Monitor

Die Koalisie vir Begrotingsgeregtigheid vra vir 'n nasionale begroting wat menseregte in ag neem. Waterbeperkings word in Kaapstad opgehef. Skadebepaling word gedoen word ná die veldbrande in die Vrystaat. Die Swartland-hospitaal op Malmesbury is heropen nadat dit drie jaar gelede in 'n brand beskadig is.

In Frankryk se groot stede betoog burgers van alle klasse teen die dood van die geskiedenisonderwyser, Samuel Paty. Ons kyk in diepte na hoe die Suid-Afrikaanse samelewing met sy verskeie godsdiensgroepe vergelyk met dié van Europa. 'n Advokaat van Laingsburg beweer die polisie versprei valshede oor selfbeskerming. Ons by hoor by hom wat die wet sê oor jou reg om jou eiendom te beskerm. 'n Boervro...

Vrystaat Landbou vra vir voer- of brandstofskenkings nadat minstens 100-duisend hektaar in veldbrande in die provinsie verwoes is. Sowat 300,000 onderwysassistente gaan glo aangestel word om kinders te leer lees, maar is dit die oplossing vir die land se leesprobleem?

'n Vredemaker vertel van sy Senekal-ervaring in die EFF-binnekring. Plastiekherwinning het die afgelope dekade met 56% in Suid-Afrika toegeneem. Natuurbewaarders sê hulle is bekommerd oor die wêreldwye afname in die uilbevolking. 'n Weervoorspeller praat oor die hittegolf oor groot dele van die land, en die kans op reën. Bejaardes wat alleen woon, kry baie swaar in grendeltyd.

Die Johannesburgse Metroraad wil William Nicol-rylaan na Winnie Madikizela Mandela-rylaan hernoem. Die IMF voorspel 'n inkrimping van 4,4% vir die wêreldekonomie. ‘n Voormalige voorsitter van die Transnet-raad gee toe dat hy en sy raadslede onverantwoordelik opgetree het om wéér sy bestuurshoof, Siyabonga Gama, aan te stel.

Die EFF het verlede week baie aandag getrek met omstrede uitsprake tydens 'n saamkoms op Senekal in die Vrystaat. Die party het ondermeer gesê dat daar nie iets soos plaasmoorde in Suid-Afrika is nie. Ons praat met twee ontleders oor die party se optrede en wat ons daarin moet lees. Meer as twee dosyn humanitêre organisasies het 'n ope brief aan die Griekse regering gerig waarin hulle vra dat verg...

Eskom vra Suid-Afrikaners om geduldig te wees terwyl hulle die kragreus probeer regruk. Sowat 10-miljoen ton se kos word jaarliks in Suid-Afrika vermors.

Reaksie op president Ramaphosa se ekonomiese herstelplan. En Leon van Nierop fokus op 'n speurreeks, 'n komedie en 'n kinderfliek oor 'n dolfyn.

Kalmte gevra in Senekal. Ons praat met 'n kenner oor boelie-gedrag by die werk. En, ons bring hulde aan Ampie Coetzee.

Die grondonteieningskonsepwet is vandeesweek in die Staatskoerant gepubliseer - ons kyk na die goeie en slegte aspekte van die wet en hoe dit jou as grondeienaar sal raak. Ons vra waarom die Vryheidsfront Plus nou 'n reeks besprekings oor selfbeskikking wil hou.

Amptenare van die Departement van Openbare Werke en Infrastruktuur sê die land se grense is in 'n swak toestand. Die voormalige bedryfshoof van Bosasa, Angelo Agrizzi, is in die Handelsmisdaadhof in Johannesburg borgtog geweier. Ons kyk na die verwagte rol van La Niña op die komende somerseisoen. Die grondonteieningskonsepwet is vandeesweek in die Staatskoerant gepubliseer - sal die konsep nou wet...

Boere in die Oos-Vrystaat praat uit tydens 'n ministriële besoek aan die gebied ná die moord op die plaasbestuurder, Brendin Horner.

Beskuldigdes in die Deacon-moordsaak word borgtog geweier. 'n meningspeiling wys dat Suid-Afrikaanse onderwysers bogemiddelde vlakke van spanning by die werk ervaar. 'n Trekvoël stel 'n nuwe vliegrekord op - 'n volle 12,000 km van Alaska na Nieu-Seeland!

Misdade soos smokkelary, mensehandel, geldwassery en visstropery gedy in ons gebiedswater. Ons praat met met twee kenners oor die probleme aan ons kus, en waarom die Vloot dit nie kan stop nie. En wetenskaplikes waarsku dat 'n tweede opswaai in Covid-19-gevalle die volgende paar weke in Suid-Afrika kan voorkom.

Die minister van polisie vergader vanmiddag met verskeie landbou-organisasies en ander rolspelers oor plaasaanvalle en ander kwelpunte. Politieke partye begin reeds hulle tande slyp vir volgende jaar se plaaslike en munisipale verkiesings, maar hoe betroubaar is diensleweringsyfers waarmee daar op veral plakkate en advertensieborde gespog word? Die AARTO-wet word na verwagting volgende jaar an kra...

'n Moordverdagte wat deur die Brasiliaanse owerheid aan Suid-Afrika uitgelewer is, is dalk binnekort in die hof. Die nuwe grondonteieningswet maak voorsiening daarvoor dat vergoeding betaal word.

Sommige kenners bespiegel dat Suid-Afrika dalk naby aan kudde-immuniteit teen Covid19 is - ander meen dit is te vroeg om te sê. 'n Saamtrek teen plaasaanvalle by die Uniegebou word deur emosionele toesprake én solidariteit gekenmerk.

Verskeie mense het die afgelope tyd in die hof verskyn in verband met korrupsie-aanklagte - ons kyk na wat ons verder kan verwag wanneer die hofsake voortgaan. Kenners sê mense wat 'n stryd voer teen kanker, moet ook 'n emosionele plan van aksie hê. Is jy bang vir haaie? Tydens Sharktober word mense aangemoedig om meer oor dié roofvisse te leer, en hulle nie te vrees nie.

Die borgaansoek van twee van die vier aangeklaagdes in die Deacon-moorde is tot aanstaande week uitgestel. Solidariteit stel 'n omvattende werkherstelprogram bekend. Die Openbare Beskermer sê die Nasionale Vervolgingsgesag wil nie saamwerk met haar kantoor nie.

Nog sewe verdagtes verskyn na verwagting in die hof in verband met die VBS Bank-debakel. Die hoof van die Nasionale Vervolgingsgesag, Shamila Batohi, sê die tyd van straffeloosheid is verby.

Daar was uiteenlopende reaksie op Dinsdag se geweld by die landdroshof in Senekal in die Vrystaat, waar boere by die verskyning van twee beskuldigdes in 'n plaasmoord betoog het.

Ons praat met 'n kenner oor die gevare van weerlig. En 'n skeepswrak het skattejagters aan die gons.

Woede kook oor in Senekal. Verwarring oor 'n beweerde lasbrief vir die inhegtenisneming van Ace Magashule. COSATU en SAFTU staak vandag landswyd.

Die vakbondverenigings Cosatu en SAFTU hou vandeesweek landswye stakings, ondermeer teen die regering se ekonomiese herstelplan. Die DA eis die notules van die Minister van Verdediging, Nosiviwe Mapisa-Nqakula, se vergadering in Zimbabwe op 9 September.

Die polisie maak 'n plan bekend om landelike misdaad te bekamp ná gesprekke met Agri SA, TLU en AfriForum. Die landbougemeenskap beplan om vandag by die landdroshof in Senekal in die Vrystaat te betoog wanneer twee verdagtes in verband met die moord op die plaasbestuurder Brendin Horner verskyn.