Driesestig

Baie werklose jongmense in Nelson Mandelabaai vind hoop en werk danksy die Work 4 A Living-program wat in vier sentrums in dié metropool aangebied word. Werksetiek, die opneem van eie verantwoordelikheid en persoonlike geldbestuur is van die fokuspunte in die opleiding. Mariska Spoormaker het die sentrum in Gelvandale besoek waar sy Matthew Solomon raakgeloop het.

Wallis het ‘n rekord opgestel vir die langste toutrek van net meer as 516 meter met 100 deelnemers.

Alfred Thorpe vertel vir Martelize Brink van die Calling Cape Town-driekamp, waar 50 atlete 8 km van Robbeneiland af swem, voor hulle die Kaapstad Fietstoer se 109 km plattrap. Daarna draf hulle die volgende 12 ure die 50 km roete tussen Kaapstad se drie ikoniese pieke.

Koshistorikus Hetta van Deventer-Terblanche gesels oor Cajun-speserye.

Haidee Muller-Isaacs gesels met Japie Coetzee oor sy betrokkenheid by die Irma Bruchi Kankerhuis in George. Japie was op sy dag ‘n kranige sportman. Sy vrou is ‘n paar jaar gelede aan kanker oorlede. Japie het self kanker geklop, en vertel van die pad wat hy met die kankerhuis stap.

In Dubai kan jy ys van Groenland se ysberge in jou drankie kry. Die helderste en skoonste ys is ouer as 100 000 jaar, en smaak na niks.

Die Morawiese sendingdorp, Wuppertal, se grondgebied strek oor 36 000 hektaar, met 16 nedersettings, of buiteposte. Daleen van der Westhuizen is die voorsitter van Heuningvlei Toerisme, een van die buiteposte. Johan Rademan het by haar in die Cederberge gaan kuier, en gevra om te verduidelik waar Heuningvlei is. Sy gesels oor gemeenskapstoerisme en hoe afhanklik Heuningvlei daarvan is.

Dr. Cobus Oosthuizen vertel hoe jy die uitdaging kan aanspak om 'n werk te kry sonder vorige werksondervinding.

Die K-Pop-ster, Karina, het haar aanhangers om verskoning gevra nadat dit bekend geword het dat sy in ‘n verhouding met ‘n akteur is. Haar aanhangers het betoog omdat hulle voel sy verkul hulle. K-Pop-sterre word as romanties toeganklik bemark.

Prof. Karin Baatjes gesels oor haar roeping in opvoeding, en die uitdaging met beurse vir studente. Vir haar 50ste verjaarsdag het sy ‘n 50/50-veldtog begin, waar sy mense nooi om weekliks 50 minute saam met haar te stap, draf of op ‘n ander manier te beweeg en geld vir beurse in te samel.

As jy nie mooi kyk wanneer jy in Gqeberha se Worrakerstraat ry nie, kan jy reg verby die Baai se speelgoedmuseum en restaurant ry. Mariska Spoormaker het betyds stilgehou, ’n koffie bestel en gesels met Emile Burger, mede-eienaar van die speelgoedmuseum, wat hy en sy vrou Yvonne 50 jaar gelede begin het.

‘n Duitse man is 217 keer ingeënt teen Covid-19, oor ‘n tydperk van 29 maande! Hy weet egter nie hoe effektief dit is nie, siende dat hy nog nie Covid-19 gehad het nie.

Jan de Beer vertel in SO IS DIE LAND GEBOU van die rol van die spoorweë se werkswinkels. Hy fokus op die werkplaas by Koedoespoort in Pretoria.

Haidee Muller-Isaacs kuier op die strand in Mosselbaai by met Arashaad Davids wat strandkuns beoefen. Hy vertel vir haar hoe hy sy talent ontdek het, en hoekom hy doen wat hy doen.

Salome Werner vertel vir Martelize Brink van Worthy Woman in Action, en hoe belangrik dit is dat vroue mekaar erkenning gee en ondersteun.

‘n Hotel in Singapoer vergoed jou met ‘n koepon ter waarde van ‘n nag se verblyf indien reën jou vakansieplanne beduiwel tydens jou verblyf.

Deidre Joubert gesels oor die Wild and Free-rehabilitasiesentrum vir wilde diere in Mpumalanga. Sy vertel wat jy behoort te doen wanneer jy op ‘n wilde dier in nood afkom.

Toe die pa van haar vier kinders gesterf het ná ‘n ernstige aanranding drie jaar gelede in Kariega, het Thando Jonas die swaar pad na herstel begin loop deur elke dag haar gevoelens en mikpunte neer te skryf. Op 'n dag het 'n vriendin haar herstel-dagboek gelees en die kort van die lang storie is dat dit nou in boekvorm saamgevat en uitgegee word. Mariska Spoormaker het met Thando gepraat.

Alida Naude vertel van die sosiale isolasie wat deur gehoorverlies veroorsaak word.

Los Angeles FC het die naweek teen Real Salt Lake in ‘n profesionele sokkerwedstryd teen mekaar gespeel. Eers is die afskop met twee ure uitgestel weens ‘n weerwaarskuwing. Ná vier minute se spel is die spelers weens weerlig vir ‘n uur van die veld af. Toe spel hervat, was dit in die sneeu. Die sneeu het swaar bly val vir die res van die wedstryd.

Sy was nog altyd baie bekommerd oor die vereensaming wat veroudering vir sommige senior burgers bring, daarom het Madelane Scholtz met ’n penmaatklub vir hulle begin. Sy bedryf dit vanuit haar winkel in Gqeberha. Mariska Spoormaker het daar gaan inloer.

Koshistorikus Hetta van Deventer-Terblanche gesels oor Tabasco en gefermenteerde speserysouse.

‘n Regter moes vandeesweek ‘n oordeel fel oor die manier hoe ‘n vloekwoord gebruik is - as werkwoord, selfstandige naamwoord of byvoeglike naamwoord? Die regter het bevind dis as byvoeglike naamwoord gebruik. Die woord was dus nie op die klaer gemik nie, en ’n landdros se vonnis van 12 maande tronkstraf vir vyf jaar vir die oortreding van ‘n beskermingsbevel, is omgekeer.

Jacqui January besoek ‘n chemiese analitiese labratorium by die Universiteit Stellenbosch. Wetenskaplikes Marius Pretorius en professor Marietjie Stander vertel van die toerusting, en die gebruik daarvan in die identifisering van molekules. Suid-Afrika word internasionaal erken vir sy bydrae in hierdie veld, en het al van dié toerusting gepatenteer. Marius waarvoor die masjinerie ingespan word.

Adri Botha praat Suid-Afrika se grondboonbedryf, en die uitdagings wat ervaar word met produkte wat herroep word.