Leefwêreld van die Gestremde

Fanie du Toit praat met Yolande van der Westhuizen, 'n oudioloog. Yolande is van die Suid-Afrikaanse Vereniging van Oudioloë, en waarsku die publiek om lig te loop vir gehoorapparate wat “oor die toonbank” gekoop word sonder evaluasie deur 'n oudioloog. Sy vertel ook meer oor die rol van die oudioloog by jou gehoor. En, Uit die derduisende matrieks wat nou eksamen skryf, is daar een wat elke vraes...

Studente aan die Universiteit van Johannesburg het 'n groep gestig wat bewusmaking oor gestremdheid wil doen op kampus ten bate van studente met gestremdhede. En Vanessa Japtha van die nie-winsgewende organisasie, Inclusive Education South Africa, praat oor inklusiewe onderrig vir kinders met gestremdhede.

Fanie du Toit fokus op Wêreld Beroertedag van die simptome en die impak van die siekte op 'n mens. Fanie het ook nuus oor 'n internasionale byeenkoms om geld vir verstandelik gestremdes in te samel. En Jacqui January hoor van die uitdagings wat blindes het met die openbare vervoerstelsel.

Jacqui January gesels met 'n ma van 'n seun met Downsindroom oor praktiese hulp en bystand vir mense met geestesongesteldhede. En Fanie du Toit voer die tema van geestesgesondheidsmaand verder, en vind meer uit oor paraatheid en bemagtiging teen depressie en selfdood.

Fanie du Toit vind meer uit oor die proses wat gestremdes kan volg om 'n bestuurderslisensie te kry. En Jacqui January kyk na Nasionale Geestesgesondsheidsmaand se tema van geestesgesondheid in die werkplek.

Fanie du Toit vind meer uit van die jaarlikse Nappy Run-projek, wat 'n groot impak het en verligting bring in die versorging van gestremde babas. En Jacqui January vertel van 'n unieke sentrum wat lewensruimte bied vir meervoudig gestremde volwassenes en bejaardes.

Fanie du Toit gesels met bekende kunstenaars, wat help met konserte in die platteland vir gestremdes met gestremdes. En Jacqui January het gaan uitvind van gebaretaal, en die proses om dit as 'n amptelike taal in die kurrikulum vir gestremde leerders te kry.

Fanie du Toit vind meer uit van 'n organisasie wat ongeregistreerde versorgingsentrums vir gestremdes help met opleiding en ondersteuning. Hy vertel ook van Epilepsie SA se 50e bestaansjaarvieringe. En Jacqui January fokus op die sukses wat herwinde broodknippies vir rolstoelgebruikers opgelewer het.

Fanie du Toit hoor van Suid-Afrika se rol by 'n onlangse konferensie oor gestremdes wat in New Yorkby die VN gehous is. En Jacqui January gesels met 'n onderwyseres oor die opvoeding, uitdagings en humor van dowe kleuters.

Die Nasionale Instituut vir Dowes op Worcester het 'n leefruimte vir dowes geskep. Jacqui January was daar, en het met die bestuur en inwoners gesels. Fanie du Toit het terugvoer oor die jaarlikse byeenkoms van intellektueelgestremdes. Hy hoor ook van 'n bewusmakingsveldtog van die Nasionale Raad vir Gestremdes in die Wes-Kaap.

Jacqui January kyk na tegnologiese hulpmiddels vir blindes, soos 'n rekenaar waar spraak die skerm vervang. En Fanie Du Toit hoor van WALKING ON WAVES, 'n branderplankryprojek vir gestremdes.

Fanie duToit gesels met 'n vrou wat sonder arms en bene gebore is, en nou ook gehoorprobleme het. Sy is 'n inspirasie, en vertel van gestremde vroue se uitdagings. En Jacqui January vertel van die Nasionale Instituut vir Dowes, wat meer as 'n 100 jaar diens aan dowes bied, en RSG se betrokkenheid by hulle fietsry-teleton.

Tamsyn de Jager is die stigter van Special Peeps. 'n organisasie wat fokus op kinders met serebrale gestremheid. Sy het 'n vyfjarige dogter met hemiplegie. Fanie du Toit gesels met haar oor haar ervring en Special Peeps se seminaar oor serebrale gestremheid, wat in September plaasvind. En Jacqui January gesels met Elize Smith, 'n SANParke ereveldwagter, oor 'n inisiatief om gestremde leerders na d...

Fanie du Toit hoor watter ondersteuning beskikbaar is vir helpers en ouers van gestremdes in Namakwaland. En January vertel van die koor van 'n groep verstandelikgestremde vroue.

Fanie du Toit vind meer uit van toeganklike inligtingstegnologie en die kommunikasiewerksgroep, wat ten doel het om inligting en kommunikasiebeleid, strategie en planne te bevorder. En Jacqui January gesels d.m.v. 'n tolk met Phillip Dobson van Doofblind SA oor hulle 21ste bestaansjaar.

Fanie du Toit vind meer uit van die Nasionale Biblioteek vir Blindes in Grahamstad, en die gratis diens wat hulle bied om 'n leeskultuur te kweek. En Jacqui January gesels met die Bybelgenootskap van SA oor die Oudiobybel vir dowes en blindes.

Fanie du Toit doen 'n opvolg oor gehoorverlies en die oorsake daarvan na aaleiding van luisteraars se navrae. Jacqui January het nuus oor geestesgesondheidsmaand, en sy gesels met 'n paar gestremdes oor bedagsaamheid/hulp teenoor gestremdes in die aanloop tot Madiba-dag.

Jacqui January gesels met die Mustang Rolstoel rugby klub se projek-bestuurder oor die sport. Kom hoor hoe dit werk want gestremde mans en vroue kan saam meeding en Fanie du Toit vertel meer van die uitdagings van 'n organisasie wat al baie jare lank betrokke is met hulp en opleiding van blindes.

Jacqui January gesels met die mense van die Triest Opleidingsentrum vir verstandelik gestremde volwassenes, maar die sentrum bied meer as net 'n tuiste aan. Díe sentrum in Klerksdorp help met die vaardigheids- en sosiale opleiding van die inwoners en dag-kliënte. Johan Gerber, die waarnemende direkteur, en Nelmarie Grobler, die departementsleier van kultuur, het met drie van die inwoners Mossa Rad...

Fanie du Toit vertel van 'n blind paartjie se twee kinders wat na kogliêre inplantings weer kan hoor. Jacqui January fokus op die laaste Sondag van jeugmaand op die kwessie van werksplasing vir gestremde jongmense. En daar is nuus oor 'n symposium oor outisme.

Fanie du Toit het gaan uitvind oor die voordele van perdry vir gestremdes, en vertel van 'n konferensie oor vroeë intervensie met betrekking tot gesinne met kinders wat gehoorverlies ondervind. Jacqui January gesels met die dramaturg, Wim Vorster, oor die RSG-Radiodrama oor siggestremdes

Dis Jeugmaand en Fanie du Toit vertel van opleiding in Worcester vir siggestremde jongmense. Jacqui January het meer oor inklusiewe onderwys en naskoolse onderrig vir doof-blinde kinders uitgevind.

Jacqui January het meer uitgevind oor Kinderbeskermingsweek en hoe gestremde kinders geraak word deur die wetgewing. Fanie du Toit gesels met die mense van Huis Horiston in Stellenbosh en hoor hoe hulle ouer mense, met al hulle uitdagings, integreer in die gemeenskap.

Fanie du Toit vertel van 'n jong blinde man wat sy droom as barista uitleef. En Jacqui January hoor hoe om jong gestremdes in die arbeidsmark te vestig deur middel van vakleerlingskappe.

Fanie du Toit hoor hoe gestremdes in gemeenskappe uitgesluit word en die uitdagings om openbare vervoerstelsels toeganklik te maak. En Jacqui January verneem hoe gestremdes deur die Wêreld Gesinsdag-inisiatief gehelp en opgelei kan word.