Driesestig

Theunis Strydom vertel van sy pad met Capitec as kliënt, en die proses om sy nuwe boek, Capitec: Stryd met die grotes, te skryf.

Pietman Geldenhuys vertel hoe hy nugter ‘n dronkrol aangepak het, en hoe hy sy kreatiewe idees op die pad vasvang.

Annerie Senekal vertel van die botaniese kuns- en fotografie-uitstalling wat vanjaar te sien is by die Stellenbosch Universiteit Botaniese Tuin.

Antoinette Kellermann en Chris van Niekerk gesels oor die uitdagings wat die tragikomedie, Die Stoele, bied en hoe hulle mekaar se vangnet is op die verhoog.

Babette Viljoen en Olga Leonard vertel vir Martelize Brink en Johan Rademan van hulle woordkunsproduksie met gedigtoonsettings, vertellings en film oor die werk van Olga Kirsch.

Isabella Niehaus en Louis Jansen van Vuuren vertel van hul vegan-kookboek, Skepselkos, en hoe hul oor twee vastelande te werk gegaan het om die opvolg van hulle 2023 Gourmand World Cookbook Awards wenboek, Daar’s ‘n Vegan op my Verandah, saam te stel.

Frieda van den Heever gesels oor haar ervaring met die dood, en die invloed wat dit op haar werk het. Sy praat oor musiek, haar album, Spoorsny, en die digbundel, Die lewe is ‘n asem lank.

Ilse Schwemer gesels oor die kuns wat te sien is by die Toyota US Woordfees, die IsArt-ateljee op Blaauwklippen, en ateljeebesoeke.

Marie Stander vertel van haar werk met houtskool, en haar portretwerksessie in houtskool wat sy aanbied.

Beer Adriaanse gesels oor sy ervaring van die Woordfees oor jare, werk saam met Marthinus Basson, en die toneelstuk, Kruispad, of Die Legend van die Goue Vis, waarin hy te sien is.

Christof Berg vertel van grootword op ’n soutplaas, en toer oor die wêreld se verhoë. Hy gesels ook oor sy produksie, Verhale van ‘n Nomade: Die storie van Andries de Lange.

Kyla Jacobs, Lisha van Onselin en Francois Fouché gesels oor die Dagbreek-straatmyl, waar die twee vroue SA-landloopatlete verlede jaar eerste en tweede gekom het.

Wynmakers Narina Cloete, Danie Steytler en Shawn Mathyse vertel van die Woordfees-wynskool waar deelnemers hulle kennis kan verdiep oor Cap Classique, Chenin Blanc en Pinotage.

Mel Botes gesels oor sy musiekloopbaan en sy Dans in die weerlig-produksie by die Toyota US Woordfees.

Hanlé Hill vertel van die Dylan Lewis-beeldetuin, waar sy toere tussen die bronsbeelde begelei.

Jak de Priester gesels oor sy projekte en die Koppieteefontein-produksie saam met Antoinette Pienaar by vanjaar se Toyota US Woordfees. Antoinette Pienaar gesels land en sand oor Koppieteefontein en die wysheid van Theefontein.

Ingrid Howard vertel vir Martelize Brink en Johan Rademan van haar wedervaringe as eienaar van die Drostdyteater, wat byna 10 jaar oud is.

Anrich Herbst en Xtine vertel hoe hulle hul talente saamgooi op die verhoog en by ander projekte. By die Woordfees is beide te sien in 8 Misses Croon Sing, en Anrich is te sien in Roem: ‘n Musiekverhaal.

Anina Lundie, Kobus Burger en Junior Khumalo praat oor die Proscenium-dramakompetisie en jeugteater waar leerders in aksie gesien kan word.

Miché van Wyk en René Cloete vertel van hulle produksie Suurdeeg. Miché vertel ook hoe sy met Danneline Ramsden werk in Skatkis Vol Stories en die kinderteater, Pampoenpit se groen gevoel.

Lize Beekman gesels oor haar pad met musiek. Sy vertel hoe sy haar eerstens as liedjieskrywer sien, en hoe sy die geleentheid gekry het om haar in ander vorme van kuns uit te druk.

Adri Smit vertel stories van die Vergete Grootpad, en die Bossie Goud-skattejag.

Barbara Joubert praat oor kook met vinkel.

Die negentigs se Tamagotchi-gier is weer hier. Anders as die ou weergawe van die elektroniese troeteldier, hoef die nuwes darem nie te sterf as dit ‘n halfdag sonder aandag is nie.

Haidee Muller-Isaacs het Mina Conradie op Heidelberg raakgeloop. Mina is al jare lank 'n groot RSG-aanhanger. Dis nou sewe jaar na haar kankerstryd, en met Mina gaan dit baie goed. Op Heidelberg is sy bekend vir haar heerlike gebak. Sy vertel vir Haidee van haar dankbaarheid.