Leefwêreld van die Gestremde

Fanie du Toit praat met Emile Gouws, wat met outisme gediagnoseer is. Hy is aangewys as raadslid van die  Internasionale Outistiese Navorsingsraad. Jacqui January leer meer van van die interessanthede van gebaretaal, soos die rol van 'n werkwoord  en gebaretaal as 'n universele taal.

Fanie du Toit vind meer uit oor post-polio-sindroom en hoe dit behandel word. Jacqui January gesels met Yolande van der Westhuizen van die Suid-Afrikaanse Vereniging van Oudioloë oor Wêreld Gehoordag wat op 3 Maart gevier is. Sy vertel van die hoofoorsake van gehoorverlies, waarvan geraas bo aan die lys is. 

Fanie  du Toit kyk na die outismespektrum, en idees vir  gestruktureerde dramaterapie. Jacqui January gesels met ‘n ma oor haar tienjarige seun met spesiale behoeftes. Sy vertel van die waardevolle lesse wat sy by haar seun geleer het,  wat nie die vermoë het om homself in woorde uit te druk nie.

Fanie du Toit kyk na redelike akkomodasie in die werkplek. Sy gas vertel van die leemte t.o.v. die bewusmaking vir die behoeftes en benodigdhede van mense met gestremdhede. Jacqui January hoor watter hulp daar is vir volwassenes met gestremdhede om 'n profiel op die internet op te stel vir werkplasing. Die profiel is toegangklik vir werkgewers deur 'n eenvoudige elektroniese proses.

Fanie du Toit kyk na die opleiding van gidshonde en hoe siggestremdes te werk kan gaan om te registreer vir 'n gidshond. Jacqui January gesels met 'n vrou wat haar vierjarige babaseuntjie aan die dood moes afstaan a.g.v. 'n seldsame kanker. Sy vertel van die gesin sy uitdagings, en van Rainbows and Smiles wat ondersteuning en hulp aan ouers bied.

Fanie du Toit gesels met 'n vrou wat serebraal gestremd is. Sy vertel van die verskilllende uitdagings van volwassenes en kinders met hierdie toestand. Jacqui January kyk na die aanpasbaarheid, aanvaarding en selfverryking om met jou uitdagings en gestremdhede saam te leef.

Fanie du Toit kyk na die ondersteuning, hulp en praktiese raad wat die Nasionale Raad vir en van Persone met Gestremdhede aan gestremdes bied. Jacqui January kyk na die aanpasbaarheid van kinders met gestremdhede by skole en in koshuise.

Fanie du Toit hoor van die uitdagings van nieregeringsorganisasies en die dienste van die Nasionale Departement van/vir Persone met gestremdhede. Jacqui January hoor van 'n geleentheid vir mense met gestremdhede om opgelei en geplaas word te word in die arbeidsmark.

Fanie du Toit hoor van 'n onafhanklike sentrum wat 'n tuiste bied en hulp verskaf aan mense met mobiliteitsuitdagings. Jacqui January hoor van die Kaapstad Vereniging vir Persone met Fisiese Gestremdhede, wat help met basiese voedselnood.

Fanie du Toit hoor van die werksaamhede en uitreikaksies van die Upington en Benede Oranjerivier vereniging vir persone wat leef met gestremdhede. Jacqui January gesels met 'n onderwyseres wat spesialiseer in gebaretaalonderrig. Sy vertel van die uitdagings en interessanthede om 'n taal aan gehoorgestremde studente te leer.

Fanie du Toit gesels met 'n kwadrupleeg wat ondersteuning bied aan ander met gestremdhede. Jacqui January hoor van 'n parapleeg wat in die Wes-Kaap reis. Hy gee terugvoer oor die toegangklikheid van die toeristegeriewe vir mense met gestremdhede.

Marlene Swiegers vertel van die uitdagings wat met outisme gepaardgaan, met spesifieke verwysing na ouers en opvoerders. Tamelyn Bock is gekroon as Mej. Rolstoel SA. Sy vertel van die swaarkry en lekkerte om aan dié kompetisie deel  te neem. Sy sal Suid-Afrika in Oktober 2022 in Mexiko verteenwoordig.

Erica en Petra du Toit verduidelik definisies en terminologie van gestremdheid, en die beleid en wetgewing daaroor. Kayla Beukes gee hulp en raad aan ouers van kinders met gestremdhede. Sy het die leemte ervaar toe haar seuntjie met ‘n spinale koord-besering gebore is.

Fanie du Toit praat met Rechelle Mars oor geslagsgebaseerde geweld teen persone wat leef met gestremdhede, hulle kwesbaarheid, en hoe hulle bemagtig kan word. Jacqui January gesels met 'n ma-en-dogter-span. Cindy Engelbrecht, wat leef met Downsindroom, het onlangs 30 jaar oud geword. Dié Paralimpiese atleet het vele medaljes plaaslik en internasional verower. Sy vertel van haar Wonder Woman-partyt...

Fanie du Toit hoor van die jongste navorsing en hulp vir Alzheimers en demensie. En Jacqui January hoor van eenvoudige idees en raad ter versorsing van jou oë.

Fanie du Toit hoor van waardevolle inligting en wetgewing wat beskikbaar is vir persone met gestremdhede wanneer hulle slagoffers van misdaad sou word. Jacqui January gesels met Paralimpiese atleet Louzanne Coetzee oor haar wêreldrekord, haar sportloopbaan en haar leefwêreld.

Fanie du Toit vond meer uit van die jaarlikse outismesimposium. Navorsers, ouers, volwassenes met outisme, professionele mense en versorgers werk saam om praktiese raad en hulpmiddele te vind. Jacqui January gesels met Johannes Grib en sy vrou Jessica. Hy is blind en sy is doofblind is. Hulle vertel van hulle gidshonde, en die belangrikheid van die honde as lewensbelangrike hulpmiddele.

Helpende Hand is 'n organisasie wat gemeenskapsontwikkeling bevorder. Die netwerk wat hulle vestig, help ook vir 'n veilige tuiste vir en ondersteuning aan persone met gestremdhede. Jacqui January gesels met 'n blinde man en sy vrou, wat doofblind is. Dié twee ry fiets en help met bewusmaking en om geld in te samel vir gidshonde.

Fanie du Toit hoor van die Media-ontwikkeling en diversiteitsagentskap wat gemeenskapsradiostasies  inspan vir kommunikasie met gestremdes. Jacqui January hoor van 'n jaarlikse fietsresies waaraan mense met gestremdhede ook deelneem ter ondersteuning, bewusmaking en fondswerwing vir die opleiding van gidshonde.

Fanie du Toit hoor by Epilepsie SA van die nuwe idees wat op die horison is vir persone met gestremdhede. Jacqui January kyk na die geestesgesondheid van persone wat leef met gehoorverlies en doofheid. Word hulle anders as siende persone deur geestesongesteldheid geraak?

Fanie du Toit vind meer uit van die uitdagings van die neurologiese gestremdheid, demensie. Jacqui January gesels met Bonita Blankenberg, wat blind gebore is. Sy vertel hoe sy 'n paar jaar gelede as Sportvrou van die Jaar aangewys is n.a.v. haar rol as navigator in tydrenne.

Fanie du Toit hoor van samewerking en toegang d.m.v. van sosiale media, en gesprekvoering tussen verskillende inisiatiewe vir mense met gestremdhede. Jacqui January fokus op Geestesgesondheid-bewusmakingsmaand, en deel idees oor hoe om goeie geestesgesondheid te verseker.

Fanie du Toit gesels met Verna van Wyk oor 'n dagsorgsentrum vir volwassenes met erge gestremdhede in die Breedevallei. Jacqui January hoor hoe die gemeenskap en boere van Swellendam om mense met intellekuele gestremdhede te ondersteun.

Fanie du Toit praat met Amor Malan oor die impak wat Covid-reëls en -beperkings steeds op mense met gestremdhede het. Jacqui January gesels met Debbie Otto, wat vertel hoe sy op die ouderdom van 17 skrif-blind geword het, en deesdae as suksesvolle masseuse werk.

Fanie du Toit hoor van die bydrae wat persone met gestremdhede maak in hulle gemeenskap in die kleinste munisipaliteit in Suid-Afrika in die Sentraal Karoo. Dis Nasionale Maand vir Dowes. Jacqui January hoor van 'n veldtog om mense bewus te maak van doofheid en gehoorverlies.