Driesestig

Vroeër jare het omtrent net die boere belang gestel in die weer, nou is dit stedelinge ook, sê Garth Sampson die woordvoerder by die Suid Afrikaanse Weerdiens in Nelson Mandelabaai. Garth, beter bekend as die Baai se weerghoeroe, staan op aftrede, maar eers verduidelik hy aan Mariska Spoormaker hoekom stedelinge deesdae ook hulle oë en ore op die weer hou.

Stukkies van die Eiffeltoring sal deel uitmaak van vanjaar se Olimpiese en Paralimpiese medaljes.

Tertia en Mike Dixon vertel hoe hulle onderneming se webblad gekloon is, en hul klante bedrieg is. Mike vertel ook van die eerste stappe wat hul gedoen het om die fopwebblad te laat toemaak.

Magdel Steyn vertel vir Haidee Muller-Isaacs hoe sy desjare op 14-jarige ouderdom die land se jongste vroue-krieketskeidsregter geword het.

Ná 8 jaar se bou aan ’n replika van die Eiffeltoring met vuurhoutjies, tel sy rekord nie, siende dat al die Guiness Wêreldrekord reëls nagekom is nie.

Marlene Steyn vertel van haar kuns, en ‘n samewerking waar haar werk op swemdrag pryk.

By die ruïnes van die eens bedrywige St. Peterskerk met sy uitsig oor die Baai se hawe, is ’n belangrike deel van die stad se geskiedenis weer na vore gebring nadat die terrein besoekersvriendelik gemaak is. Die kerk in Suideinde, wat in 1871 sy deure geopen het, moes sluit ná die gedwonge verskuiwings in die jare 60 en 70 . Mariska Spoormaker het die kerk saam met toergids Tony Neveling besoek.

Cheraldine van der Merwe vertel vir Martelize Brink van die Vriende van Afrikaans se boektrommelprojek, en die belangrike rol van hardop-lees.

‘n Stryery oor snork het gemaak dat die een buurman die ander doodgesteek het. Dit nadat die slagoffer aangebied het om te help betaal vir ‘n neusoperasie.

Dawie Botha vertel vir Martelize Brink in SO IS DIE LAND GEBOU van die Gautrein se mooi neus, en die natuurkragte wat daarop inwerk.

Gawie Smit se seiljagvaarte was vir hom nie net ‘n kopskoonmaker nie, dit het ook beroepsmoontlikhede geskep op St. Helena, waar Johan Rademan hom oor eilandsindroom uitgevra het. St. Helena is die mees afgeleë, bewoonde eiland in die Suid-Atlantiese oseaan. Dis sowat 1 200 km na hulle naaste bure, Ascension, en 2 000 km na die naaste kuslyn van Afrika.

Dr. Brian du Preez vertel vir Martelize Brink hoe hy 15 nuwe plantspesies beskryf het as deel van sy doktorale studie in plantkunde.

Die avant-garde-komponis, John Cage, se ekspermentele komposisie, SO STADIG MOONTLIK, het in 2001beg in speel op orrel wat spesiaal hiervoor gebou is. Dit sal nog 616 jaar lank speel! Die stuk se akkord het vandeesweek die eerste keer in 2 jaar verander. Dit sal eers weer op 5 Augustus 2026 gebeur.

Allister Jack vertel vir Martelize Brink van opleidingsprogramme en kwalifikasies in die perdebedryf. Hy is al vir 33 jaar lank ‘n hoefsmid.

Haidee Muller-Isaacs gesels met die plaaslike skrywer Anna Emm, wat sak en pak met haar gesin Londen toe getrek het. Sy vertel hoekom hulle die groot skuif gemaak het, en wat sy daar oorkant ervaar.

‘n Paartjie wat beide waaghalse is, het met hulle klere aan die brand, kansel toe gestap.

Amike Oosthuizen vertel vir Martelize Brink van haar nege maande lang reis op ’n plesierboot, wat die verbeelding aangegryp het op sosiale media. Een van haar TikTok-video’s het al meer as 6,3 miljoen kyke gehad.

Hetta van Deventer-Terblache praat oor die geskiedenis van kruie, speserye en blomme wat gebruik word om kos te kleur.

Langs die besige Kaapweg in Gqeberha, net anderkant die Five Ways-kruising, is daar ’n klein besigheid. Dis een van die Baai se familiebesighede wat nog ‘n juweel is. Mariska Spoormaker het by Mundy’s Book Exchange gaan inloer.

‘n Duif is in Indië daarvan verdink dat hy ‘n Chinese spioen is. Ná agt maande is daar besef dis ’n oopwater-resiesduif van Taiwan, en is toe vrygelaat.

Jan-Hendrik van der Westhuizen gesels oor die formaat van restauranttoekennings, en die impak daarvan.

Haidee Muller-Isaacs gesels met Marilie van der Merwe, 'n jong en passievolle onderwyser en ma van twee dogtertjies. Sy is in September 2019 gediagnoseer met Bipolêre 2-versteuring, en is uiteindelik nou op 'n plek waar sy haar reis met dié siekte wil deel om ander te inspireer, sodat hulle nie alleen voel nie.

Paul Cluver vertel vir Martelize Brink op die vooraand van die Cape Wine Auction, dat hulle die afgelope tien jaar R125 miljoen vir welwillendheid in gesamel het.

‘n Man in Engeland, met ‘n yskas op sy rug, het die polisie se aandag getrek. Hy was besig om te oefen vir die London-marathon, waar hy hoop om ‘n Guiness Wêreldrekord te verbeter vir die vinnigste marathon, waar jy met huishoudelike toebehore draf.

Conroy Scott vertel hoe hy as meganiese ingenieur gekwalifiseer het, en toe sy werk gelos het om opera te studeer. Dié basbariton bespeel ook verskeie musiekinstrumente.