Monitor

Nóg heelwat reën die naweek in die noorde en ooste van die land verwag. 'n Landbou-ekonoom verduidelik die impak van die baie reën op die bedryf. Die jongste oor die vernietigende brande in Los Angeles.

Die Departement van Basiese Onderwys verwelkom 'n hofbeslissing wat toestemming gee vir die publikasie van matriekuitslae in die media. Die parlement sal vanjaar in 'n koepeltent vergader terwyl herbouwerk aan die beskadigde gebou begin. Later vandeesmaand sal ses planete vir 'n skouspel in die hemelruim sorg.

Groot dele van die Noord-Kaap gaan gebuk onder 'n knellende droogte. Die beleerde ANC is vandag 113 jaar oud - ons bespreek die party se uitdagings met 'n politieke wetenskaplike. Heelwat ouers sukkel om kop bo water te hou met skooluitgawes.

Minstens 14 mense sterf in 'n ongeluk op Van Reenenspas in KwaZulu-Natal - sommige media berig dit is 18 mense. Die staalreus, ArcelorMittal, gaan na verwagting sowat 3 500 werknemers afdank. Die hooggeregshof besluit vandag of die matriekuitslae aanstaande week in die koerante gepubliseer mag word. 'n Minimumbelasting van 15% gaan op multinasionale maatskappye in Suid-Afrika gehef word.

Ons berig oor die mini-tornado wat Welkom in die Vrystaat getref het. Verskeie weerwaarskuwings tot en met Vlak 8 geld oor die ooste van die land. Anthony Blinken besoek Suid-Korea.

Ná ’n moratorium van 20 jaar, is die doodstraf vandeesweek amptelik in Zimbabwe afgeskaf. Nog nege lande sluit by die BRICS-groepering aan. Die Rand vertoon sterk - ons praat met 'n ekonoom oor sy verwagtinge en voorspellings vir 2025.

Minstens 34 000 verdagtes word regoor die land vir misdade soos moord en verkragting in hegtenis geneem. Gevalle van Covid19 neem toe. Om by nuwejaarsvoornemens te hou, verg toewyding en deursettingvermoë.

‘n Oorsig van die jaar se politiek en sport, en ons hoor wat die Kaapse Klopse se planne is.

Ons kry die jongste nuus oor die onwettige myners op Stilfontein in Noordwes. Gauteng se regering wil diensleweringprestasie onder die loep neem met 'n digitale barometerstelsel. Die toename in mense wat op straat is, word grootliks toegeskryf aan die afgelope jare se toename in armoede en werkloosheid.

'n Hiëna gryp 'n driejarige meisie in die Timbavati-natuureservaat. Ysterpenne maak weer hulle verskyning as 'n voertuigkapingstaktiek, dié keer op die N1-snelweg aan die westekant van Johannesburg. Die voormalige Amerikaanse president, Jimmy Carter, sterf in die ouderdom van 100.

Die EFF vra die regering en SADEK om in te gryp om die konflik in Mosambiek op te los. Die probleem van haweloses sal nie weggaan nie waarsku welsynsorganisasies. Die herstel van grondregte bly op die politieke agenda.

Kommer oor die hoë voorkoms van tienerswangerskappe in KwaZulu-Natal. Die proses om van analoog na digitale uitsaaidienste oor te skakel, is steeds nie afgehandel nie. Rolprenttoerisme is in die kollig.

'n Spesiale Kersdag-uitgawe van RSG se vlagskip-nuusaktualiteitsprogram.

Rotontlasting word op produkte by sommige groot kettingwinkels in Soweto gevind. In Mosambiek bekragtig die grondwetlike raad Frelimo as die wenner van die afgelope verkiesing. Talle buitelanders word by verskillende grensposte in hegtenis geneem. Ons praat met 'n ontleder oor die jaar se vernaamste politieke gebeure. Springbokkaptein Siya Kolisi wil glo terugkeer na die Stormers.

Die waterkrisis op Lichtenburg in Noordwes verdiep. 'n Aardbewing tref die Noord-Kaap. 'n Voormalige Isidingo-kollega bring hulde aan Michelle Botes, wat Saterdag oorlede is.

Meer as 500 mense sterf op die land se paaie. Eskom ly 'n verlies van R55-miljard. 'n Span van vyf leerlinge het Antarktika vandeesweek besoek.

Vrystaat Landbou sê kommersiële boere staan voor die grootste stryd om oorlewing ooit. Botswana hef die verbod op die invoer van Suid-Afrikaanse groente op. Die Noordwes-Universiteit se Sakeskool sê beleidsonsekerheid is aan die toeneem.

Die regulasies van die BELA-wet, wat die toepassing van die wet sal bepaal, kan volgens kenners jare vat om te skryf. 2024 was 'n jaar van bitter gewapende konflik regoor die wêreld. Talle organisasies voel Suid-Afrika se kiesstelsel moet hervorm word. Meer as 600 pasopgeleide polisiekonstabels word by stasies in KwaZulu-Natal ontplooi.

'n Versoek dat die kabinet se besteding ingeperk word. Fedsas sê daar is 'n nypende tekort aan openbare skole in Gauteng en die Wes-Kaap. Die Grondwethof in Suid-Korea moet bepaal of president Yoon Suk Yeol uit dié amp onthef moet word.

Die EFF sluit sy verkiesingskongres af met 'n waarskuwing vir die regering van nasionale eenheid. 'n Verskeidenheid opsies oor wat met die BELA-wet moet gebeur, is aan president Cyril Ramaphosa vir oorweging oorhandig. Suid-Afrikaners vier vandag Versoeningsdag. 'n Span wetenskaplikes van die Universiteit van Johannesburg vertrek na Antarktika.

Die MK Party en die EFF neem die jaar in oënskou by hulle onderskeie saamtrekke die naweek. Dele van Johannesburg tot 86 uur sonder water. Pakistan se kriekettoer na Suid Afrika in 'n krisis gedompel.

Die SAKP herbesin sy vennootskap met die ANC en Cosatu by sy spesiale kongres. Kleinhandelverkope van klere, meubels en skoene neem toe. SA Rugby wil die 2030 Wêreldbekertoernooi in Suid-Afrika aanbied.

Ons fokus op fluitjieblasers teen die agtergrond van 'n teenkorrupsie-konferensie in Boksburg. Die hooggeregshof belet die bou van nog ’n steenkoolkragstasie. Erfenisgewasse (vrugte en groente wat voor kommersialisering verbou is) is glo meer volhoubaar.

Negentienduisend Gautengse leerlinge wie se skoolaansoeke foutief of onvolledig is, kan van môre af weer aansoek doen. Hoe suksesvol was die ministers in die RNE vanjaar? Ons praat met 'n politieke ontleder. Israel doen meer as 'n 100 lugaanvalle op militêre teikens in Sirië.

Die DA sê 'n faksie van die ANC wil onderwysminister Siviwe Gwarube uit die saal lig. Rusland gee Sirië se president, Bashar al-Assad, asiel nadat sy regering in duie stort. Die Suid-Afrikaanse sopraan, Pretty Yende, sing in die herboude Notre Dame-katedraal in Parys.