Monitor

Drie wit lede van die SAPD kry bevordering na jare van onderhandeling.

Oom Frik gesels oor 'n vol lewe en sy persoonlike geskiedenis.

Waterbeperkings is steeds 'n realiteit in sommige dele van Suid-Afrika. Die kommunikasie-bestuurder van Kaapstad Toerisme, Nicole Biondi, het aan Dianke Nel gesê vlak twee waterbeperkings is vir Kaapstad ingestel en besoekers aan die gebied moet daaraan gehoor gee.

Om stories te vertel is 'n kuns wat al hoe minder beoefen word. Deur die eeue was dit hoofsaaklik die manier waarop geskiedkundige gebeure van geslag tot geslag oorgedra is. 'n Vrou van Namakwaland het storievertellery weer gewild begin maak met haar manier hoe sy dit aanwend om die Namakwalandse kultuur bekend te stel. Ons verslaggewer Reginald Witbooi het in Kommagas in die Noord-Kaap na haar st...

Ten spyte van Suid-Afrika se wisselvallige ekonomie, is vakansieplekke aan die kusgebiede propvol bespreek. Die uitvoerende hoof van Ugu Suidkus Toerisme, Justin Mackrory, het aan Dianke Nel gesê die Suid-Kus in KwaZulu-Natal is 'n waarde-vir-geld vakansiebestemming.

Suid-Afrika is leierloos, en 'n paar kabinetskuiwe is nog lank nie genoeg om die ekonomie reg te ruk nie. Só waarsku die vakbondleier, Zwelenzima Vavi, wat op Versoeningsdag aan die teenkorrupsie en teen-Zuma-optogte gaan deelneem. Hy glo pres. Jacob Zuma moenie alleen vir die ekonomiese krisis pa staan nie, maar eerder die ANC se nasionale uitvoerende komitee.

"Ek het myself prysgegee." Dit was die woorde wat Adriaan vlok - oud-minister van wet en orde, gebruik het toe hy eerwaarde Frank Chikane, destyds direkteurgeneraal in die Presidensie, se voete gaan was het. Die gebeurtenis wat op 3 Augustus 2006 in Chikane se kantoor in die Uniegebou plaasgevind het, het selfs oorsee reaksie uitgelok. Oudpresident Thabo Mbeki was diep geroer en Patricia de Lille,...

Suid-Afrika het binne 'n bestek van vier dae nie minder nie as drie ministers van finansies gehad. Dit volg na president Jacob Zuma gisteraand laat die nuut aangetelde David van Rooyen tot die departement van samewerkende regering herontplooi het. Van Rooyen se aanstelling in die plek van Nhlanla Nene het die ekonomie minstens R169-miljard gekos. Pravin Gordhan is nou weer die Minister van Finansi...

Pravin Gordhan sal na alle waarskynlikheid vandag óf môre as Suid-Afrika se nuwe Minister van Finansies ingehuldig word. Dit volg ná president Jacob Zuma gisteraand laat die nuutaangestelde David van Rooyen skaars vier dae later tot die departement van samewerkende regering herontplooi het. Van Rooyen se aanstelling in die plek van Nhlanla Nene het die ekonomie minstens R169-miljard gekos. Ivor Pr...

Die storm rondom die onverwagse afdanking van die Minister van Finansies, Nhlanhla Nene, wil nie wyk nie. Ekonome, politici en ontleders gebruik sosiale media om hulle robuuste menings hieroor te deel. Anita Visser praat hieroor met Theo Bekker, 'n politieke ontleder aan die Noordwes-Universiteit.

Krisjan Fourie het 'n satiriese blik op die afgelope week se hoofnuus.

Anderkant Namakwaland se jaarlikse blommeprag en sy unieke mense gaan die streek gebuk onder talle maatskaplike probleme. Drankmisbruik, armoede, werkloosheid en talle ander probleme het veral kop uitgesteek toe die koper- en diamantmyne in die streek toegemaak het. Izak du Plessis het die streek besoek en ons luister na die laaste deel van sy verslag oor hierdie landstreek.

Die Rand het gesteier ná president Jacob Zuma se skokaankondiging dat hy die Minister van Finansies, Nhlanhla Nene, die trekpas gegee het. Hy word vervang deur die ANC LP, David van Rooyen. Anita Visser en Ivor Price praat hieroor met prof Amanda Gouws van die Unversiteit Stellenboach en die joernalis en ontleder Max du Preez.

'n Somber atmosfeer heers oor die Lotters se familie-plaashuis buite Modimolle, Limpopo waar die bejaarde egpaar die naweek vermoor is. Die 69 jarige Robbie Lotters se liggaam is Sondagaand ontdek en sy vrou, die 64 jarige Ina Lotters se liggaam is Maandag in hul afgebrande huis gevind. Joan-Marie Verhoef berig van die egpaar se besittings is gesteel en later by die Phagameng township opgespoor.

Die gevolge van die Russiese vegvliegtuig wat verlede maand deur Turkye afgeskiet is, kring steeds uit met die twee magtige buurlande wat mekaar op verskeie gebiede probeer straf. Monitor het die Turkse ambassadeur, Kahn Essener en sy kollega, die Russiese ambassadeur, Mikhail Petrakov, gevra om hul kante van die saak met RSG se luisteraars te deel. Ambassadeur Essener van Turkye was eerste aan di...

Die departement van Minerale Hulpbronne het verlede week 'n opleidingsprojek van R 96-miljoen vir Namakwaland bekendgemaak. Die projek is daarop gemik om jongmense as ambagslui op te lei. Namakwaland gaan gebuk onder werkloosheid en talle ander ernstige maatskaplike probleme. Izak du Plessis het die streek besoek en ons luister nou na die tweede deel van sy verslag.

'n Jong vrou in Johannesburg het internasionaal bekend geword oor haar persoonlike veldtog teen korrupsie. Die 23 jarige Kavisha Pillay, wat vir die organisasie Corruption Watch werk, is besig om duisende mense wêreldwyd te werf om korrupsie te bekamp. Sy beskryf die misdaad as een van Suid-Afrika, en die wêreld, se grootste uitdagings. Darren Taylor doen verslag.

Die brein agter die Krion ponzi-skema in Vanderbijlpark, Marietjie Prinsloo en vyf familielede gaan uiteindelik ná 17 jaar tronk toe vir die ellende van armoede waarin hulle talle slagoffers gedompel het. Goedgelowiges het tussen 1998 en 2002 altesaam R1,5 miljard in die skema betaal met die hoop om gou ryk te word. Die Krion-skema is in 2002 gelikwideer. Shirley Hyland van die Sentrum vir Finansi...

Die departement van Minerale Hulpbronne het 'n opleidingsprojek van R96-miljoen vir Namakwaland bekendgemaak. Dit bly egter 'n groot vraag of die hulp wel tot die opheffing van die streek sal bydra. Namakwaland gaan gebuk onder werkloosheid en talle ander ernstige maatskaplike probleme. Izak du Plessis het die deel van die land besoek.

Daar is skynbaar al hoe meer steun vir verregse party in sommige gebiede in Europa, soos gesien met die onlangse streeksverkiesings in Frankryk. Voorlopige uitslae wys dat die verregse party, Front National, alreeds in ses van die 13 streke voorloop. Dit is die eerste verkiesing na die Parys-aanvalle, waarin 130 mense gesterf het. 'n Dosent in politieke wetenskap op die Vaaldriehoekkampus van die...

Ernstige kommer heers oor die uitwerking van die voortslepende droogte in die Vrystaat. 'n Paar weke gelede het boere nog gehoop reën sal hulle oes kon red, maar behalwe vir 'n paar druppels wat hier en daar geval het, het deurdringende reën nooit gekom nie. Die hoofbestuurder van Vrystaat Landbou, Henk Vermeulen, het aan Dianke Nel gesê die droogte het ook 'n sielkundige-en emosionele invloed op...

Die minister van Kommunikasie, Faith Muthambi, het Vrydag 'n wet ter tafel gelê wat die regering beheer oor die openbare uitsaaier, die SAUK, sal gee. Die Uitsaai-wysigingswetsontwerp sal die Parlement se rol in die aanstelling van die SAUK se nieuitvoerende raadslede verwyder. Die president sal dan verantwoordelik wees vir die aanstelling van die raadslede met behulp van die minister se raad. Dia...

Die Nasionale Vervolgingsgesag sê hy is gereed om die hof te nader vir 'n vonnis van 15 jaar tronkstraf vir Oscar Pistorius. Die saak sal na verwagting voor die einde van die week in die hof draai. Die NVG sê Pistorius moet dringend in die hof verskyn, sodat die regsproses vir vonnisoplegging kan begin.

Die leiers van China en Afrika het ingestem om die pas van handel en belegging oor die volgende drie jaar te versnel. Dit het uit die naweek se China/Afrika-beraad in Sandton in Johannesburg voortgevloei. China het onderneem om sowat R860-miljard in 'n verskeidenheid infrastruktuur-ontwikkelingsprojekte regoor die vasteland te belê.

Afrika se reaksie op die aankondiging van China dat hy 60-miljard dollar in verskeie vorme in die vasteland gaan belê, is teleurstellend. So sê die besturende direkteur vir onluikende markte en Afrika by Frontier Advisory DeLoitte, dr. Martyn Davies. Hy wil weet waar die maatskappye uit Afrika is wat sake in China kan doen.