Monitor

Waar kom die woorde ongans, ongepoets en onnosel vandaan?

Ou wonde is oopgekrap met die minister van Justisie, Michael Masutha, wat vandag gaan aankondig of die veroordeelde moordenaars, Clive Derby-Lewis, Eugene de Kock en Ferdinand Barnard op parool kan gaan.

Die luukse Bedford-winkelkompleks aan die Oos-Rand was in chaos gedompel na 'n skietery tussen veiligheidswagte en vermeende gewapende rowers. Sewe mense is gewond terwyl vele meer getraumatiseer gelaat is nadat skote rondom hulle geklap het. Die Gautengse polisie soek steeds na die verdagtes wat daarin geslaag het om te vlug.

Die minister van Polisie, Nathi Nhleko, het die Parlement se portefeulje komitee oor Polisie versoek om die hoof van die Valke, Anwar Dramat, af te dank. Die Helen Suzman Stigting kon Dramat se skorsing in die hof ter syde gestel kry, maar Nhleko het daarteen geappeleer.

Hoewel daar algemeen aanvaar word dat die aantal Ebola gevalle besig is om af te neem, waarsku 'n kenner dat die situasie nie onder beheer is nie. Die epidemioloog, Dokter Andrew Medina Merino, vermoed daar word net minder gevalle aangemeld as vantevore.

Ebola nie onder beheer

Woord van die week 30 Januarie 2015

Drama oor Dramat

Moontlike parool vir Derby-Lewis

Bedford skietvoorval

Die veroordeelde moordenaar, Eugene de Kock, hoop om môre die grootste verjaardaggeskenk van sy lewe te kry. De Kock wat vandag 65 is, se paroolaansoek-uitslag word môre deur die Minister van Justisie en Korrektiewe Dienste, Michael Masutha, bekendgemaak. Hy het in die verlede al verskeie onsuksesvolle aansoeke gebring, daarom wil hulle nie die minister se aankondiging môre vooruitloop nie, sê dr....

Daar is gesondheidswerkers in Suid-Afrika wat hulle lewens daaraan wy om na sterwende mense om te sien. Hulle kyk na pasiënte met terminale siektes soos kanker en harttoestande. Palliatiewe versorgers se taak is om die fisiese, emosionele en spirituele pyn van sulke pasiënte te bestuur. In die proses deel sterwende mense dikwels hulle diepste geheime en begeertes met sulke versorgers. Hulle praat...

Die Instituut vir Rasse Verhoudinge het gister sy verslag oor die stand van die polisie bekendgemaak. Daar is gefokus op polisielede wat hulle skuldig maak aan misdade, wat moord, aanranding en verkragting insluit. 'n Senior Navorser by die Instituut vir Sekerheidstudies, dr. Johan Burger, sê daar is onderliggende faktore wat 'n rol speel in polisielede wat misdade pleeg.

Verslag oor polisiemisdaad

Moontlike parool vir Eugene de Kock

Palliatiewe versorsing - Deel 1

Die menseregtekommissaris, Danny Titus, het in reaksie op Kadalie se striemende reaksie gesê die MRK het 'n spesiale fokus op buitelanders, of sogenaamde non-nationals. Hy stem egter saam dat daar 'n opvoedingstaak voorlê.

Die aktivis en skrywer, Rhoda Kadalie, het die regering in 'n rubriek in 'n dagblad skerp gekritiseer omdat hulle volgens haar nie plaasaanvalle en die skynbare xenofobiese gevalle op die naam wil noem nie. Kadalie sê dit word as gewone misdaad bloot onder die mat gevee.

Die Amerikaanse Weerdiens het om verskoning gevra nadat hulle voorspellings van 'n geskiedkundige sneeustorm nie ten volle gematerialiseer het nie. 'n Noodtoestand is Maandag in die noord-oostelike state aangekondig. Veral voorspellings oor New York wat glo die ergste getref sou word, was ook nie waar nie, met die storm wat baie erger in Connecticut en Massachusetts gevoel is. Daar is berigte van...

MRK het opvoedingstaak

Kadalie kritiseer regering

Sneeustorm toe nie so erg nie

Waarom glo soveel mense nog in gelukbringers om dinge in hulle lewe reg te laat verloop? 'n Navorsingstudie in Amerika probeer nou lig werp op ons voorliefde vir bygeloof. Cobus Bester praat met ons wetenskapkorrespondent George Claassen oor die wetenskaplikes se bevindings.

Bygelowe

'n Maandoue baba is die jongste slagoffer van die weeklange geweld en plundery in Soweto en ander townships aan die Rand. Die baba is vertrap tydens die plundery van 'n winkel wat aan 'n Pakistani in Kagiso, wes van Johannesburg, behoort. Ooggetuies sê die ma van die baba het self aan die pludery deelgeneem. Die polisie sê daar was min voorvalle van plundery die afgelope naweek.