Driesestig

Bertie Coetzee vertel van sy organiese en regeneratiewe boerdery op Prieska. Hy gesels ook oor musiek en sy groep Zinkplaat, wat na jare weer opgetree het.

‘n Versekeraar in die VSA het jaarliks ‘n toekenning vir die vreemdste troeteldierversekeringseis.

Wiaan Visser vertel van sy lewe in Wene, Oostenryk, die onlangse vloede in die land en die Taylor Swift-konsert wat gekanselleer is.

In April vanjaar is die eerste geval van bek-en-klouseer in die Humansdorp-omgewing in die Oos-Kaap gediagnoseer. In Julie het die Kouga-munisipaliteit dit as 'n ekonomiese ramptoestand verklaar. Dit strek egter verder as geldelike verliese, want op emosionele vlak word die boere en gemeenskap erg deur die ramp geraak. ’n Plaaslike veearts, dr. Pieter Jansen van Vuuren, het met Mariska Spoormaker...

Prof. Karin Jacobs praat oor die impak van klimaatsverandering op mikrobes, en hoe dit ingespan kan word om klimaatsverandering teë te werk.

Wences Palau Fernandez van Barcelona se versameling van 3 615 selfone is die grootste ter wêreld.

Faansie Peacock vertel vir Martelize Brink van die wêreld van voëlgeluide, en hoe om voëls met nuwe ore te leer sien.

Petro Isaacs het 'n hart van goud. Desjare het sy haar roeping as verpleegster misgeloop, maar dit het haar oor die jare heen nie gekeer om in te gryp as daar siekte in haar binnekring was nie. Haidee Muller-Isaacs het by haar gaan kuier.

Dr. Mienke Fouché vertel hoe kuns as kragdadige hulpmiddel gebruik word om geslagsgebaseerde geweld en vrouemoord aan te pak.

Dublin se dieretuin het 30 nuwe ma’s gevra om te help om ’n oerangoetang-ma wat sukkel, te wys hoe om haar kleintjie te borsvoed.

Haidee Muller-Isaacs vind meer uit oor Cornelia Faasen, die hoof van die Nasionale Afrikaanse Teaterinisiatief (NATi), en haar passie om geleenthede vir die jeug op die platteland te skep.

Koshistorikus Hetta van Deventer-Terblanche praat in Vrouemaand oor vroue in die speserybedryf. Sy vertel Elizabeth Dijkman, skrywer van Suid-Afrika se eerste resepteboek.

‘n Wagarea vir selfbestuurtaxi’s het inwoners van San Francisco omgekrap toe die taxi’s vir mekaar begin toet as hul te aan mekaar kom. Veral om vier uur die oggend wil almal gelyk na hulle herlaaifasiliteit gaan. Daar is ’n YouTube-stroom waar jy die petalje kan dophou.

Dallas Oberholzer vertel vir Martelize Brink van sy ervaring as 49-jarige skaatsplankryer, wat by die Olimpiese Spele sy persoonlike beste punt nog gekry het.

Meer as 60 motorvoertuigkapings per dag, 2 000 per maand. Sleutellose toegang is nou ‘n spoggerige luukse van nuwe motors, maar Richard Brussow, ‘n voormalige polisieman, wat in anti-kaping spesialiseer, waarsku hieroor.

Dr. Ria Smit praat oor gevorderde velbehandelings by ’n dokter, soos vullers en biostimulators.

‘n Straatveër in Engeland se werkgewer het gesê hy mag nie ‘n skenking van sowat £3000 van die gemeenskap aanvaar vir ‘n vakansie in Portugal nie. Toe reik ‘n reisagentskap ‘n kompetisie met ‘n £3000 vakansie na Portugal as prys uit. Die reëls is egter so spesifiek opgestel dat net die straatveër dit kon wen.

Die Durbanville Moedergemeente word in 2026 twee eeue oud. Dr. Jurie Joubert is besig om die publikasies van die afgelope 200 jaar na te vors, en hy gaan daaroor skryf. Hy vertel vir Haidee Muller-Isaacs van die proses en die uitdagings daarvan.

Prof. Deon Tustin vertel van die Buro vir Marknavorsing se bevindinge oor aanlyntamheid.

‘n Nieu-Seelandse liefdadigheidsorganisasie het ‘n anonieme skenking van lekkers. Nadat dit as deel van kospakkies versprei is, het hulle agtergekom dis eindlik die dwelm, metamfetamien, wat in dodelike dosisse in die lekkergoedpapiere toegedraai is.

Johan Schoeman vertel van sy lewe in Taipei, die hoofstad van Taiwan. Hy woon al 20 jaar daar.

Arbeidsregkenner Stephanie Cilliers praat oor huishoudelike werkgewers se verantwoordelikheid ingevolge die Wet op Vergoeding vir Beroepsbeserings en -Siektes, as dit kom by beserings en aansteeklike siektes.

‘n Vrou in Amerika is vas nadat sy tydens die Covidpandemie $1,5 miljoen se hoendervlerkies by ‘n studentevoedingskema gesteel het.

Dr. Liesl de Swardt praat oor jaghonde se gehoor, en hoe die impak van geraas daarop bestuur kan word.

Op 'n perseel waar eers 'n skool gebou sou word, het Roja van Sea Vista-township, ‘n kwekerytjie aan die gang gekry. Mariska Spoormaker loer in waar Roja die groen afval van St. Francisbaai se tuindienste verwelkom, want hy meng dit met beesmis om sy gesogte kompos te maak.