Driesestig

Oom Solly Williams gesels oor sy grootwordjare in Pniel, en hoe sy hande vir byna niks verkeerd gestaan het nie. Vandag wonder hy oor 'n besonderse liedjie wat hulle altyd gesing het toe sy pa desjare moes oorlog toe. As iemand dalk die wysie en woorde herken, sou oom Solly graag meer daaroor wou uitvind, vertel hy vir Haidee Muller-Isaacs.

In Nigerië word sosiale vlinders voor die hof gedaag oor ‘n praktyk met die naam “spraying”. Naira-geldnote word in die lug gegooi om waardering te toon. In die proses word daar egter op die geldnote getrap, en om dit te beskadig, is teen die wet.

Dr. Harold Adams gesels met Martelize Brink nadat hy by die onlangse SA Sporttoekenings vir sy lewensbydrae tot atletiek vereer is.

Louis Burger was ‘n suksesvolle sakeman van Gqeberha met ’n groot hart en oop hand vir diere en mense in nood. Toe hy 2021 aan kanker oorlede is, het sy seun John besluit om sy pa se goeie werk voort te sit deur ‘n 24-uur fietsrymarathon, 24 Hours For Louis, te doen. Duisende rande vir diere in nood is reeds hierdeur in 2021 en 2022 ingesamel. John het onlangs op sy derde fietsrymarathon weggespri...

Die waardevolste muntsversameling wat tot nog toe te koop aangebied word, sal op ‘n veiling beskikbaar gestel word nadat daar ‘n 100 jaar verbod op die verkoop daarvan was. Die 20 000 stuk versameling se waarde word op £57,4 miljoen beraam.

Dawie Botha praat in SO IS DIE LAND GEBOU oor die verskillende soorte brugontwerpe in Suid-Afrika.

Stephanie Cilliers praat oor die pligte en regte van 'n huishoudelike werkgewer.

‘n Man in Kalifornië is aangesê om sy boot agter ‘n ses voet heining te kry. Uit verset het hy sy kunstenaar-buurman gekry om ‘n fotorealistiese skildery van die boot en die res van die oprit op die heining te skilder. Jy sien die boot, maar die boot is volgens die reëls agter die heining!

Dr. Hanneline Smit-Robinson vertel van ‘n dag vir trekvoëls, en ‘n Europese troupant-projek waarby Birdlife South Africa betrokke is.

Vanes-Mari du Toit vertel van Madswimmer se suksesvolle aanslag op die wêreldrekord vir die hoogste swem. Hulle het die nuwe rekord in die Himalajas opgestel op ‘n hoogte van 6 405 meter.

Dr. Ida Wilson praat oor Wêreldag vir plantgesondheid. Sy vertel van vanjaar se tema: plantgesondheid, veilige handel en digitale tegnologie.

Miami Beach se polisie het ‘n Rolls Royce ter waarde van $250 000 in ‘n patroliemotor omskep. Die doel is om mense te lok om by die polisie aan te sluit. Dink net hoeveel voubiljette jy vir $250 000 kon druk.

Aapstreke is een van die lekkerste dinge om dop te hou, maar blouapies kan ook baie lelike strepe toon, veral as die trop te groot raak. Arnold Slabbert, ‘n Baaise naturbewaarder, verduidelik aan Mariska Spoormaker hoe wilde diere, in die afwesigheid van predatore, probleemdiere kan word omdat hulle getalle te groot word.

Koshistorikus Hetta van Deventer-Terblanche praat oor die speserye wat voorkom in Suid-Afrika se eerste kookboeke.

Anné Pretorius vertel hoe kosbaar dit is om 'n ma se herhinneringe op skrif te stel en met haar kinders te deel. Anné het by haar ma so ‘n boek met herhinneringe gekry.

Besoekers aan 'n dieretuin in China is ontstel deur die "pandas" wat daar gehuisves word. Dis toe eintlik honde wat soos pandas gekleur is!

Haidee Muller-Isaacs gesels met Johan Brand, agt jaar ná die Bloutreindrywer se laaste rit, en hoor waarmee hy hom deesdae besig hou.

Prof. Chris Roth en Keith Mackie vertel van die Robinson-droogdok by die V&A Waterkant wat dateer uit 1882. Dis die oudste werkende droogdok van sy soort ter wêreld, en is deur SAICE se Geskiedenis- en Erfenispaneel vereer met ‘n toekenning.

Hitte vir die ontkieming van sade en vir die maak van boegoe-olie is ewe belangrik, het Johan Rademan geleer toe hy Gert Theron van Heuningvlei in Wuppertal besoek het.

Etienne Fourie vertel vir Martelize Brink van sy besige lewe van films maak en boeke skryf. Hy werk tans aan 12 projekte en teken prentjies om sy stories agter mekaar te hou.

Fanie Viljoen praat oor prof. Maritha Snyman se nalatenskap en sy interaksie met haar. Sy was ‘n pionier van die Afrikaanse kinderboek.

Die vervaardiger van die bekende rooi Switserse weermagmesse gaan nou nuwe modelle maak sonder lemme.

Dawie Botha praat in SO IS DIE LAND GEBOU oor brûe van die Lourensrivier tot by die Apiesrivier.

Hou jou hande baie besig terwyl jy hartseer verwerk - dit in kort, is wat Tanja Smith gedoen het ná die dood van haar geliefde kat, met die naam Stoutkat. En só het Stoutkat post mortem baie meer as die spreekwoordelik nege lewens gekry, omdat hy nou op t-hemde, bekers, kussings en wat nog pryk. Mariska Spoormaker het by Tanja gaan hoor oor Stoutkat.

Dane Dodds vertel hoe hulle die gaping tussen wetenskap en kultuur probeer oorbrug deur die rolprent, !Aitsa, met ‘n sonkrag aangedrewe bioskoop aan landelike gemeenskappe in die Kalahari en Groot Karoo te vertoon.