Driesestig

Dr. Wentzel Coetzer praat oor die behoefte aan bewaring van die Kabeljous- en Papiesfonteingebiede se biodiversiteit en kulturele erfenis vir Khoisangroepe.

‘n Amerikaanse man het 50 vroue hof toe gesleep nadat hulle op ‘n Facebookblad sy gedrag op romantiese afsprake veroordeel het.

Dawie Botha vertel in SO IS DIE LAND GEBOU van die Gariepdam se geboë vorm en die kinetiese kragte.

Melinda Botha vertel hoe Deafways die gaping tussen horende en dowe mense oorbrug - van gebaretaaltolke tot werksgeleenthede vir dowes.

Baie mense glo dat entrepreneurskap slegs vir diegene in hulle twintigs of dertigs is. As jy ouers as veertig is, is dit maklik om te glo dat jy te oud is. Magriet Groenewald, ’n sosialemedia-bemarkingspesialis, sê niks is verder van die waarheid af nie. Sy verklap aan Haidee Muller-Isaacs hoe jy op enige ouderdom aanlyn ’n ekstra inkomste kan verdien.

Twee Amerikaners het ‘n klasaksie begin teen die Franse vervaardiger van luukse goedere, Hermès. Hulle klagte is teen die manier hoe kliënte toegang kry tot hulle eksklusiewe Birkin-handsakke.

Dr. Rudi Swart vertel van sy navorsing oor die insekte wat die Knysnabos se bome bestuif. Hy moes leer om professioneel boom te klim met ingevoerde toerusting, om bo by die bome se blomme uit te kom.

Annemarie Smith, ‘n Suid-Afrikaner wat in Houston in Texas woon, vertel vir Martelize Brink van die opwinding daar oor die sonsverduistering, en hoe Amerikaners die geleentheid vier.

‘n Gonswoord tussen argitekte en kunstenaars in hulle werk en ontwerp, is fleksieruimtes. Johan Rademan hoor by Evert Esterhuizen, ‘n kunstenaar én argitek, wat dit is.

Joernalis Elise Tempelhoff praat oor voorgestelde wetgewing oor die biodiversiteitsekonomie. Sy bevraagteken dat kommersialisering biodiversiteit kan beskerm.

Tsjetsjnië het ‘n nuwe wet wat bepaal dat musiek se tempo tussen 80 en 116 slae per minuut móét wees. Musikante het tot 1 Junie om hulle musiek te verwerk om aan die nuwe bepaling te voldoen, anders mag dit nie in openbare ruimtes uitgevoer word nie.

Eintlik moet die rooi mat ver uitgerol, en palmtakke geswaai word vir al die pasassiers wat met elke plesierboot die Baai binnekom. Sodra hulle voet aan wal sit, begin die ekonomiese wiele sterk draai in ’n streek wat dit baie nodig het. Dit skep sommer ’n karnavalgees, sê Alan Foggerty, ‘n Oos-Kaapse toeroperateur.

Koshistorikus Hetta van Deventer-Terblanche praat oor sout.

‘n Italiaanse eiland het ’n oorbevolking van bokke, en gee mense nou die kans om hulle aan te neem. Jy kan aansoek doen om tot 50 bokke te vang, op ‘n boot te laai, en weg te neem van die eiland af.

Johannes de Villiers praat oor die rol en voordele van stilte in jou lewe.

Haidee Muller-Isaacs gesels met Rene Arendse oor die Afrikaans-100-veldtog, en haar passie vir die taal. Rene het in Distrik Ses grootgeword waar haar pa 'n Afrikaans-onderwyser was.

‘n Franse paartjie is in die moeilikheid omdat hulle 159 katte en 7 honde aangehou het in ‘n 80 vierkante meter woonstel. Hulle lei aan Noag-sindroom, die opgaar van diere sonder om noodwendig die vermoë te hê om vir die diere te kan sorg.

Prof. Helmuth Reuter verduidelik wat sintetiese pynstillers is, en wys op die gevare van hierdie middels. Brittanje het onlangs die vervaardiging van 15 van hierdie middels verbied.

Haidee Muller-Isaacs gesels met sakeman Johan Breunissen oor sy grootworddae op Robbeneiland, en sy pa vir wie hy groot bewondering gekoester het.

Twee Ierse basketbalspanne moet die laaste 0,3 sekondes van hulle kwarteindwedstryd oor speel ná ‘n dispuut. Dit moet vandeesweek gebeur om te bepaal wie deurgaan na die halfeindstryd.

Dawie Botha vertel vir Martelize Brink in SO IS DIE LAND GEBOU van die Oranje-Visriviertonnel. Op sy dag was dié 82,45 kilometer lange tonnel die langste van sy soort ter wêreld.

‘n Beeldhouer en kunstenaar van Nelson Mandelabaai, Michael Barry, glo dat kuns wat op ’n spesifieke plek in ’n gemeenskap uitgestal of opgerig word, ’n deel van daardie plek se plaaslike geskiedenis moet vertel. Mariska Spoormaker het met hom by een sy kunswerke, die Vissersmanskruis, in Suideinde gesels.

Dr. Berte van der Watt vertel dat die nagevolge van traumatiese ervarings van ontluikende volwassenes van 18 tot 25 jaar ná verbrokkelde liefdesverhoudings, soortgelyk is aan dié wat ná fisieke of seksuele aanranding gesien word.

‘n Man het die graf langs dié van Marilyn Monroe vir $195 000 gekoop. Hugh Hefner lê aan die ander kant langs haar.

Prof. Sjirk Geerts vertel van die Ingcungcu-projek wat suikerbekkies se migrasieroete tussen die Tafelberg Nasionale Park en die Bolandse berge herstel, met behulp van Kaapse Vlakte-skole en hulle tuine.