Driesestig

Eben Cruywagen vertel vir Ignatius Vlok hoe hulle die wêreld se eerste direkte radio-uitsending van onder die see in 1987 aangepak het.

Ernst Thompson vertel vir Martelize Brink van verskillende style heuningbier en verwante produkte wat hy maak by die Cape Town Meadery.

Hetta van Deventer-Terblache vertel vir Martelize Brink in die DrieSestig Speseryroete oor Kerskoeke van die wereld.

Amerikaner Joel Strasser hou 15 Guinness Wêreldrekords vir allerhande goed wat hy in sy baard druk. So byvoorbeeld het hy 1500 tandestokkies in sy baard gedruk asook 126 vurke.

Marina Zietsman vertel vir Martelize Brink van gratis begeleide staptoere in Kaapstad en wat jy te wagte kan wees as jy die stad te voet verken.

Thereza Raman het eers op 40-jarige ouderdom haar matrieksertifikaat gekry. En nou die dag het sy, op 56,  haar meestersgraad in onderwys en volwasse leer- en wêreldwye verandering aan die Universiteit Wes-Kaapland ingepalm. En dis nog lank nie al nie, Thereza begin in Januarie as skoolhoof van Hoërskool Namakwaland op Springbok

Dr. Wessel Myburgh vertel vir Martelize Brink van tegnologie wat hul kommersialiseer wat mikrobiese ensieme gebruik om sekere soorte plastiek af te breek en dit moontlik tot waardevolle brandstowwe en chemikalieë te herwin.

‘n Lid van die rykste familie in Europa wil sy tuinier aanneem sodat hy 6 miljard Euro kan erf. Tans gaan Nicolas Puech se volle erflating na sy stigting, maar daar is ‘n klousule in die kontrak dat ‘n kind ‘n deel van die erflating kan kry. Indien dit ‘n seun is, kan hy tot 50% van die beraamde 12 miljard Euro boedel erf.

Craig Adriaanse gesels met Martelize Brink oor sy pad voor die kameras en deel word van die Suidooster – familie.

Kos kan ‘n groot hap uit jou begroting neem wanneer jy gaan reis, maar Johan Rademan aanbieder van ReisSonderGrense op n Saterdagoggend tussen 10 en 11 het iemand opgespoor wat die probleem eiehandig getakel het.

Izaan Booyens vertel vir Martelize Brink van die voor- en nadele van videospeletjies en hoe jy die blootstelling aan die speletjies kan bestuur.

‘n Maatskappy in Sjina betaal hul werkers ‘n bonus as hul 50 km ‘n maand draf, 60% van die bonus vir 40 km en 30% vir 30 km.

Dawie Botha vertel vir Martelize Brink in So is die land gebou, oor damme wat vir meer as water opgaar gebou is.

Haidee kuier in Ravensmead by haarkapper Louisa Da Silva. Louisa se ma het op vyf uitgevind dat sy nie kan hoor nie. Vandag kan Louisa hoor danksy 'n kogliere inplanting en as opgeleide haarkapper wil sy nou die jongmense aan die hand vat en oplei. 

‘n Studie kla dat die mediese Barbies se persoonlike beskermende toerusting te kort skiet en nie eens weggooibare handskoene dra nie.

Lize Testa en Tracy Starke gesels met Martelize Brink oor eekhorings en wat hul redding- en rehabilitasie pogings behels.

Navorsing toon dat 86% van die Gen Z generasie angstig raak wanneer hulle met die keuses op ‘n spyskaart konfronteer word.

Eben de Bod gesels Martelize Brink oor die 35e Trans Agulhas Challenge. Eben het die afgelope 3 jaar die taai opblaasbootresies gewen.

Hetta van Deventer – Terblache vertel vir Martelize Brink in die DrieSestig Speseryroete oor Kersspeserye van die wereld.

In Oregan VSA word ‘n bloukaasbier gemaak wat vir beina twee jaar in eikehoutvate verouder word.

Anzel Roux vertel vir Martelize Brink oor haar onderwysloopbaan en sukses op TikTok.

Haidee gesels met Mary Losper by die winkel waar sy al langer as 'n dekade werk in Bellville. Mary vertel van die lekker jare in die Noord-Kaap, haar komvandaan.

Herman Bosman gesels met Martelize Brink oor opleiding indien jy ‘n vuurwapen vir selfverdediging kry.

‘n Sjinese smaakmaker het moeilikheid gekry na sy ‘n gewilde toerisme gebied in Thailand as onveilig vir vroue uitgebeeld het. Thailand bring dit toe onder haar aandag dat sy gewerk het terwyl sy daar was op ‘n toerisme visum.

Jeff Wicks gesels met Martelize Brink oor die uitdagings van sy werk as ondersoekende joernalis en deel van News24 se ondersoekspan.