Driesestig

Die eiland, St. Helena in die Suid-Atlantiese oseaan, is een van die mees afgeleë eilande ter wêreld. Vir jare kon die eiland slegs per skip bereik word, maar die St. Helena-lughawe is onlangs amptelik geopen deur die Graaf van Edinburgh, Prins Edward. Die lughawe is deur Basil Read van Suid-Afrika gebou. ‘n Suid-Afrikaner, Martin Fourie, hou ‘n ogie oor die instandhouding van dié eksklusiewe lugh...

Kuberkenner praat oor die gevare van fopnuus in aanloop tot die algemene verkiesing later vanjaar, en hoe dit ‘n oortreding van die Film-en Publikasiewet is.

Die VSA se Voedsel- en medisyne-administrasie se kosstandaarde laat allerhande goed in kos toe, wat jou mag laat gril. Daar is byvoorbeeld aanvaarbare hoeveelhede knaagdierhare, mis, muf en insekdele in kos van koffie tot sjokolade!

Dawie Botha vertel vir Martelize Brink in SO IS DIE LAND GEBOU van die uitdagings wat daar was met dolomietgesteentes tydens die konstruksie van die Gautrein.

Jan Dykema vertel vir Haidee Muller-Isaacs hoe hy as jong Vrystaatse seuntjie 'n liefde vir die buitelug ontwikkel het. Hy is uiteindelik weermag toe, maar toe roep die natuurlewe harder, en vandag is hy al 14 jaar lank 'n wildbewaarder in die Oos-Kaap. Jan vertel ook hoe hy op 'n keer amper leeukos was...

Sandra Jones vertel vir Martelize Brink hoe sy uit armoede ontsnap het, en begin floreer het toe sy deel geword het van TCB se Resell-program, wat jou leer om ‘n suksesvolle klerehandelaar te word. Deesdae bestuur sy haar besighede, en is ook ‘n opleier en mentor by TCB.

Wallis se owerhede maak bekend vir watter onvanpaste situasies hulle ambulansnoodnommer geskakel word - van te veel kebab eet tot verlore valstande!

Prof. Rhoda Leask vertel vir Martelize Brink van veeartse se opleiding by Universiteit van Pretoria se Fakulteit Veeartsenykunde in Onderstepoort.

’n Besonderse vrou is onlangs in die Baviaanskloof ter ruste gelê. Sy is Magriet Kruger, wat as 24-jarige pasgetroude met haar man, Pieter, op die plaas Zandvlakte in die Kloof aangekom het. Die Baviaanskloof was destyds ’n redelik onbekende plek, maar Magriet het ’n groot rol daarin gespeel om dit ’n wêreldwye gewilde toerismebestemming te maak. Só het die burgemeester van die destydse Baviaansmu...

Judy Markthaler vertel vir Martelize Brink van haar dogter, Lara, Suid-Afrika se enigste atleet by die Winter Jeug Olimpiese Spele in Suid-Korea.

‘n Fransman op besoek aan Amerika, het by ’n nasionale park ‘n diamant van 7,46 karaat opgetel. Die diamant is na sy verloofde Carine vernoem.

Haidee Muller-Isaacs was by die Shamwari-wildreservaat in die Oos-Kaap om die grootste hervestiging van gerehabiliteerde aasvoëls in Afrika te aanskou. Sy het daar met die veearts, dr. Johan Joubert, gesels en meer uitgevind van die aasvoëlhokke wat 6 meter hoog is.

Hetta van Deventer-Terblache praat oor die geskiedenis van naeltjies, dat dit goed werk saam met waterblommetjies, en dat mense selfs naeltjiesigarette rook.

Amerika het sonbesies wat jare wag tussen verskynings bo die grond. Twee groepe sal vanjaar op dieselfde tyd uitkom. Die volgende keer is in 2245. Behalwe vir die groot geraas wat kom van die triljoene sonbesies, is daar ook die stank wanneer die insekte doodgaan.

Helene Brand vertel van ‘n program waar werklose ma’s die nodige vaardighede aanleer om suksesvolle klerehandelaars te word.

Nog voor die Port Elizabeth lughawe na die Dawid Stuurman lughawe herdoop is, wou baie Baaienaars al weet wat geword het van die ou Albatros-vliegtuig wat op ‘n paal naby die parkeeterrein gemonteer was. Daar was ook 'n Impala op die dak van 'n restaurant by die lughawe, maar dié het ook verdwyn. Mariska Spoormaker het dié twee ikoniese vliegtuie in die SA Lugmagmuseum in Port Elizabeth gaan opsoe...

Dieetkundige Mariza van Zyl praat oor stysel se glukemiese indeks wat verlaag wanneer dit afgekoel word.

In Indië is twee restaurantgroepe haaks, en in die hof, oor wie nou eindlik eerste botterhoender gemaak het. Nou soek hulle getuies wat kan help. Het jy dit al in die 1930’s in Pashawar geëet, of eers ná 1947 in Delhi?

Michael “Muis” Roberts gesels oor sy jare in die saal. Hy is was onder andere 11 keer Suid-Afrika se kampioenjokkie en een keer Britse kampioenjokkie. Hy is die afrigter van SEE IT AGAIN, die gunsteling perd om die 2024 Cape Town Met te wen.

Haidee Muller-Isaacs kuier op stel by die talentvolle grimeerkunstenaar en stilis, Mari Conradie. Sy vertel hoe sy karakters in haar kop bou, en hulle dan daarvolgens omskep met die regte kleure met haar grimeerkwas.

Sir Winston Churchill se valstande is binnekort te koop op ’n veiling, waar dit na verwagting £8000 sal haal. In 2010 is die einste tande vir £15200 op ‘n veiling verkoop.

Dawie Botha gesels in SO IS DIE LAND GEBOU oor die Appeltrein van die Langkloof, en die Gautrein-spogprojek.

Dr. Cobus Oosthuizen vertel vir Martelize Brink wat ‘n hoërsertifikaat behels. Dis 'n alternatief tot ’n matrieksertifikaat, om toegang tot naskoolse studie te kry.

Biodiversiteit en bewaringsekologie kry toenemend wêreldwyd aandag. Dis egter al vir meer as 150 jaar dat plantkundige akademici vergader om dié onderwerp deur te trap. Die volgende byeenkoms is in Julie vanjaar. Professor Stephen Boatwright van die Departement Biodiversiteit en Bewaringsekologie van UWK gaan dit bywoon. Op die agenda is nuwe navorsing oor alle velde van plantkunde en die wyse waa...

‘n Ongelukkige kliënt het ‘n afleweringsdiens se kunsmatige intelligensie-kletsbot gekry om die einste afleweringsdiens sleg te sê.