Ons en die Onderwys

Johan van Lill kyk na 'n aanlyn wiskundekompetisie vir laer- en hoërskoolleerders, en praat met twee onderwysers wat in Kanada gaan ondersoek instel het na onderwysmetodiek wat hulle tans met groot sukses toepas.

Johan van Lill praat met dr. Lizzie Ebersohn, 'n opvoedkundige sielkundige, oor hoe 'n onderwyser verby die oppervlak moet sien, om dieperliggend na leerders kyk.

Johan van Lill praat met dr. Nicol Faasen oor die General Household Survey wat onderwys bekyk vanuit die oogpunt van huishoudings. DIt gee 'n baie interessante idee van hoe huishoudings onderwys in die algemeen in Suid-Afrika ervaar.

Johan van Lill gesels met prof Michael le Cordeur oor waar en wanneer het wat verkeerd geloop met ons onderwystelsel? Het dit nie dalk weer tyd geword dat onderwysers eienaarskap neem van onderwys nie en wat word hiermee bedoel.

Johan van Lill praat met onderwyskenner Cynthia Linde oor hoe om die daaglikse negatiwiteite te hanteer, wat onderwysers in die klaskamer en onderwys ervaar.

Johan van Lill praat met onderwyskenner en oudskoolhoof, Cassie Carstens, oor hoe om te werk te gaan as jy die skoolhoof van 'n ander skool word. Wat is die slaggate, en hoe kan 'n mens dit vermy?

Johan van Lill praat met Elzette Fritz, 'n opvoedkundige sielkundige, oor die voor- en nadele van fokusskole. Dr. Jurie Joubert vertel hoe onderwysers kleingroeponderwys in die klaskamer kan gebruik.

Johan van Lill praat met onderwyskundige, Jaco de Kock, oor hoe onderwysers lief bly vir die vakke wat hulle aanbied, en hoe om altyd jou belangstelling in daardie vakke verder te ontwikkel.

Johan van Lill kyk na 'n projek wat fokus op ondersteuning en ontwikkeling van skoolhoofde. Sedrico Husselman is pas terug van oorsee waar hy Engels gegee het. Hy deel sy ervarings, en gesels ook oor die Funda-bundel wat die SBA gratis aan skole versprei om lees- en leervaardighede te ontwikkel.

Johan van Lill praat met Elzette Fritz, 'n opvoedkundige sielkundige, oor hoe onderwysers koelkop kan bly wanneer kinders hulle uittart en uitdagende gedrag toon. Tans word daar oor baie voorvalle in die media berig waar onderwysers reageer op maniere wat tot ontslag lei, omdat hulle nie in moeilike situasies gereguleerd kan optree nie.

Johan van Lill praat met prof. Ignatius Gous van Unisa oor hoe 'n onderwyser of onderwysleier die leerproses kan ondersteun en hulp kan verleen. Daar is baie metodes en tegnieke wat jou kan help om beter te leer en te onthou.

Johan van Lill praat met Daan Potgieter oor die nuutgestigde Afrikaanse Onderwysnetwerk, en met Fiona van Kerwel oor wat die WOW-projek alles by vanjaar se Woordfees vir skole aanbied.

Johan van Lill praat met prof. Christo van der Westhuizen en Dorothy Loubser oor vervlegde leer. Dit is die mengsel tussen leer wat in 'n klaskamer gebeur en leer wat buite die klaskamer, gewoonlik aanlyn, gebeur. In Engels staan dit bekend as blended learning.

Johan van Lill praat met Stoffel Goosen, 'n onderwyskundige, oor 'n nuwe geleentheid vir leerders om reeds aan die einde van Graad 9 'n beroepsgerigte kwalifikasie te kan verwerf. Voorheen kon leerders dit net volg by 'n naskoolse Kollege, maar nou is dit moontlik om 'n kwalifikasie te verwerf soortgelyk aan matriek, maar met die voordeel dat jy dadelik in daardie rigtig kan spesialiseer of verder...

Johan van Lill praat met Anitia Lubbe en dr. Chantelle Bosch oor hoe 'n mens assessering deel van die leerproses kan maak. Mense dink baie keer aan assessering net as toetse en eksamens, en dit skep baie keer 'n negatiewe persepsie teenoor assessering.

Johan van Lill praat met dr. Jannie le Roux oor 'n fokus vir jou onderwysjaar in 2019. Hoe kan jy seker maak dat jy die jaar op die regte noot begin?

Johan van Lill praat met twee onderwyskenners, dr. Jaco Deacon en dr. Elda de Waal, oor die afgelope onderwysjaar - wat was positief, interessant en wat het verkeerd geloop? Ons gesels ook oor wat in 2019 op die kalender is en reflekteer op onderwys ná 25 jaar van demokrasie.

Johan van Lill praat met prof. Marthie van der Walt, dr. Neal Petersen en prof. Josef de Beer oor hoe inheemse kennis en konteks leer beïnvloed en kan verdiep. Baie navorsing word tans oor gekontekstualiseerde leer gedoen, en hierdie kenners van die NWU vertel vir ons meer daarvan.

Johan van Lill praat met skrywer en motiveringspreker dr. Jannie le Roux oor hoe ek op my onderwysjaar wat verby is, kan reflekteer. Ons het aan die begin van die jaar sekere doelwitte gestel. Hoe dink ek na oor hoe ek hierdie doelwitte bereik het of nie?

Johan van Lill kyk na 'n tegniek wat onderwysers kan gebruik om leerders verantwoordelikheid vir hulle eie leer te laat neem en hulle meer aktief betrokke te kry by die leerproses. Dit staan bekend as koöperatiewe leer. Die kenners wat aan die program deelneem is prof. Elsa Mentz en dr. Roxanne Bailey.

Johan van Lill praat oor probleemgebaseerde leer met proff. Aubrey Golightly en Marietjie Havenga van die NWU. Hoekom is probleemgebaseerde leer belangrik, en hoe kan dit in skole toegepas word?

Johan van Lill kyk verder na selfgerigte leer. Ná die vorige program was daar baie navrae van onderwysers oor hoe dit prakties in die klaskamer kan werk en hoe onderwysers dit kan bevorder. Prof. Elza Mentz en prof. Josef de Beer van die Noordwes-Universiteit beantwoord hierdie vrae.

Johan van Lill praat oor lewenslange leer met prof. Ignatius Gous van Unisa. Hy het 'n model ontwikkel wat onderwysers kan toepas om hierdie belangrike ingesteldheid by leerders aan te moedig en te vestig.

Johan van Lill is by 'n kongres oor selfgerigte leer, wat die Noordwes-Universiteit in Potchefstroom gehou is.

Johan van Lill praat met twee skoolhoofde oor onderwysers se ingesteldheid en dinamiek, en hoe kom gehaltepersoneel te kry en te behou.