Kompas

Die inperking het talle universiteite genoop om aanlynklasse aan te bied. Dit het studente sowel positief as negatief geraak. Tenita Kidelo praat met Marni Bonthuys oor die impak wat aanlynstudies op die akademiese jaar het. Sy hoor ook by 'n finale jaar student om uit te vind hoe die inperking haar toekomsplanne beinvloed het.

Tenita Kidelo gesels met Elzette Brown, wat deel is van die eLeer-direktoraat by die Wes-Kaap Onderwysdepartement, oor digitale hulpbronne vir tuisgebruik.

Carlyn Oppelt, die Graad 12 Lewenswetenskappe Departementshoof van die New Orleans Sekondêre Skool in die Paarl, doen hersiening van die menslike voortplantingstelsel. Sy fokus op die organe wat belangrik is vir voortplanting, en die belangrikheid van die menstruele siklus.

Jamie Arnoldus gesels met Jooste Nel, 'n leerder aan die Hoërskool Montana in Pretoria, wat in 2021 vir die Franse rugbyklub, Agen, gaan speel. Karmen Wiid, 'n 19-jarige digter van Pretoria wat ook 'n Geesteswetenskappestudent is aan die Universteit Stellenbosch, vertel van haar eerste roman wat gepubliseer is toe sy 12 jaar oud was. Sy het in Junie vanjaar haar eerste digbundel gepubliseer.

Die gebruik van sosiale media en die volg van influencers is gewilde onder jongmense. Jesme Swartz vertel wat 'n influencer is, en deel die moets en moenies van sosiale media.

Tenita Kidelo gesels met Carin van Graan, 'n Wiskunde Geletterdheid-onderwyser van die CBC St. John' s Skool in Parklands. Hulle behandel die afdeling, Finansies, met die klem op die Werkloosheidverskeringsfonds, inkomstebelasting en salarisstrokies.

Hoe berei ons leerders voor vir die nuwe normaal van Covid-19 in die klaskamer? Arehan Brand praat met Dinise Priga-Ritter van die Wes-Kaapse Onderwysdepartement, om te hoor watter raad en bystand beskikbaar is vir onderwysers en ouers om leerders op 'n psigo-sosiale en sielkundige vlak te ondersteun.

Arehan Brand gesels met Elke van der Westhuizen en Brenda du Toit, twee topatlete van die Hoër Meisieskool La Rochelle in die Paarl, wat binnekort aan Atletiek SA se 2020 Baan- en Veldkampioenskappe sal deelneem. Zandri Louw van die Hoërskool Oos-Moot in Pretoria, wat as wenner van die 2020 Miss Pageants Online RSA skoonheidskompetisie gekroon is, kuier ook saam.

Geslagsgebaseerde geweld teen vroue en kinders is steeds 'n ernstige kwaal in Suid-Afrika. Noudat die kwessie weer hoofnuus is, gesels Arehan Brand met Wessel van den Berg van Sonke Gender Justice in die Kaap hieroor.

Arehan Brand praat met Zaida van der Berg, 'n bestuurder vir vroeë kinderontwikkeling by die Wes-Kaapse Onderwysdepartement, oor hoe jong kinders vaardighede ontwikkel en kennis opdoen deur middel van speel en kommunikasie.

Arehan Brand praat met Anita van Vuuren van die Wes-Kaapse Onderwysdepartement se e-leer-direktoraat oor hoe afstandsleer steeds kan plaasvind tydens die inperking, en van professionele ontwikkeling in digitale onderrig en leer vir onderwysers.

Arehan Brand gesels met Cilliers Diedericks, 'n leerder aan die Hoërskool Waterkloof en Pretoria se Junior Burgemeester, oor leierskap. Dominique Matthee, 'n leerder aan die Hoërskool Oos-Moot in Pretoria, wat onlangs gehelp het met die geboorte van 'n baba, vertel van hierdie voorval en al die ander dinge waarmee sy besig is in haar gemeenskap.

Arehan Brand gesels met Mari Payne van Takalani Sesame oor hulle 20e bestaansjaar in Suid-Afrika en hulle wonderlike bron van onderwys vir jongmense. Tenita Kidelo gesels met jong mense oor hoe hulle van sosiale media gebruik maak tydens die inperking.

Salome Nutt, die Wiskunde-onderwyser van die Hoërskool Monument Park in Kraaifontein, doen hersiening van analitiese- en sirkelmeetkunde.

Mario Ackermann, die Afrikaan Huistaal vakadviseur van die Eden en Sentraal Karoo Onderwysdistrik in die Wes-Kaap, bespreek Sheila Cussons se gedig, Die Sagte Sprong.

Arehan Brand gesels met Carmie Prinsloo van die Hoërskool Montana in Worcester, wat tans eerste op die Suid-Afrikaanse Atletiek Top 10 ranglys is vir die Vroue onder-20 in die 5000 m en 1500 m, en tweede in die 800 m. Die Protea karate-spanlid, Daetania de Laan van Oudtshoorn, vertel van al die kompetisies waaraan sy al deelgeneem het en die sukses wat sy behaal het, in weerwil van die uitdagings...

Arehan Brand praat met Christine Bosman-Vosloo, 'n sielkundige van Stellenbosch, oor identiteit, die verskillende teorieë daaroorn, en die dinge wat identiteit bepaal. Tenita Kidelo, een van Kompas se veldverslaggewers, gesels ook met 'n jong Asiese seun wat in 'n Bruingemeenskap grootgeword het, en uitdagings wat hy in die gesig moes staar.

Arehan Brand praat met Juanita van der Merwe, die adjunkhoof opvoedkundige spesialis vir die grondslagfase by die Wes-Kaapse Metro-Sentraal Onderwysdistrik, oor skoolgereedheid vir veral Graad-R-leerders.

Arehan Brand praat met Antoinette Venter, 'n Ekonomie- en Bestuurswetenskappe-vakadviseur, oor finansiële geletterdheid, wat die fondasie vir Rekeningkunde is.

Arehan Brand gesels met leerders van die Hoërskool Upington oor hulle passie vir taal en letterkunde. Die leerders se prosa sal in vanjaar se Poort-bundel gepubliseer word. En die jong akteur, Cantona James, gesels met Kompas oor sy loopbaan.