Ons en die Onderwys

Ons en die onderwys 17 Augustus 2014

Johan van Lill gesels hoor wat die Weskus Onderwysdistrik alles aangepak het om wetenskap en wiskunde onder onderwysers, leerders en ouers te bevorder. Hy loer ook in by die HIP2B² Ithink-kompetisie en gesels met leerders en onderwysers oor hoe hulle oor Wetenskap en Wiskunde voel.

Ons en die onderwys 10 Augustus 2014

Johan van Lill gesels met dr. Jannie le Roux oor leierskap en geluk. Hoe bring 'n mens leierskap en geluk bymekaar uit? Die fokus in skole is grotendeels op prestasie gerig, maar as jy vir ouers vra wat is die belangrikste vir hulle oor hul kinders se opvoeding dan word woorde soos geluk, vervulling en balans eerder genoem as akademiese prestasie.

Ons en die onderwys 3 Augustus 2014

Johan van Lill gesels met lede van die Principals Academy wat daarop fokus om skoolhoofde te ondersteun deur 'n mentorskapsprogram. Bruce Probyn en Anne van Zyl is afgetrede skoolhoofde wat hulle jarelange ervaring inspan om hoofde in hulle kantore by te staan met alledaagse bestuursprobleme. Anne van Zyl was die skoolhoof wat die Oprah Winfrey Leadership Academy weer op die suksespad bestuur het.

Ons en die onderwys 27 Julie 2014

Johan van Lill gesels met Elisa Fraser van die Suid-Afrikaanse Nasionale Ruimte Agentskap op Hermanus oor wat alles in hulle wetenskapsentrum gebeur en hulle mobiele eenheid wat skole besoek om praktiese wetenskapeksperimente uit te voer. Hulle beplan ook 'n hele paar aktiwiteite as deel van Nasionale Wetenskapweek en sy vertel meer daarvan.

Ons en die onderwys 20 Julie 2014

Johan van Lill gesels met Christina Watson, bestuurshoof van Via Afrika Uitgewers, oor hoe gereed Suid-Afrika se skole is vir e-leer na aanleiding van 'n verslag wat hulle onlangs gepubliseer het.

Ons en die onderwys 13 Julie 2014

Johan van Lill gesels met Truide Prekel oor kreatiewe probleemoplossing vir onderwysleiers. Hoe luister 'n mens vir idees wanneer ander mense praat en met 'n houding dat mense voorstelle met die beste bedoelings maak?

Ons en die onderwys 6 Julie 2014

Johan van Lill gesels met Wilna van Rooyen oor alles wat 'n onderwysleier in gedagte moet hou by die aanstel van 'n pre-primêre onderwyseres. Watter vrae kan tydens 'n onderhoud gebruik word en oor watter eienskappe en kennis moet so 'n persoon beskik?

Ons en die onderwys 29 Junie 2014

Johan van Lill gesels met dr. Anel Pepler en Mariana van Niekerk oor hoe Montessori-kleuterskole verskil van hoofstroomskole. Baie onderwysers ontvang jaarliks leerders in Graad 1 en Graad R wat in Montessori-skole was en om hierdie leerders se ontwikkeling te ondersteun is dit belangrik om nie net bietjie van die Montessori-filosofie te verstaan nie, maar ook om te weet wat die verskil is tussen...

Ons en die onderwys 22 Junie 2014

Leerders bly om baie redes van die skool af weg. Kobie Kitshoff, van die Wes-Kaapse Onderwysdepartement se Direktoraat: Beleidskoördinering, bespreek die nasionale beleid oor skoolbywoning, wat van toepassing is op alle openbare skole in Suid-Afrika.

Johan van Lill praat oor die verslag van die Wêreld Ekonomie Forum wat Suid-Afrika se wiskunde en wetenskaponderrig as die swakste uit 148 lande gegradeer het.

Ons en die onderwys 15 Junie 2014

Johan van Lill praat oor die verslag van die Wêreld Ekonomie Forum wat Suid-Afrika se wiskunde en wetenskaponderrig as die swakste uit 148 lande gegradeer het.

Johan van Lill praat oor 'n innoverende projek om hulpbronne aan skole te verskaf.

Ons en die onderwys 8 Junie 2014

Ons en die Onderwys 1 Junie 2014

As deel van Kinderbeskermingsweek, kyk ons na wanneer 'n skool nie meer net 'n plek van onderrig is nie, maar 'n veilige hawe vir leerders word. Twee onderwysers van Silverstream Hoër in Mannenberg, Gadija Angus en die waarnemende hoof, Lesley Pieters, vertel van die uitdagings om skool te hou in die middel van 'n bendegeteisterde area.