Ons en die Onderwys

Johan van Lill praat met prof. Michael le Cordeur oor die Algemene Onderwyssertifikaat ná Graad 9 wat pas deur die Departement van Basiese Onderwys aangekondig is.

Johan van Lill praat met Bruce Probyn en Ronald Balie oor die werk wat die Principals Academy Trust met skoolhoofde doen. Hulle fokus daarop om skoolhoofde te mentor, af te rig en emosioneel te ondersteun vir die uitdagende taak om elke dag 'n skool te bestuur.

Johan van Lill praat met Handri de la Harpe oor die waarde van sagte-vaardighede vir leerders om hulle toe te rus vir die wêreld van werk en universiteit. Hoe gemaak as 'n leerder eerder 'n gapingsjaar wil neem as om dadelik te begin studeer of werk?

Johan van Lill praat met Marnelda de Beer oor hoe om 'n leesstuk op die regte vlak vir leerders te kies om leesbegrip te bevorder. En Bruce Collins, 'n onderwyskundige, vertel van sy ervaring met tegnologie in die klaskamer.

Johan van Lill praat met Marga Botha van AROS oor haar doktorale studie wat handel oor die welstand van onderwysers. Wat kan onderwysers doen om na hulle eie welstand om te sien?

Johan van Lill praat met Alta Graaf, die nuutaangestelde operasionele hoof van die MOS-projek, oor die impak van die Vierde Nywerheidsrewolusie op onderwys en opleiding. Wat is die tendense in onderwys waarvan opvoeders moet kennis neem?

Johan van Lill kyk na die Verteenwoordigende Raad van Leerders (VRL) wat volgens die Onderwyswet in alle publieke hoërskole verkies moet word, en ook op die skoolbeheerliggaam verteenwoordiging het. Ben Feirreira van Fedsas lei gereeld skole hierin op, en gee wenke oor hoe om die verkiesing glad te laat verloop.

Johan van Lill kyk na sport, wat nie net 'n groot aanwins vir skole kan wees nie, maar ook 'n gif kan word wat die skool toksies kan maak as dit nie reg bestuur word nie. Danie Brink van die Skoleondersteuningsentrum gee vir wenke oor hoe om sport 'n vitamine vir jou skool te maak.

Dis tyd vir skole om te begin beplan vir 2020. Johan van Lill praat met Paul Colditz en Jaco Deacon oor wat skole in gedagte moet hou tydens hulle beplanningsessies.

Johan van Lill praat oor Nasionale Wetenskapweek, en lê besoek af by 'n onderwyser en 'n groep leerders om te hoor hoe hulle die vak fisiese wetenskappe ervaar.

Johan van Lill praat met prof. Michael le Cordeur, 'n onderwyskundige, oor die uitdagings van leesonderrig in skole, spesifiek waarmee plattelandse skole mee te doen kry.

Johan van Lill praat met dr. Lourens Erasmus oor die uitdagings en voordele daarvan om aanlyn vir 'n onderwyskwalifikasie te studeer. Opleiding van onderwysers is voortdurend aan die verander, en die moontlikhede van aanlynopleiding kan 'n groot bydrae maak om meer onderwysers beskikbaar te maak vir die professie.

Johan van Lill praat met Hugo Vermeulen, die hoof van opleiding by die Skole Ondersteuningsentrum, oor hoe skole robotika en kodering kan aanpak. Hy vertel ook van slypskole wat in die Wes-Kaap en Gauteng hieroor gehou word.

Johan van Lill praat met Wilna van Rooyen, 'n kenner op die gebied van voorskoolse onderwys, oor die opleidingsbehoeftes van voorskoolse onderwysers.

Johan van Lill praat met Pieter Cronje, 'n kommunikasiekundige, oor die impak wat tegnologie in die toekoms op skole gaan hê en ons praat ook oor die rol wat masjienleer hierin gaan speel.

Johan van Lill praat met dr. Roxanne Baily oor 'n kongres oor selfgerigde leer wat later vanjaar deur die Noordwes Universiteit aangebied word.

Johan van Lill praat met Hugo Vermeulen, hoof van opleiding by die Skole-Ondersteuningsentrum, oor hoe gesindheid van mense 'n skool se gesondheid kan bepaal.

Johan van Lill praat met Danie Brink van die Skole-ondersteuningsentrum oor 'n opname wat hulle gedoen het oor skoolveiligheid. Hy gaan lê ook besoek af by 'n STEAM-dag wat by Curro Durbanvallei aangebied is.

Hierdie week praat Johan van Lill met Danie Brink van die Skoleondersteuningsentrum oor navorsing wat hierdie week bekendgemaak word oor hoe skoolhoofde hulle tyd spandeer. Ons gee ook raad oor hoe skoolhoofde beter met die tyd tot hulle beskikking kan werk.

Johan van Lill praat met Melanie Buys oor die belangrikheid van onderwysers se liggaamstaal in die klaskamer, en Valentyn van der Merwe vertel hoe die klaskamer in die toekoms sal lyk.

Johan van Lill praat met prof. Ignatius Gous oor die belangrikheid van moedertaalonderwys. Gesprekke hieroor is tans weer druk aan die gang en ons bespreek aspekte wat in ag geneem moet word wanneer hieroor gepraat word.

Johan van Lill praat met Etienne Pienaar, die vakhoof Wiskunde by Curro Durbanville, oor die Gevorderde Program Wiskunde wat hulle by die skool aanbied om skrander wiskundeleerders te stimuleer.

Johan van Lill praat met Carin de Beer van die Hoërskool Waterkloof en 'n paar leerders oor die waarde wat die deelname aan ekspo's en kompetisies inhou. Carin vertel ook hoe hulle by robotika met die leerders aanpak.

Johan van Lill praat met Chris Deneyssen, hoof van die Hoërskool Waterkloof, oor hoe hy motivering, hoop en uitreikaksies in die skoolomgewing bestuur.

Johan van Lill praat met Johan van Breda oor e-sport. Dis wanneer leerders deelneem aan rekenaarspeletjies, individueel en/of in spanne, wat soos sportbyeenkomste bedryf word. Dit is iets wat al hoe meer by skole posvat, en word al as 'n volwaardige sport erken.