Driesestig

Haidee Muller-Isaacs het ná die onlangse Engelbert Humperdinck-konsert in Kaapstad met Caroline Joemath gesels. Sy is een van die luisteraars wat kaartjies op RSG gewen het. Caroline vertel van haar kankerstryd en hoe haar oorlede man altyd Engelbert-liedjies vir haar gesing het.

Ruan Vermaak praat oor die belangrikheid van brandveiligheid in huise, en gee ‘n paar praktiese wenke.

Singapoer se Voedselagentskap het ‘n lys van 16 goedgekeurde insekspesies vir menslike gebruik bekendgemaak. Van nou af mag hulle sekere sprinkane, krieke, bye, motte, renosterkewers en sywurms as kos invoer.

Louis Wessels praat oor die bek-en-klouseer-uitdagings en die stappe wat gedoen word om die Wes-Kaap se bek-en-klouseer-vryestatus te handhaaf.

Sjef Matthew Dreyden vertel vir Martelize Brink van sy studies, en hoe hy self planne maak om sy voet in die deur te kry in die bedryf.

Phillip Harmse praat oor die vaardigheidslandskap in Suid-Afrika en die soort opleiding wat in aanvraag is in die ekonomie.

In die VSA is daar ‘n paar state waar jy deesdae ammunisie by muntmasjiene in die supermark kan koop.

Prof. Wynand Steyn vertel hoe padtoestand-metingsvoertuie ingespan word om te bepaal wanneer onderhoud aan paaie gedoen moet word.

Koshistorikus Hetta van Deventer-Terblanche vertel van die speserye wat gebruik word in warm teedrankies.

Kenza Layli van Marokko is gekroon as die eerste Mej. Kunsmatige Intelligensie. Sy het die skeppings van 1 500 KI-skeppers uitgestof.

In elke gebou se boustyl is daar ‘n storie. Die Kaap-Hollandse gewel mag dalk eerder ‘n Kaap-Duitse gewel wees. En die koms van die sinkplaat het tot ‘n groot mate die gewel laat sneuwel. Johan Rademan het by Nikita van Zyl, ‘n argitek van Wellington, gaan hoor wat die storie is.

Dieetkundige Retha Harmse praat oor die impak wat jou dieet op veroudering het.

Prof. Johan Fourie praat op Wêreld Bevolkingsdag oor die aantal mense op aarde.

‘n Switserse sakeman eis $6,8 miljoen van British Airways ná ’n gly-en-val-voorval op Heathrowlughawe in 2017.

Martelize Brink gesels met Annelize Gericke in Kaïro. Sy is ‘n reisterapeut vir ‘n prinses. Oor die prinses mag sy nie baie sê nie, maar sy vertel van die BBP-leefstyl wat sy regoor die wêreld ervaar.

Hildegard Havenga is 'n 15-jarige tienermeisie van Pretoria. Sy is 'n stem vir die jeug en ‘n tienerrolmodel. Sy gesels oor verhoudings tussen ouers en tieners, hoe om mekaar beter te verstaan, te kommunikeer en die verhouding te verbeter.

China het die afgelope Saterdag die wêreld se grootste binneshuise sneeu- en ys- temapark in Harbin geopen.

May Hadlow vertel van die lewe in Skotland.

Die kuns van die gebruik van hout in wyn, hang van die kunstenaar, of wynmaker, af. Die prys van hout met die wisselkoers is ‘n duur kommoditeit, maar die leeftyd van die wynvate kan met die gebruik van stoom gerek word, volgens Pitniel Coetzee, wat vier maande lank in Kalifornië wynmaak studeer het.

Kopenhagen het ‘n projek om toerisme groener te kry. Só kan jy beloon word om rommel op te tel, fiets te ry of van openbare vervoer gebruik te maak. Op die spel is kos, wyn, koffie of die gebruik van ‘n kajak.

Veearts dr. Ingrid de Wet praat oor sommige katte se reaksie op kattekruid.

Sanja Steyn doen uithouwedlope om geld in te samel vir weeskinders in Zimbabwe, waar haar ouers sendlinge was.

Nora Thiel van Delheim vertel vir Martelize Brink hoe om ‘n behoorlike kaasfondue te maak.

Colorado Springs se brandweer het ‘n video aanlyn geplaas van ‘n nuuskierige hond, ‘n bokser, wat ‘n stoofplaat aangesit en ‘n brand laat ontstaan het.

Wildsvleiskenner Lise Beyers gesels oor speserye vir wildsvleisgeregte.