Driesestig

Ondersteuning vir die Springbokke kom uit alle oorde. ‘n Jong Zoeloe het op die ingewing van die oomblik ‘n lied geskryf ná die Bokke se halfeindoorwinning teen Engeland tydens die CCFN se massakoorbyeenkoms in Stellenbosch. Johan Rademan het met ‘n dirigent by die Umdomo-byeenkoms by Coetzenburg, Bernard Kruger, gesels.

‘n Australiër het ‘n noue ontkoming gehad toe ‘n boggelrugwalvis uit die water gespring, hom van sy branderplank afgestamp en onder die water ingesleep het.

Albert Bossert praat oor die geskiedenis van Suid-Afrikaanse staproetes, en hoe dit deesdae gebou word.

Die Overberg se onbaatsugtige Irene Cupido vertel vir Haidee Muller-Isaacs van haar werk as bestuurder by 'n tehuis en, hoe sy haar altyd oor ander ontferm.

Aldus Smith praat oor die belangrikheid om KPR te kan doen.

‘n Man in Suid-Korea het gestik aan ’n dis, waar jy seekat eet wat nog beweeg. Behalwe vir die stik het die man toe ook ‘n hartaanval gekry.

Oudspringbok Hennie Bekker gesels rugby en die eindstryd van die 2023 Wêreldbeker. Hy het self twee toetse teen die All Blacks gespeel.

Vir baie Baaise Ysterman-atlete was dit hartverskeurend toe Marolien Schmidt, bekend as die ”pienk fisio,” op Vrouedag deur ’n rower in haar huis vermoor is. Marolien was ook ’n Ysterman-atleet. Een van Marolien se beste vriendinne, Michelle Enslin, het besluit haar deelname aan die pas afgelope Ysterman wêreldkampioenskap in Hawaii, sal ter ere van Marolien wees. Sy het toe as wêreldkampioen in h...

Werner Cloete en Allesandro Donkerman vertel vir Martelize Brink van Calling Education lae koste, hoë waarde skole. Die eerste was vir seuns uit verarmde gemeenskappe in Stellenbosch. Hulle tweede skool is in Kroonstad vir seuns en dogters.

In Nieu-Seeland kla die inwoners van Porirua oor sogenaamde sirenepartytjies waar Celine Dion se musiek kliphard in die nag gespeel word.

Werner Jerling gesels oor die karakters in die boubedryf.

Haidee Muller-Isaacs gesels met die 71-jarige Tombi Loubser, die engel van Stellenoord aftreeoord op Stellenbosch. Sy vertel van haar interessante en spesiale naam, en die uitdagings wat sy moes oorkom. Ons hoor ook van die vele padwedlope wat sy al afgelê. Tombi is 'n inspirasie vir ieder en elk, en

Johan Weyers van Krieket SA vertel vir Johan Rademan van die Straatkind Krieket Wêreldbeker wat onlangs in Indië plaasgevind het, en die Suid- Afrikaanse span wat daar was.

Die president van Ysland staak, en verwag dat die ander vroue in haar kabinet, nes ander vroue in die land, ook vandag staak. Dis om die aandag te fokus op ongelyke betaling tussen mans en vroue.

Lee Kruse vertel vir Johan Rademan van flyball, ’n hondesport, wat ook ‘n spansport is.

Vlugtige olie, of eteriese olie, se gebruik neem wêreldwyd toe, en die mark is redelik goed gevestig in Suid-Afrika. Jacqui January gesels met Flip Minnaar en sy seun, Henry, oor die produksie van olies op hulle plaas.

Bobby The Punisher Krisch vertel vir Johan Rademan van klapgevegte, of slap fighting, wat as ‘n sport beoefen word.

‘n Amerikaanse vrou was met vakansie toe haar buurvrou haar laat weet dat haar huis pas gesloop is.

Karen Els kuier by Martelize Brink en vertel van haar reis van lugwaardin tot haar ervarings op Masterchef en Kokkedoor Vuur en Vlam waar sy en spanmaat Gert Joubert koning gekraai het.

Hetta van Deventer-Terblache praat oor peper, die rockster van speserye.

Danie Morkel het verskeie wêrelddele besoek om te studeer - handelsooreenkomste in Marokko, wynbou in Australië en Frankryk en branderplankry in Indoniesië. Hy is tans tuis by die Diemerskraal Vliegveld by Wellington. Johan Rademan het hom gevra waar hy wortel geskiet het.

‘n Man in Pole het tussen winkelpoppe in die winkelvenster gestaan en gewag tot die winkel sluit, voor hy juwele gesteel het.

Ivor Swartz gesels oor geestesgesondheid, en die jaarlikse vlieërfees in Kaapstad, wat om die draai is.

Willy Mathys is op Calvinia gebore, en woon al jare lank in Kuilsrivier. Hy hou van stories vertel, en is al jare lank afgetree. Hy belsuit toe om 'n boek met sy stories saam te stel. Haidee Muller-Isaacs het meer gaan uitvind oor die stories, wat Willy so smaaklik vertel.

Prof. Nico Steytler gesels oor sy ma, die skrywer Elsa Joubert, wat vandag 101 jaar oud sou wees.