Ons en die Onderwys

Johan van Lill praat met prof. Elza Mentz van die Noordwes-Universiteit oor die impak van selfgerigte leer op onderwys. Byron Bunt en Deon van Tonder vertel van die gebruik van digitale tegnologie om formatiewe assessering te doen, na aanleiding van ‘n navorsingsprojek wat hulle by die Noordwes-Universiteit gedoen het.

Johan van Lill kyk na die fasilitering van vervlegde leer (blended learning) en hoe dit in 'n selfgerigte leer-konteks aangepak kan word.

Johan van Lill praat met Sally Langerman en Lynette du Toit oor die “curiosity approach” tot voorskoolse onderwys. Dis ‘n benadering wat wêreldwyd al hoe meer posvat, en Curro Rosen Castle doen dit al vir die afgelope drie jaar met hulle een- tot vyfjariges.

Johan van Lill praat met dr. Corné Kruger en prof Jako Olivier, albei van die Navorsingseenheid vir Selfgerigte Leer by die Noordwes-Universiteit, oor die omgekeerde klaskamer (flipped classroom) ter ondersteuning van metakognitiewe vaardighede vir selfgerigte leer.

Johan van Lill kyk na die gebruik van kooperatiewe leer in ‘n digitale omgewing, waar die leerders dit met die hulp van tegnologie doen, en hoe dit selfgerigte leer by leerders kan ontwikkel. Sy gaste is Roxanne Bailey en Sukie van Zyl, albei verbonde aan die Navorsingseenheid vir Selfgerigte Leer by die Noordwes-Universiteit.

Johan van Lill praat met prof. Ignatius Gous oor die rol wat die Dunning-Kruger-effek speel om leerders voor te berei om suksesvol en gelukkig in die wêreld te leef met die regte kennis en wysheid.

Johan van Lill praat met twee onderwyskundiges, dr. Chris Klopper en prof. Michael le Cordeur, oor wat die uitdagings is wanneer leerders se taal van onderrig verskil van hulle huistaal.

Johan van Lill hoor by twee onderwyskundiges, Charlotte Fourie en Hildegard Brummer, of tegnologie werklik 'n positiewe impak op leerders se ontwikkeling het. Hulle kyk krities na die gebruik van tegnologie in die klaskamer en vir leer.

Johan van Lill praat met dr. Jannie le Roux, skrywer en motiveringspreker, oor hoe om inspirasie te kry vir die 2022-onderwysjaar. Hoe maak ek van hierdie jaar 'n goeie onderwysjaar in my klas, my skool en my gemeenskap?

Johan van Lill praat met dr. Jaco Deacon, prof. Mariette Reyneke en Landi Slatter oor die 2022 onderwysjaar wat voorlê. Die onderwyskundiges gee ‘n oorsig van die dinge waarvan ons moet kennis neem in die jaar wat voorlê.

Johan van Lill reflekteer saam met Jaco Deacon, prof. Mariette Reyneke en Landi Slatter oor die 2021-onderwysjaar. Wat was problematies? Waaroor kan ons onsself op die skouer klop? Wat was die interessante dinge wat in wêreld van onderwys gebeur het die afgelope jaar?

Johan van Lill praat met twee onderwyskundiges, Marietjie le Roux en Maryna Besseling, oor inklusiewe onderwys en hoe aanpassings vir leeruitdagings werk. Wat is ouers en leerders se regte, en hoe moet skole dit hanteer?

Johan van Lill praat met Maryna Besseling, betrokke by die SAOU se professionele dienste, en dr. Melody de Jager, ‘n ontwikkelingskenner, oor hoe om leerders se kreatiwiteit te stimuleer en te ontwikkel.

Johan van Lill praat met dr. Chris Klopper, uitvoerende hoof van die SAOU, oor die beplande nuwe geskiedeniskurrikulum wat die Departement van Basiese Onderwys in skole ‘n verpligte vak wil maak. Waar trek die proses, en wat is die implikasies vir skole en onderwys?

Johan van Lill praat met dr. Louis Swanepoel van die SAOU en dr. Jaco Deacon van Fedsas oor hoe om geld te spaar by jou skool en ekstra fondse te genereer.

Johan van Lill praat met prof. Josef de Beer en Neal Petersen van die Noordwes-Universiteit oor virtuele uitstappies, en hoe skole dit suksesvol kan aanpak.

Johan van Lill praat met prof. Ignatius Gous oor die rol wat uitvoerende funksies in leer en ontwikkeling van leerders speel. Hoe kan selfinsig, fokus en prioritisering by kinders ontwikkel word om hulle te help om beter te leer?

Johan van Lill  het by die vierde Internasionele Kongres oor Selfgerigte Leer met van die aanbieders gepraat oor hulle navorsing wat op onderwysers en onderwysleiers van toepassing is.

Johan van Lill praat met Alice Holland en Maadje Krige van die De La Bat Skool op Worcester oor hoe 'n dowe kind se klas en lesse verskil van 'n siende kind s’n.

Johan van Lill praat met prof. Elsa Mentz en dr. Dorothy Laubscher oor die vierde Internasionale Selfgerigte Leer-konferensie, wat deur die Navorsingseenheid Selfgerigte Leer in die Fakulteit Opvoedkunde aan die Noordwes-Universiteit aangebied word.

Johan van Lill praat met Illöise de Goede en Chantelle Bruten van die Pionierskool op Worcester oor hoe klaskamers vir siggestremdes lyk, en watter aanpassings gemaak word om leerders te onderrig.

Johan van Lill praat met prof. Ignatius Gous oor onderwys wat lewens verander. Wat is die struikelblokke wat leerders verhinder om hulle potensiaal te bereik?

Johan van Lill praat met twee arbeidsterapeute, Elize Janse van Rensburg en Chané Potgieter, oor hoe om kinders met ADHD in die klaskamer te ondersteun.

Johan van Lill praat met Riaan van den Berg, bestuurder van Fedsas se Sentrum van Tegnologie, oor die gebruik van tegnologie in die onderwys. Hoe hou ek my skool toekomsgereed wat betref die gebruik van tegnologie?

Johan van Lill praat met dr. Jurie Joubert, 'n onderwyskundige en pedagoog, oor leerverlies en wat onderwysers kan doen om leeragterstande wat as gevolg van leerverlies ontstaan, te kan voorkom.