Driesestig

Die vlieëplak en spuitgif is van die maniere om van lastige vlieë ontslae te raak, maar hoeveel mense is bewus van ’n klein swart wesp wat ’n vlieg se moses kan wees? Nagenoeg 20 jaar lank word dié wesp naby die Gamtoosriviermond in die Oos-Kaap geteel. Mariska Spoormaker het soontoe gery om meer te gaan uitvind by dr. Arno Moore van Bio-Insectaries South Africa.

Elke Brink van PSG Wealth R21 op Stellenbosch praat oor die belastingvoordele van Artikel 10C.

‘n Skildery wat tydens ‘n huisskoonmaak in Minnesota vir $50 verkoop is, is volgens kenners ‘n ware Van Gogh.

Haidee Muller-Isaacs en haar gesin het gaan druiwe pluk op die Klipheuwelplaas in die Hexriviervallei. Mara Le Roux het haar meer vertel oor hoe wit werk. Sy vind oor meer uit van die druiwekuur.

Koshistorikus Hetta van Deventer-Terblanche vertel van ají amarillo, ‘n rissie uit Suid-Amerika, wat aangewys is as die smaak wat jy in 2025 moet raak proe.

In Nieu Seeland is ‘n wet deurgevoer wat ‘n berg die regte van ‘n persoon gee. Dit is gedoen in erkenning van die land se eerste inwoners se beskouing dat die berg lewe, en ‘n voorsaat van hulle nasie is. In 2014 het ‘n woud dieselfde status gekry, en toe ‘n rivier in 2017.

Luzaan Preston vertel vir Martelize Brink van die Drostdy Hotel op Graaff-Reinet, en die uitdagings om ‘n onderneming te bedryf in ‘n nasionale monument.

Marius Coetzee vertel vir Martelize Brink van die Vyfde Liesbeth Schlumberger Orrelstoel, die Marcussen-orrel by die Universiteit Vrystaat wat herstel, is en die internasionale orreliste wat daar te hoor is.

Dieetkundige Valpré Huisamen praat oor aanvullings wat help met slaap, en die risiko’s verbonde aan die gebruik daarvan.

Wallis se ambulansdiens het ‘n lys bekend gemaak van vreemde oproepe wat hulle in 2024 ontvang het. Dit sluit in van ‘n vinger wat vassit in ’n bierbottel, tot ‘n troetel alligator wat ontsnap het.

Marianne Thamm gesels oor haar ervaring van die wêreld as ondersoekende joernalis, en hoe sy dít wat vir haar snaaks aan die wêreld is, verhoog toe neem as satiriese komediant.

Edrees Alexander vertel vir Martelize Brink van Star College Bridgetown op die Kaapse Vlakte. Die skool het afgelope 25 jaar 100 % matriekslaagsyfer. Tans is die skool nommer 4 in die land, met 3,375 onderskeidings per matriekleerder.

‘n Man in Maleisïe bied sy dienste aan om jou soos ‘n held te laat lyk. Hy sal jou metgesel teister, en dan kom jy tot die redding en verwilder hom vol brawade.

Jannie Fourie vertel vir Martelize Brink van die lewe in Suid-Soedan, waar hy die parkbestuurder is by die Boma Nasionale Park.

Tot haar aftrede het Carol Jantjies onder meer in die spysenieringsbedryf gewerk, maar stilsit in die pensioenjare was nie vir haar nie. Sy maak toe ‘n koskafee op Thornhill oop. Dít het haar oë oopgemaak vir die groot aantal kinders wat nie skool toe gaan nie, en boonop honger is. Soveel só dat sy bekend geword het as Aunty Care. Mariska Spoormaker het by haar gaan kuier.

New York-stad oorweeg tans wetgewing, wat mense sal toelaat om betaalde siekteverlof te neem om na hulle troeteldiere om te sien.

Veearts dr. Ingrid de Wet beantwoord luisteraars se vrae oor hulle troeteldiere.

Duin in die weg, 70 km stroomop van Upington, het ‘n wonderlike suksesverhaal. Advokaat Fef le Roux vertel van hierdie universiteit-voorbereidingsprogram vir leerders in die Noord-Kaap.

Elke Brink van PSG Wealth R21 op Stellenbosch praat oor die belastingjaareinde en die belastingimplikasies wat dit vir individue inhou.

Die Wêreld Monumentefonds het vir die eerste keer gewaarsku teen skade aan erfenisgebiede wat nie op die aarde is nie. Die maan het meer as 90 historiese gebiede, wat gekoppel word aan menslike aktiwiteite daar.

Andries de Beer se eerste gedig oor sy ma verskyn in 1993 in sy laerskoolkoerant. In 2010 staan hy die eerste keer voor ’n mikrofoon, en begin om interkulturele musiek-en-poësie-aande reël. Johan Rademan het met Andries, ook bekend as Andries van Pretoria, gesels.

Koshistorikus Hetta van Deventer-Terblanche vertel van garnaalpasta, ’n gewilde gefermenteerde pasta of sous, uit Suidoos-Asië.

Seiljagvaarder Kirsten Neuschäfer het pas van Brasilië af die Kaapse hawe ingevaar met haar seiljag, Minnehaha. Sy is die wenner van die 2022 Golden Globe-seiljagvaart om die wêreld. Hiervoor, en vir die redding van ’n mededinger, is sy met die Hertogin van Kent-toekenning vereer.

Houston se polisie het meer as 400 000 pond se dagga, wat as bewysstukke gehou word. Dit lok egter rotte, wat behalwe vir skade aan die dwelms, ook skade aan ander bewysstukke aanrig.

Basil May is 'n bekende in die Wes-Kaap se onderwyskringe. Hy vertel vir Haidee Muller-Isaacs van sy komvandaan, Swellendam, en van die tragiese gebeure toe sy suster op 13 oorlede is in 1975 se Swellendam-busramp. 42 jaar later, op die herdenking van dié tragedie, was Basil instrumenteel in die stigting van die Swellendam-beursfonds. Haidee het saam met hom 'n koppie koffie gedrink, en hom gepols...