Driesestig

Prof. Anna-Marie Jansen van Vuuren vertel van die eerste internasionale konferensie oor kunsaktivisme, wat binnekort op plaaslike bodem plaasvind.

‘n Skeepshouer vol Lego is 27 jaar gelede oorboord. Daar was onder meer 52 800 Legohaaie in die houer. Die eerste een is in ‘n visnet gevang, en vorm nou deel van die Lego Lost at Sea-projek.

Elsa Basson word die buffel-momager genoem by die Zandam Cheese kaasplaas naby Durbanville. Sy vertel vir Haidee Muller-Isaacs van die trop waterbuffels wat soos haar kinders is. Elkeen het sy eie persoonlikheid en manier van liefde betoon.

Koshistorikus Hetta van Deventer-Terblanche praat in Vrouemaand oor vroue in die speserybedryf. Sy vertel van die legendariese Zuleikha Mayat.

‘n Jaar nadat die Baai se geliefde pienk fisioterapeut, Marolien Schmidt, op Vrouedag in haar huis vermoor is, praat haar ma, Sineke Schmidt, met Mariska Spoormaker oor die tragiese voorval en die verandering wat sy hoop Vrouedag kan bring om die Suid-Afrikaanse vrou veilig te laat voel.

‘n Onderneming in China het in ‘n werksadvertensie spesifiseer dat mense wat in die Jaar van die Hond gebore is, nie moet aansoek doen nie. Die hoof van die onderneming is in die Jaar van die Draak gebore, en volgens Chinese astrologie is daar ‘n konflik tussen die Draak en die Hond.

Johan Rademan ontdek ‘n paar geheime van Deon Fourie, die Springbokrugbyspeler wat op 35-jarige ouderdom die oudste debutant in die Groen-en-Goud geword het.

Antia van der Westhuizen vertel van Cyclone, die Boran-bul, wat vir 'n Suid-Afrikaanse rekord van R8 miljoen verkoop is.

Dr. Ria Smit vertel wat ‘n dokter kan doen om jou jonk te laat lyk, soos Botulinumtoksien-inspuitings.

Australië stel binnekort 1 Dollar Bluey-munte bekend vir normale sirkulasie. Die munte is opgedra aan die kindertelevisiereeks, Bluey. ‘n Half ton van die munte is egter gesteel en aanlyn verkoop voor dit nog bekendgestel is.

Martelize Brink gesels met Elana Meyer kort ná haar terugkeer van die Olimpiese Spele in Parys.

Vanessa Hendrickse is ’n skoolassistent, wat laat in haar lewe begin dansklasse bywoon het. Sy het intussen al 'n paar trofees gewen. Sy sê ‘n mens is nooit te oud om te leer nie. Dans laat haar fiks bly in haar vyftigs, en nou is sy eers vuur en vlam, vertel sy vir Haidee Muller-Isaacs.

Grant Forbes vertel van die wêreld se eerste Renosterveld-toep wat mense help om plante en diere van die kritiek bedreigde Renosterveld te identifiseer.

Scott King het 39 jaar gelede ‘n kaartjie vir gratis toegang tot Disneyland gewen. Sy dogter het geen probleem gehad om dit na al die jare te gebruik nie.

Cheney Collins vertel van haar belewenis van Oslo, Noorweë, waar sy al sowat twee jaar woon.

Tiaan van Deventer vertel vir Martelize Brink van ‘n camera obscura. By Burning Man het hy een van byna 100 vierkante meter opgestel.

Dolce&Gabbana het ‘n nuwe parfuum bekend gestel. Fefé, teen $109 vir 100 ml, is nie vir mense nie, dis vir honde.

Veearts dr. Liesl de Swardt praat oor die impak van geraasbesoedeling op diere, vertel watter geluide honde die meeste pla.

Die sluiting van een van die Oos-Kaap se oudste vrywilligergroepe vir die ondersteuning van natuurbewaring, Friends of the Baviaans Wilderness Area (FOBWA), wek groot kommer onder bewaringsbewustes. Mariska Spoormaker praat hieroor met Japie Buckle, een van die stigterslede van FOBWA.

Johannes Uys vertel vir Martelize Brink van die Alwyn Vintcent, Suid-Afrika se laaste stoomsleepboot wat op Villiersdorp te sien is.

In Duitsland kan ‘n dokter spavakansie van 4 weke voorskryf om uitbranding te voorkom, en die mediese fondse betaal daarvoor! Enkelouers se kinders kan saam gaan.

Sport speel só ‘n belangrike rol in ons samelewing dat die moderne Olimpiese Spele ook op talle Suid-Afrikaanse munte uitgebeeld is. Johan Rademan praat hieroor met Pierre Nortjé van die Numismatiese Vereniging van die Wes-Kaap.

Koshistorikus Hetta van Deventer-Terblanche praat oor die speserye wat in Franse kookkuns gebruik word.

Die Blitsbokke se afrigter, Philip Snyman, en voorspeler, Ryan Oosthuizen, vertel vir Martelize Brink van die bronsmedalje wat hulle by die Olimpiese Spele gewen het.

‘n Vrou in Engeland is vas ná £500 000 se winkeldiefstal!