Gesondheid

Wat presies beteken goeie en slegte bakterieë in jou ingewande? Help dit om gefermenteerde kosse te eet of aanhoudend probiotika te drink om jou ingewandsbakterie te verbeter? En wat van probiotika saam met antibiotika? Marí Hudson praat met 'n gastro-enteroloog oor ingewandsbakterie.

Waarom klop 'n mens se hart soms te vinnig, te stadig of onreëlmatig? Wanneer is dit gevaarlik? Kan of moet dit behandel word? Hoe word dit behandel? Marí Hudson praat met 'n hartritme-spesialis oor hartritme-defekte wat in die pompkamers ontstaan.

Lank voordat jy met tipe 2 diabetes gediagnoseer word, word jou hart en bloedvate aangetas en verhoog jou risiko vir hartversaking, hartaanvalle en beroerte. Slegs drie van die antidiabetesmiddels beskikbaar help om die komplikasies teen te werk. 'n Nuwe middel wat op jou niere werk, is die beste voorkoming teen hartaanvalle. Marí Hudson gesels met 'n spesialis in die tweede gesprek in 'n kort ree...

Wat is die jongste nuus oor die behandeling van tipe 2 diabetes? Het jy geweet die grootste gevaar van diabetes is die komplikasies daarvan, spesifiek die groot risiko vir hartaanvalle, beroerte en nierversaking? En dat die anti-diabetesmiddel wat op jou niere werk, jou risiko vir hartaanvalle drasties kan verminder? En dat om op te hou rook, enorme voordele vir diabete inhou?

Oorgewig mense wil graag maerder word, verkieslik so vinnig moontlik. Is daar iets wat ons kan sluk wat ons kan maermaak? Vetverbranders, metaboliese versnellers, CLA, stimulante en baie ander middels word geadverteer as maermaakmiddels. Werk dit? Is dit veilig? Wat kan mens doen? Marí Hudson gesels met 'n spesialis oor maermaakmiddels en jou metabolisme.

Het jy geweet dat die helfte van vroue wat sukkel om swanger te raak, endometriose het en maandeliks baie pyn verduur? Of dat die benadering dat 'n vrou met endometriose vier of vyf of selfs meer operasies op gereelde grondslag moet ondergaan om die endometriose te verwyder, nie aanvaarbaar is nie?

Ons het al almal die woord atroskopie gehoor, maar wat is dit? Ortopede kan deesdae 'n magdom 'operasies' deur 'n atroskoop met sleutelgat-chirurgie doen. Hulle kan stukkies been uithaal, deeltjies glad maak, bloeding beheer en selfs 'n nuwe knieligament konstrueer en vasheg.

Primêre immuniteit-tekort is 'n groep siektes wat die dood van kinders kan veroorsaak. Hoe ken mens dit uit, en hoe word dit behandel?

Jy is jonk, maar pas met kanker gediagnoseer. Jy moet chemoterapie of bestraling kry, maar wat van jou drome op 'n swangerskap in die toekoms? Moenie jou drome vergeet nie, want daar is nou verskeie opsies om jou vrugbaarheid te bewaar en steeds in die toekoms ma of pa te word, sê 'n fertiliteitspesialis en 'n onkoloog. Marí Hudson het gaan vasstel watter opsies jy het om ná kankerbehandeling stee...

Die kwessie van testosteroonvlakke in vroue is met die Caster Semeya-saak by die IAAF op die spits gedryf. In die lig hiervan kyk ons na drie sleutelkwessies: verhoogde testosteroon in vroue, verbeter hoë vlakke sportprestasie en kan laboratoria onderskei tussen natuurlike en toegediende testosteroon?

Waar staan ons met kanker-medikasie? Wat is chemoterapie, wat is 'geteikende' behandeling en wat is immunoterapie? Hoe werk dit en hoe effektief is dit? Is daar vordering in die oorlewingsyfers? En kan 'n mens opgewonde raak oor tweede generasie immunoterapie?

Wat is servikale kanker? Word vroue met die kanker vroeg opgespoor en doeltreffend behandel? Is 'n Pap-smeer doeltreffend en betroubaar genoeg om die kanker vroeg op te spoor? Help die HPV-vaksien om die kanker te voorkom?

Is limfdreinering uit geswelde bene 'n feit of 'n foefie? En wat gebeur met spatare as dit nie behandel word nie? Ons fokus vandag op die gevolge van spatare. Ons kyk hoe verstommend die liggaam is dat bloed sonder 'n pomp teen swaartekrag opwaarts kan vloei na die hart, en die interessante klepstelsel in die are van die bene – en wanneer dinge skeefloop.

Maandag 4 Februarie is Wêreldkankerdag. Presies wat is kanker? Wat gebeur in jou liggaam as jy kankerselle het? Is alle kankers dieselfde? Is dit aan die toeneem? Word vordering gemaak met kankerdiagnose en -behandeling? Kan jy self iets doen om kanker te voorkom?

Jy wil gewig verloor. Die advertensie belowe vinnige gewigsverlies - met 'n inspuiting deur 'n dokter! Beteken dit dat as 'n dokter die inspuiting gee, dit veilig is en werk? Wat spuit hy in? Wat doen bykomende menslike plasentahormoon, groeihormoon en ander middels aan jou liggaam?

Tuberkulose in kinders is 'n ander storie as tuberkulose in grootmense. Interessant genoeg is die bakterie-lading in die kind laer, wat hom steeds baie gou baie siek maak omdat sy immuunstelsel nog nie goed ontwikkel is, maar die feit gee dokters die kans om die siekte meer effektief te behandel as in grootmense, mits die behandeling vroeg begin en volgehou word. Marí Hudson gesels met een van die...

Tuberkulose by kinders is anders as by grootmense: dit kan skielik en hard toeslaan, en die kind vinnig baie siek maak. As dit na die brein gaan, kan dit breinskade of dood veroorsaak. Dis moeiliker om te diagnoseer. Enige kind met 'n ouer of oppasser met gediagnoseerde of ongediagnoseerde TB is in gevaar. Marí Hudson praat met een van Suid-Afrika se voorste tuberkulose-kinderspesialiste oor die s...

Hoe kry dokters dit nou reg om 'n pasiënt met laagliggende kolo-rektale kanker 'n stoma-sakkie te spaar? En hoe kry hulle dit voorts reg om pasiënte met gevorderde kolonkanker, wat reeds na die lewer versprei het, se oorlewingstydperk te verleng? 'n Chirurg van die Universiteit Stellenbosch se mediese skool vertel hoe die span sukses behaal met nuwe benaderings vir die probleme. Hy verduidelik hoe...

'n Span ortopede van Suid-Afrika het pas die eerste keer in Afrika 'n prostese regstreeks in die oorblywende geamputeerde bo-been van 'n jong vrou ingeplant. Die ortopeed van die Universiteit van Stellenbosch wat die span gelei het, vertel hoe dit gedoen is en wie hierby kan baat. Hy bespreek ook die voor- en nadele en die toekoms van die soort prosteses pleks van tradisionele prosteses waar die s...

Die gebruik van kunsbloed op ongelukstonele kan moontlik 10% of meer lewens red. Dis waarom 'n span nood-dokters en paramedici die gebruik van kunsbloed, wat inderdaad suurstof na selle kan vervoer, saam met plasma wat bloed kan laat stol, die eerste keer in Suid-Afrika op ongelukstonele gaan toets. Marí Hudson gesels met dr. Willem Stassen, 'n man met 'n doktorsgraad in Paramediese Sorg, oor kuns...

Wat is PMB's oftewel Voorgeskrewe Minimum Voordele as ons dink aan mediese fondsdekking? Waarom is daar ongelukkigheid tussen dokters en sommige mediese fondse hieroor, en hoe raak dit pasiënte? Waar staan ons met die voorgestelde wetgewing vir 'n Nasionale Gesondheidsversekeringstelsel, en het die inhoud nou weer verander dat dit geen ruimte laat vir private mediese fondse nie?

Het jy geweet daar is halwe en volle knievervangings? Met 'n halwe knievervanging sny die chirurg nie deur spiere en sagte weefsel nie, en dus voel dit nog soos jou eie knie! Marí Hudson gesels met 'n ortopeed oor knievervangings, wat deesdae 'n baie algemene operasie geword het. Hy verduidelik hoe knievervangings gedoen word, wie kandidate is, waarom dit gedoen word, hoe die been reguit gemaak wo...

Hoe is dit moontlik dat 'n kankerspesialis in Port Elizabeth sit, en akkurate bestralingsbehandeling op 'n pasiënt in Johannesburg toepas? Wat is gamma-bestraling en watter pasiënte kan met die behandeling gehelp word? Marí Hudson gesels met die kliniese onkoloog wat die langafstandbehandeling uitgevoer het. Die spesialis verduidelik ook watter soort bestralingsbehandeling beskikbaar is en waar di...

Wat is retinale loslating, en hoe word dit behandel? Voorts word 'n mens altyd gewaarsku oor die komplikasies van diabetes wat nie goed beheer word nie. Een van die komplikasies is diabetiese retinopatie, wat beteken dat die retina aangetas word. Maar hoe gebeur dit? Marí Hudson gesels met 'n oogarts oor die twee retina-probleme.

Wat is die jongste insigte oor die beste en gesondste eetplanne vir mense met tipe 2 diabetes? Met die korrekte eetgewoontes, kan iemand met tipe 2 diabetes baie doen om die diabetes beter te beheer en die kans op die slegte komplikasies te verminder. Marí Hudson gesels met 'n dieetkundige van Nicus, Irene Labuschagne, oor praktiese inligting vir mense met tipe 2 diabetes.