Ons en die Onderwys

Johan van Lill praat met Magdaleen de Kock, 'n onderwyser, oor haar ervaring van aanlyn klasgee. Waar pas pen en papier in by digitale leer? Sy gee ook wenke oor hoe sy haar kollegas oplei en ondersteun, en watter hulpbronne sy in haar lesse gebruik.

Johan van Lill praat met dr. Jannie le Roux oor hoe onderwysers die veranderinge kan hanteer wat deur die pandemie veroorsaak is. Skole moes hierdie week weer heropen het na die vakansie, en nou is almal by hulle huise en onderwys moet voortgaan.

Johann van Lill praat met prof. Ignatius Gouws oor leer, en waaroor dit eintlik gaan in die drie vlakke van leer.

Johan van Lill praat met David Jantjies oor hoe skole met ouers kan gesels oor die belangrikheid van huistaal wanneer kinders leer. Ouers dring baie keer aan dat 'n kind in 'n ander taal as sy of haar moedertaal onderrig ontvang, en besef nie altyd die nagevolge van hierdie besluit nie.

Johan van Lill praat met Hennie de Wet, bestuurshoof van die Rapport Onderwysfonds, oor watter behoefte daar aan onderwysers is na aanleiding van navorsing wat hulle gedoen het oor wat nodig is in die onderwysprofessie om aan die vereistes van goeie onderrig en leer te voldoen.

Tegniese onderwys is een van die steunpilare waarop Suid-Afrika se ekonomie en vooruitgang berus. Johan van Lill praat met 'n groep onderwyskundiges oor die werk wat die Nasionale Assosiasie vir Skole van Tegnologie doen om tegniese onderwys te bevorder, ondersteun en ontwikkel.

Regstreekse uitsending van die Afrikaanse Onderwysnetwerk en RSG se onderwyssimposium oor moedertaalonderrig,

Leerder se veiligheid tydens skooluitstappies was onlangs in die nuus nadat 'n leerder verdrink het. Johan van Lill prata met 'n skoolhoof en 'n onderwyser oor die moets en moenies van uitstappies met leerders. Wat is al die aspekte waaraan skole moet dink om nie net die leerders se veiligheid te verseker nie, maar ook om die meeste opvoedkundige waarde uit die geleentheid te put?

Johan van Lill praat met dr. Jaco Deacon van Fedsas oor onderwyswetgewing. Daar is verskillende wette wat die regte van kinders beskerm, en ouers, versorgers en onderwysers is nie altyd seker hoe die wette met mekaar skakel nie, en hoe dit toegepas behoort te word nie.

Johan van Lill kyk na geestesgesondheid in onderwys en opvoeding. Hoe kan leerders en studente, wat byvoorbeeld bipolêre gemoedsteuring het, ondersteun en bygestaan word? En watter rol speel opvoeders en dosente in hierdie proses? Die gaste is van die CPUT-kampus op Wellington wat 'n projek begin het om die stigmas oor geestesgesondheid aan te pak.

Johan van Lill is by die British Educational Training and Technology Show in London, en gesels met internasionale kenners en Riaan Vlok, hoof van tegnologie by die Curro Skole-groep, oor die jongste tegnologiese ontwikkelinge en tendense vir die klaskamer. Waarvan moet ons as Suid-Afrikaners kennis neem, en watter tegnologie word nou wêreldwyd in klaskamers gebruik.

Johan van Lill praat met twee onderwyskundiges oor die rol wat tegnologie kan speel om leer te ondersteun. Deesdae lees mens al hoe meer dat tegnologie nie die klaskamer moet oorheers nie, maar onderwys sal ook soveel armer wees as dit weggelaat word.

Johan van Lill praat met Bernadette Geduld, 'n onderwyskundige van die Noordwes-Universiteit se Eenheid vir Selfgerigte Leer, oor metakognisie en reflektiewe vaardighede. Watter rol kan ouers en onderwyrs speel om dit by leerders te bevorder?

Johan van Lill praat met dr. Jannie le Roux oor om die onderwysjaar reg te begin. Hy gee 'n onderwysfokus vir die jaar om onderwysers te inspireer om van elke onderwysjaar 'n besondere jaar te maak.

Johan van Lill kyk saam met prof. Michael le Cordeur van die Universiteit Stellenbosch en dr. Jaco Deacon van Fedsas terug na alles wat in 2019 in die onderwys gebeur het, en bespreek onderwysgebeure wat in 2020 van kennis geneem behoort te word.

Johan van Lill praat met Anitia Lubbe, 'n onderwyskundige, oor assessering en watter rol dit in skoolkurrikulums behoort te speel. Hoe kan assessering bydra tot die ontwikkeling van lewenslange leerders?

Johan van Lill praat met Sukie van Zyl van die Noordwes Universiteit se Eenheid vir Selfgerigte Leer oor hoe onderwysers leerders kan bemagtig om verantwoordelikheid vir hulle eie leerproses te neem. Verwagtinge speel 'n belangrike rol, en opvoeders en ouers moet 'n kopskuif maak dat sekere vaardighede eintlik belangriker is as akademiese prestasie.

Johan van Lill praat met prof. Josef de Beer en prof. Neal Petersen van Noordwes-Univisersiteit se eenheid vir Selfgerigte Leer oor die rol wat inheemse kennis in selfgerigte leer speel. Daar word tans heelwat geargumenteer dat tradisionele houers van inheemse kennis as goeie selfgerigte leerders beskou kan word, en inheemse kennis sou ook baie goed kon inpas by die Suid-Afrikaanse kurrikulum.

Johan van Lill praat met dr. Jannie le Roux oor hoe jy oor jou onderwysjaar kan reflekteer en dit kan afsluit. Hy kyk terug na drie fokuspunte wat aan die begin van 2019 gestel is, en dink na oor die impak wat dit kon hê op jou onderwysjaar.

Johan van Lill praat met Erna Rheeder van SAVFamnet oor die verhouding tussen skole en pa's, en wat die impak van mentorskap deur onderwysers en onderwysleiers op leerders kan wees.

Johan van Lill praat met Alta Greeff, die bedryfshoof van die MOS-Inisiatief, oor die belangrikheid van moedertaalonderwys en al die kompleksiteite wat dit behels. Hoe balanseer 'n mens die belangrikheid dat leerders in die elf amptelike tale onderrig word met die feit dat almal eendag in 'n uniforme besigheidstaal by die werkplek moet kan funksioneer.

Johan van Lill het die jaarlikse selfgerigte leerkongres van die Noordwes-Universiteit bygewoon, waar rolspelers in die onderwyssektor die jongste navorsing met mekaar kom deel oor die beste praktyke vir leer en onderrig.

Deesdae is daar amper elke week 'n hartseer storie in die nuus oor 'n tragiese einde deur gesinsgeweld. Johan van Lill gesels met Adri Klindt van Huis Jabes oor wat die rol van skole is wanneer daar gesinsgeweld by die huis is. Hoe hanteer ek leerders in die klaskamer wanneer gesinsgeweld 'n probleem is, en watter inligting benodig die stelsel om sulke families te help?

Johan van Lill praat met prof. Renate Schoeman, 'n psigiater in privaatpraktyk en professor in leierskap by die US Bestuurskool, oor aandagafleibaarheid, aandaggebreksindroom en kinders wat klaskamers ontwrig. Hoe kan onderwysers dit in die klaskamer hanteer, en wanneer word 'n kind verwys vir hulp?

Johan van Lill praat met prof. Renate Schoeman, 'n psigiater in privaatpraktyk en professor in leierskap by die US Bestuurskool, oor aandagafleibaarheid, aandaggebreksindroom en kinders wat klaskamers ontwrig. Hoe kan onderwysers dit in die klaskamer hanteer, en wanneer word 'n kind verwys vir hulp?