir lede om hulle opleiding te ontvang.

Johan van Lill praat met prof. Dap Louw, 'n kliniese sielkundige met doktorsgrade in sowel sielkunde as kriminologie, oor die belangrikheid van opleiding vir onderwysers in kindersielkunde.

Johan van Lill praat met Juane van der Merwe en Constanze van der Walt oor die praktiese aspekte van die beheerliggaamsverkiesings wat tans in skole aan die gang is. Constanze gee praktiese wenke om die verkiesings glad te laat verloop.

Johan van Lill praat met Riaan van den Bergh, adjunk-bestuurshoof van Fedsas, oor kunsmatige intelligensie in die onderwys. Hy het met baie skole, onderwysers en leerders hieroor gepraat. Hy praat ook oor internasionale navosingsresultate wat beskikbaar is ná een jaar van die gebruik daarvan deur skole, ouers en leerders.

Johan van Lill praat met dr. Hendrik Theys, voorsitter van die Afrikaanse Taalraad, en dr. Mvula Yoyo, direksielid van die Stigting vir Bemagtiging deur Afrikaans, oor die belangrikheid van moedertaalonderwys. Wêreld Moedertaaldag word op 21 Februarie gevier.