Driesestig

‘n Man van Australië is tot vier jaar tronkstraf gevonnis nadat hy sy gesin na Soedan geneem het vir vakansie, maar toe teruggevlieg het met sy vrou en kinders se paspoort. Hy het haar net daar gelos.

Marli Coetzee vertel van die lewe in Suid-Korea, waar sy sedert 2019 Engels-klasse gee.

Haidee Muller-Isaacs praat met Frankford Williams oor sy betrokkenheid by 'n verskeidenheid organisasies wat blindes en gestremdes dien. Frankford is voorsitter van Blind

Nicolene Dreyer vertel vir Martelize Brink van Kalahari-rooiklei en Kaapse witklei, wat in skoonheidsprodukte gebruik word.

Vier studente se nagtelike fietsrit na ‘n dorpie 50 km weg, het ’n sosialemedia-sensasie veroorsaak. Vrydagaand het tussen 100 000 200 000 jong mense per fiets die rit aangepak, en die owerhede onrustig gemaak.

Martelize Brink besoek Earl White van die Butterfly Sanctuary op Mosselbaai. Hy verduidelik hoe hulle met skoenlappers teel, om bevolkings te versterk, en van die interessante wisselwerking tussen skoenlappers, plante en insekte.

Krimpende leerdergetalle en begrotingsdruk het die afgelope paar jaar talle plaasskole laat sluit. Beulah Primêr tussen die Baviaanskloof- en Klein Winterhoekberge is een van die skole wat moes sluit. Anine Rathbone, voormalige hoof, sê ’n plaasskool is ’n gemeenskapshart, daarom is die sluitings daarvan so ’n hartseer saak.

’n Amerikaanse man het aspris in ‘n ander voertuig vasgery, en gesê dit was ‘n ongeluk. Videomateriaal van ‘n aanboordkamera op die slagoffer se motor, vertel egter ‘n ander storie op sosiale media.

Aartjie na sy vaartjie. Soos pa Jurgens Schoeman van LiveTheJourney, is sy seun, Jurgie, ook ‘n avonturier wat deesdae op die Vietnamese platteland woon. Daar het hy ‘n huis gebou, die taal aangeleer, ‘n sokkerspan begin en word hy selfs genooi om by troues te gaan sing. Hy vertel wat jy moet doen om in die land, vyf maal kleiner as Suid-Afrika, te integreer.

Koshistorikus Hetta van Deventer-Terblanche praat oor kook met tuinsurings.

‘n Britse pa het ‘n trougeselskap aan die lag gehad toe hy die paadjie afgestap, maar vergeet het om sy dogter, die bruid, saam te vat!

Die Van Reede-trompoppies het hulle plek in die geskiedenis bevestig met 'n onvergeetlike vertoning by die MWF-wêreldkampioenskappe, gevolg deur hulle triomf by die Trompoppies- en rasieleiersvereniging se nasionale kampioenskappe. Haidee Muller-Isaacs het op Oudtshoorn by hulle gaan kuier.

Dr. Chrisna Keyser praat oor die sjirurgiese opsies in die behandeling van haarverlies. Ons hoor ook hoe hare reageer ná inplantings.

Taiwan het die wêreld se enigste roomyswinkel met ‘n Michelinster. Geregte word daar teen verskillende temperature bedien, van 0 grade Celsius tot -196 grade Celsius.

Martin Viljoen gesels oor sy werk as mediabestuurder by Stellenbosch Universiteit.

Sy kan skaars oor die stuurwiel kyk, só klein is sy, maar niks klink vir Rhona Africa mooier as die brul van haar blou 1985 Ford Cortina drie liter bakkie nie. Mariska Spoormaker het dié storie anderkant die Baviaanskloofberge raakgetrap tydens die Baviaans Fietstoer.

Die 36 jarig Luke Durant het ‘n nuwe priemgetal ontdek. ‘n Priemgetal is een wat net deur homself en een gedeel kan word, soos 2, 3, 5, 7 en 11. Hulle noem Luke se getal M136279841, en dit bestaan uit 41 024 320 syfers!

Nico Collins vertel van die lewe in Noord-Dakota in die VSA.

Wat het die Engelse in die jare 30 en 40 op Oudtshoorn gemaak? Haidee Muller-Isaacs hoor by Johan Breunnisen hiervan, en ook van die gewilde Herrie-koerantjie wat al 30 jaar aan die gang is.

Rochelle Coetzee praat oor medisinale sampioene, en Aether Apothocary wat met goud bekroon is by die Eco-Logic-toekennings.

In Italië verkoop hul nou lug wat geblik is by Meer Como, as aandenking vir toeriste.

Dr. Caroline Lotter vertel van Suid-Afrika se verskillende vlermuise.

Noudat die robotika- en kodering-kurrikulum aanvaar is, en teen 2026 uitgerol sal word in die grondslagfase, het Louise Greyling, ‘n onderwyseres van die Baai, die lesplanne vir skoliere in die grondslagfase opgestel. Deur die bemiddeling van Tangible Africa word dit gratis aan skole beskikbaar gestel, en onderwysersopleiding het reeds begin. Mariska Spoormaker het meer by Louise gaan uitvind.

Asaka Kanda van Tokio het ‘n Hello Kitty-versameling van meer as 10 000 items. Hello Kitty is vandeesmaand 50 jaar oud.

Mariska Spoormaker vertel die storie van Bash, die skaaphond, wat uit sy erf in die Baai gesteel is. Hy het daarna drie jaar ‘n moeilike lewe aan ‘n ketting op Addo gehad. Hy is gered, en is nou pure werkende skaaphond op Ernie Deyzel se Karooplaas.