Driesestig

Zelma Basson verduidelik wat Boccia, ‘n sport vir gestremdes, behels.

Hoe gemaak as jy dink jy word deur ‘n ander motor agtervolg. Johan Rademan het hieroor gepraat met Richard Brussow van die National Hijack Prevention Academy.

Fisioterapeut Lizanne Tucker praat oor beendigtheid en soepelheid van die ruggraat.

In Liverpool se sakekern word daar op een van die vloere van ‘n gebou met slakke geboer, maar die hof sê dis net ‘n manier om met ‘n landboupraktyk die belasting wat op die gebou betaal moet word, te verminder.

Eugenie-May Botha vertel vir Martelize Brink van die verskillende katogorieë waarin vroue aan liggaamsboukompetisies deelneem. Sy is deel van die Proteaspan wat in Oktober aan die wêreldkampioenskap in Litaue gaan deelneem.

Publisiteitsghoeroe Wilmer Muller vertel vir Haidee Muller-Isaacs van die nalatenskap van sy geliefde ma, Dalene, wat groot spore in die mediawêreld getrap het. As Afrikaanse taalspesialis het sy ma ’n blywende impak op hoe die media vandag nog met die taal omgaan.

Die Olimpiese medaljewenners is op verskillende maniere vir hulle prestasies vergoed. Atlete het van diamante en huise, tot dragtige koeie, lewenslange gratis treinkaartjies en kolonoskopieë ontvang.

Gerhard Vermaak vertel hoe landbouers bakterieë, eerder as chemie, inspan om stikstof in die grond te kry, en peste te beheer.

Danny Jansen het die eerste MLB-bofbalspeler in Amerika geword om beide spanne in een wedstryd te verteenwoordig. Reën het die wedstryd tussen die Toronto Blue Jays die Boston Red Sox onderbreek, en dit is eers 65 dae later voltooi. Intussen het Danny die Blue Jays verlaat en by die Red Sox aangesluit.

Dr. Martine Jordaan vertel vir Martelize Brink van varswatervisse wat uniek is aan die Wes-Kaap. Ongelukkig is varswatervisse die mees bedreigde dieregroup is Suid-Afrika.

Op die private wildplaas, Lombardini, buite Jeffreysbaai het Mariska Spoormaker gaan kyk of dit regtig waar is dat daar ‘n veldwagter is wat wilde renosters kan nader roep. Toe beleef sy self die unieke interaksie tussen die 25-jarige Justin Terblanche en die renosters, wat hy sy kinders noem.

‘n Inbreker in Rome is vas toe hy tydens ‘n inbraak verdiep geraak het in sy slagoffer se boek oor Griekse mitologie.

Op 'n Donderdagmiddag so skuins voor twee het Mariska Spoormaker haar verkyk aan die baie township-honde, wat stert in die lug padlangs draf na 'n leë perseel in St. Francisbaai se nywerheidsgebied. 'n Entjie verder het die meer gedweës, aan ’n leiband, met hulle mensemaats al in ‘n lang ry gestaan en wag. Mariska het stilgehou en gaan hoor wat gaan aan.

Koshistorikus Hetta van Deventer-Terblanche praat oor oumas en kaneel, en deel herhinneringe aan die gebruik van kaneel.  

Starbucks se nuwe bestuurshoof gaan pendel tussen sy huis in Kalifornië en die werk in Seattle, Washington. Dit is 1 600 km met die werk se vliegtuig.

Jakub Mercik vertel hoe dit gebeur het dat hy Afrikaans in Pole studeer het, en hoe hy sy eerste besoek aan Suid-Afrika ervaar.

Nie-geoutomatiseerde hekke en deure en motorhuisdeure skep gevaarlike ruimtes vir bestuurders wanneer hulle die motor moet verlaat. Wat doen jy byvoorbeeld met die motorsleutel. Richard Brussow van die National Hijack Prevention Academy gee raad.

Fisioterapeut Lizanne Tucker praat oor gewrigte, en wat jy kan doen om oor die langtermyn mobiel te bly.

Die Franse akteur Alain Delon wat onlangs oorlede is, se familie het besluit om nié aan sy versoek te voldoen om sy gunsteling hond saam met hom te begrawe nie.

Jayden Dickson praat oor sy aanslag tot die verhoog as akteur, sanger en danser.

Haidee Muller-Isaacs gesels met oom Stephen Isaacs van Malmesbury, oor sy herinneringe van die Swartland en wat hy alles desjare gedoen het om die pot aan die kook te hou.

Bertie Coetzee vertel van sy organiese en regeneratiewe boerdery op Prieska. Hy gesels ook oor musiek en sy groep Zinkplaat, wat na jare weer opgetree het.

‘n Versekeraar in die VSA het jaarliks ‘n toekenning vir die vreemdste troeteldierversekeringseis.

Wiaan Visser vertel van sy lewe in Wene, Oostenryk, die onlangse vloede in die land en die Taylor Swift-konsert wat gekanselleer is.

In April vanjaar is die eerste geval van bek-en-klouseer in die Humansdorp-omgewing in die Oos-Kaap gediagnoseer. In Julie het die Kouga-munisipaliteit dit as 'n ekonomiese ramptoestand verklaar. Dit strek egter verder as geldelike verliese, want op emosionele vlak word die boere en gemeenskap erg deur die ramp geraak. ’n Plaaslike veearts, dr. Pieter Jansen van Vuuren, het met Mariska Spoormaker...