Ons en die Onderwys

Johan van Lill hoor by prof. Ignatius Gous of dit nog belangrik is vir leerders om te memoriseer, en watter rol  memorisering in die leerproses speel.

Johan van Lill praat met prof. Ignatius Gous oor die pandemie en gepaardgaande grendeltye wat baie onderrigtyd verlore laat gaan het. Is dit moontlik om al die leerinhoud te dek in die verkorte leertye? Watter strategieë kan onderwysers in die klas aanwend om leerders te ondersteun?

Johan van Lill praat met Daan Potgieter en Wilna van Rooyen van die AON oor die impak van Covid-19 op die onderwyslandskap die afgelope 18 maande. Hulle gee ook terugvoer van besoeke wat hulle aan skole gedoen het.

Johan van Lill praat met Reinette Lombard en Jose Palmer oor die belangrikheid van lees, leesvaardighede en lees met begrip. Watter rol speel voorlees, saamlees en sensoriese ervarings in leerders se geletterdheidsontwikkeling?

Johan van Lill praat met Hugo Vermeulen, hoof van opleiding by die Skole Ondersteuningsentrum, en Celeste Labuschagne, ‘n Wolkskooldosent en wetenskapvakspesialis, oor hoe eksamens en spesifiek gestandaardiseerde eksamens gebruik kan word deur skole om hulle eie standaarde te bepaal, om seker te maak leerders bereik hulle volle akademiese potensiaal.

Johan van Lill kyk na die take wat onderwysers (veral laerskoolonderwysers) opgelê word wat nie op hulle pligstaat is nie, maar wat so deel is van hulle lang werksdae. Twee bedryfsielkundiges, Zahn van Niekerk en Susan Goosen, vertel van die navorsing wat hieroor gedoen is.

Johan van Lill kyk na die uitdagings vir skole en waarop skole nou moet fokus noudat die leerders weer terugkeer skool toe. Jaco Deacon, waarnemende uitvoerende hoof van Fedsas, en Chris Klopper, uitvoerende hoof van die SAOU, gee wenke en inligting.

Johan van Lill kyk na iets wat toenemend ‘n probleem word  - die groot aantal grondslagfase-leerders wat sukkel met lees, veral die Graad 2’s wat tydens die grendeltyd soveel kosbare onderrigtyd verloor het. Die gaste is Mariette van Zyl en Monica Opperman, en hulle gee raad oor hoe gemaak as my Graad 2 kind nie kan lees nie?

Johan van Lill kyk na die rol en verantwoordelikhede van skole wanneer daar voorvalle van substansafhanklikheid voorkom. As jy dit vermoed, mag jy ‘n dwelmurine toets laat doen sonder die ouers se toestemming? Watter prosedures moet jy volg? Die kenners wat saam praat is Tia Gruenenfelder en Francette Bedford.

Johan van Lill praat met Paul Colditz wat later vanjaar die tuig neerlê as die uitvoerende hoof van Fedsas. Hy het diep spore in die onderwys getrap, en was betrokke by vele veranderinge in dié veld. Sy bydrae tot onderwyswetgewing en die rol en funksies van beheerliggame in openbare skole sal nog vir jare hom tot eer strek.

Johan van Lill praat met Mariesa Candiotes, 'n onderwyskundige by die Skole Ondersteuningsentrum, en Hildegard Brummer, 'n dosent by die Wolkskool, oor hoe onderwysers dissipline in aanlynsituasies moet handhaaf. Hoe maak ek met leerders wat nie gepaste gedrag handhaaf wanneer ek aanlyn skoolgee nie?

Johan van Lill praat met Mariesa Candiotes, 'n onderwyskundige by die Skole Ondersteuningsentrum, en Hildegard Brummer, 'n dosent by die Wolkskool, oor hoe onderwysers dissipline in aanlynsituasies moet handhaaf. Hoe maak ek met leerders wat nie gepaste gedrag handhaaf wanneer ek aanlyn skoolgee nie?

Johan van Lill kyk na selfgerigte leer en ‘n kongres hieroor wat later vanjaar plaasvind. Sy gaste is prof. Jako Olivier, dr. Sukie van Zyl en dr. Dorothy Laubsher, almal van die Noordwes-Universiteit se Navorsingseenheid Selfgerigte Leer.

Johan van Lill hoor hoe om leerders, onderwysers en onderwysleiers te help om te oorleef, groei en floreer, en die rol wat professionele ontwikkeling hierin kan speel. Sy gaste is dr. Francois Naude, 'n onderwyskundige, en prof. Josef de Beer van die Noordwes-Universiteit se eenheid vir Selfgerigte Leer.

Johan van Lill kyk na onderwysmentorskap. Wat is die praktiese uitdagings om dit in 'n skool te laat werk? Sy gaste is dr. Francois Naude, ‘n onderwyskundige, en prof. Josef de Beer van die Noordwes Universiteit se eenheid vir Selfgerigte Leer.

Johan van Lill praat met Melissa Bekker en Alicia Bestbier, opvoedkundige sielkundiges, oor hoe om groepwerk en samewerking in die klaskamer te bevorder.

Johan van Lill met Jaco Kruger en Erika Lion-Cachet, onderwysleiers van SAHETI Skool in Johannesburg, oor leierskapsuitdagings in skole binne die konteks van die wêreld waarin ons tans leef, en hoe die nuwe normaal leierskap in skole beïnvloed.

Johan van Lill praat met Mariesa Candiotes, 'n onderwyskundige by die Skole Ondersteuningsentrum, en Marne Pedro, ‘n onderwyser, oor hoe om kreatiewe angs in die klaskamer te hanteer en hoe om nuuskierigheid by leerders te bevorder.

Johan van Lill praat met Charlotte Fourie, ’n dosent in inligtingstegnologie by die Wolkskool, en prof. Jean Greyling van die Nelson Mandela Universiteit oor die voorgestelde kurrikulum vir kodering en robotika.

Johan van Lill praat met Melodie de Jager, 'n ontwikkelingskenner, en Wilna van Rooyen, 'n voorskoolse onderwyskundige, oor die belangrike aspekte waarop gefokus moet word in vroeë kinderontwikkeling.

Johan van Lill praat met twee opvoedkundige sielkundiges, Tanya van der Walt en Natalie Pretorius, oor wenke vir onderwysers en onderwysleiers om beter na hulle self te kyk, en wat die uithouvermoë behels om konstante verandering te hanteer.

Johan van Lill praat met De Waal Ritter en Lauren Clarke, kenners van skoolgeboue en leerruimtes, oor hoe funksionele leerruimtes van die toekoms lyk, en wat jy in jou skool kan doen om ruimtes te optimaliseer.

Johan van Lill praat met Sukie van Zyl van die Noordwes-Universiteit se Eenheid vir Selfgerigte Leer oor hoe onderwysers leerders kan bemagtig om verantwoordelikheid vir hulle eie leerproses te neem. Verwagtinge speel ‘n belangrike rol, en opvoeders en ouers moet ‘n kopskuif maak dat sekere vaardighede eintlik belangriker is as akademiese prestasie.

Johan van Lill praat met prof. Josef de Beer en prof. Neal Petersen van Noordwes-Universiteit se eenheid vir selfgerigte leer oor die rol wat inheemse kennis in selfgerigte leer speel. Daar word tans heelwat geargumenteer dat tradisionele houers van inheemse kennis as goeie selfgerigte leerders beskou kan word, en inheemse kennis sou ook baie goed kon inpas by die Suid-Afrikaanse kurrikulum.

Johan van Lill kyk na kritiese denke by kinders. Sy gaste is drie kenners wat al diep spore in die joernalistiek getrap het, Ingrid Jones, Marenet Jordaan en George Claassen. Hulle gesels oor hoe onderwysers leerders kan help om meer krities om te gaan met wat hulle sien, hoor en beleef in die media.