Naweekaktueel

Wessel Pretorius bekyk verlede maand se plaaslike voertuigverkope.

Die gevaar van omskakelaars en sonpanele moet nie onderskat word nie. Ons fokus op nuwe verwikkelinge in die sosiale media-sfeer, en stap saam deur Iran se westelike Zagrosberge met Helene Rautenbach.

Wessel Pretorius toets 'n kompakte sportnutsvoertuig.

Ons ontleed die Openbare Beskermer se bevinding, wat president Cyril Ramaphosa kwytskeld van enige oortreding in die Phala Phala-skandaal. SASSA waarsku begunstigdes teen onnodige skuld om hulle toelaes mee aan te vul.

Wessel Pretorius toets 'n nuwe sportnutsvoertuig.

Kritiek teen die ANC se ingesteldheid teenoor die Wes-Kaap. Die afgelope week is Wêreld Vlugtelingedag gedenk - ons het stores van hoop uit Libanon. Nadat 'n vrou lewendig begrawe word, ondersoek ons of dit in Suid-Afrika kan gebeur.

Wessel Pretorius skuif agter die stuur van twee Duitse waens in.

Die Afrikasending na Rusland en Oekraïne ontvou nie sonder struikelblokke nie. Ons kry die jongste oor die weer in die Wes-Kaap. Wildboere se stryd om as landbouers erken te word, duur voort. Ons praat met 'n historikus op die vooraand van die bekendstelling van die nuwe Shaka Zulu-reeks.

Wessel Pretorius toets die nuwe weergawe van 'n ou bekende.

Wetenskaplikes bevestig dat El Niño begin vorm aanneem in die Stille Oseaan. Dieetkundiges fokus toenemend op die impak van super geprosesseerde kos op die liggaam. Dr. Anna-Marie Jansen van Vuuren praat oor die grootste dokumentêre fees van sy aard in Afrika.

Hoe vinnig moet mens op 'n sinkplaatpad ry? Wessel Pretorius bespreek dié kwessie in sy weeklikse motorrubriek.

'n Beweerde aanslag op mediavryheid is onder die soeklig. 'n Vuurvreter-gemeenskapsveiligheidsaktivis word aangekla van teistering, nadat sy voor beweerde dwelmhandelaars se huis uitkamp. Sowat 200 Suid-Afrikaanse brandbestryders is op pad Kanada toe om bosbrande te help bestry.

Wessel Pretorius bespreek 'n luisteraarsbrief.

Wat lê in die toekoms en wag op die inwoners van Gqeberha? Ons praat met die stad se nuwe burgemeester, Gary van Niekerk. Waarvoor moet jy op die uitkyk wees vir cholera? Ons vra 'n kenner. Die Cannes-filmfees in Frankryk betower jong en aspirantrolprentmakers.

Toyota Suid-Afrika wil so gou moontlik elektrisiteit aan die nasionale netwerk lewer.

Mediese dokters is betrokke by grootskaalse bedrog in staatshospitale. Reaksie op die dood van 'n oudambassadeur en stigter van die DP. Die regering wil die uitwerking van beurtkrag op voertuigvervaardigers verlig. 'n Plaas in die Klein Karoo maak die wêreld se beste olyfolie!

Suid-Afrika se diplomatieke bande met Amerika is stroewer as ooit ná bewerings dat die land wapens aan Rusland verskaf het. Ons ondersoek die omvang van kuberbedrog in Suid-Afrika. Ons skakel oor na Turkye in die aanlop tot môre se verkiesing.

In ons weeklikse motorrubriek toets Wessel Pretorius 'n Italianer.

Die Verenigde Koninkryk se eerste kroning in 70 jaar vind vandag plaas. Ons dek die geleentheid met staaltjies uit prins Charles se verlede en minder bekende feite oor hom en die koninklike familie. Die Stormers en Bulls pak mekaar in Kaapstad. Ons praat oor 'n planeet wat deur 'n ster ingesluk is.

In sy weeklikse motorrubriek beantwoord Wessel Pretorius 'n luisteraarsvraag.

Burgerlikes word geteiken in die Oekraïense stad, Bakhmoet. Alle militêre veterane mag nou vir 'n pensioen aansoek doen. Die prys van 'n basiese maandelikse kosmandjie skiet die hoogte in.

Suzuki het sy nuwe Grand Vitara bekendgestel. Die nuwe model, geklee in ‘n stylvolle baadjie, boks nou in 'n hoër gewigsklas. Justin Kennerley het die motor in die Suid-Kaap gaan toets.

Wêreldwyd neem die aantal bejaardes drasties toe. Die vraag is: Kan hulle dit bekostig om so lank te leef? SASSA-begunstigdes moet hulle Posbank-kaarte so gou moontlik hernu gegewe die voorlopige likwidasie van die Suid-Afrikaanse Poskantoor. 'n Regskenner kritiseer gister se Appèlhof-uitspraak teen Afriforum. Meer skilpaaie as normaal spoel vanjaar uit tydens die seeskilpad-broeiseisoen in die Oo...

Wessel Pretorius bespreek 'n luisteraarsvraag.

Die ontsnapping en her-inhegtenisneming van Thabo Bester plaas die kwessie van ongeidentifiseerde lyke in die kollig. Suid-Afrikaners sal moontlik dié winter met Fase 10-beurtkrag moet saamleef. Die Universiteit Stellenbosch se Tygerbergkampus kry sy eie 'n biomediese navorsingsinstituut.