Driesestig

‘n Tifoon en ’n oorstroomde kerk was nie genoeg rede vir ‘n paartjie in die Filippyne om hulle troue uit te stel nie.

Jan Hugo vertel vir Martelize Brink van Lagos in Portugal waar hy al vyf jaar woon. Hy vertel dit sukkel maar om die taal aan te leer, maar jy kom goed reg daar met Engels.

Dink net... net omdat jy na die kerkbasaar gaan, het jy gratis toegang tot die ongerepte Baviaanskloof Wildernisgebied, ‘n provinsiale natuurreservaat. En dit is nie al nie – die boere in die landbougedeelte van die Baviaanskloof bied ook gratis verblyf aan die basaargangers van buite. Daar aangekom, het Mariska Spoormaker haar verluister aan Amanda Lamprecht se groot geesdrif vir die omgewing én...

Vier dae nadat ‘n gesin se aanneemhond, Rufus, oorlede is, sien hulle ‘n diereskuiling adverteer ‘n hond wat nes hy lyk. Nadat hy aangeneem is, doen hulle ‘n genetiese toets wat wys dat die nuwe hond Rufus se pa is!

Dr. Marienne de Villiers vertel vir Martelize Brink van die Kaapse Bergkwagga-projek en die stappe wat gedoenword om die verskillende bloedlyne bymekaar te bring.

Leslie Ruiters het 'n passie vir toutrek, en help kinders in Bellville-Suid in die Kaap om van die strate af te kom deur hulle betrokke te kry by die sport. Hy is ook betrokke by die Hoërskool Bellville-Suid waar hy help om 'n groentetuin aan te lê. Leslie het groot maatskappye nadergehark om te help met stootskrapers om die gebied plat testoot, so dis nie 'n klein groentetuintjie nie! Haidee Mull...

David Shorthouse en Mariana Treurnicht se storie word deur Martelize Brink voorgelees.

Natasha Lavoie in Kanada kry tot ses oproepe per dag van mense wat ‘n vindersprys eis vir ‘n vermiste kat. Dit volg nadat ‘n T-hemp aanlyn verkoop is met ‘n vermiste katmotief op, maar ‘n regte foonnommer daarby.

Op Humansdorp bied die Rainbowsentrum nie net 'n veilige hawe vir verwaarloosde kinders met spesiale leerbehoeftes nie, hulle musiektalente word ook ontgin, het Mariska Spoormaker gehoor toe vrolike marimbaklanke haar nadergetrek het.

Sjef Ashley Dokter gesels met Martelize Brink oor sy Karoo-komvandaan,en sy gunsteling krui, roosmaryn.

‘n Vrou in Amerika se woonadres is gelys as die plek waarheen jy ‘n aanlynhandelaar se produkte waarmee jy nie tevrede is nie, terugstuur. Honderde pakkies skep probleme by haar huis.

Ellirien Koopman van Carnarvon het altyd groot gedroom, soos om kinders te laat glo dat hulle doelwitte haalbaar is. Sy glo dat speel en pret ‘n belangrike rol speel in die ontwikkeling van elke kind. Sy het eers ingeval by kleuterskole, en elke dag gewonder oor waar sy haarself oor 10 jaar sal bevind. Sy vertel vir Haidee Muller-Isaacs van haar grootworddae op Carnavon, en nuwe drome wat besig is...

Fisioterapeut Wimpie van der Meijden praat oor ysbaddens. By 15 grade Celsius en kouer kry jy die meeste voordele.

In Centreville in Ohio in die VSA het hulle herwinningsvragmotors toegerus met kunsmatige intelligensie. As jou herwinningsak goed in het wat nie daar hoort nie, kry jy dit terug met ‘n kaartjie wat uitwys waar jy verkeerd gaan.

Daniël Grové gesels met Martelize Brink oor moderne vy kamp. Hy neem deel aan die onder17-wêreldkampioenskappe in Johannesburg.

Lorna Mooney het besluit om vir haarself 'n besondere geskenk te gee vir haar 60 ste verjaarsdag - om Kilimanjaro aan te durf. Op haar sestigste het sy heelbo gestaan en dit was minus 14 grade, maar Lorna se hart het vuurwarm geklop, vertel sy vir Haidee Muller-Isaacs.

Op 92 gaan die president van Kameroen, Paul Biya, weer staan as presidensiële kandidaat vir die volgende sewejaar-termyn. En Fauja Singh het sy eerste marathon op 89 aangepak, en ná 100 steeds aangehou.

Wiaan Visser vertel van Meksikostad, die hoofstad van Meksiko, met sowat 20-miljoen inwoners.

Eens was Roseline Shimwenje haweloos en werkloos. Toe omskep sy 'n stuk munisipale grond langs die begraafplaas in Patensie in 'n groentelushof nadat sy al die onwettig gestorte rommel daar verwyder het. Nou het die Kouga-munisipaliteit Rosaline vereer met 'n toekenning vir uitstaande gemeenskapsdiens. Mariska spoormaker het met haar gepraat.

John Knuth se kuns word deur vlieë geskep. Hy voer hulle ’n mengsel van akrielverf en suikerwater. Met dié dat vlieë hulle kos opbring en weer opslurp, word patrone op ‘n doek gemaak.

Mia Groeneveld en Karla Redelinghuys praat oor haai- en rog-bewusmaking. Hulle is die stigters van Science Saves Sharks. Hulle gesels onder meer oor die rol van genetiese toetse op haaivinne as bewyse in stropinghofsake.

Géne Morrison vertel vir Johan Rademan van sy gevaarlike stokperdjie. ‘n Netwerk van stormjagters hou die weer dop om foto’s en video’s van die vernietigende krag van die natuur te neem.

Ina Snyman vertel van ‘n busrit waar sy en Hennie besluit het om die pad vorentoe ook saam aan te vat.

‘n Franse gevangene is by die tronk uitgedra in ‘n ander gevangene wat vrygelaat is, se wasgoedsak. Die vryheid was egter van korte duur.

Landboujoernalis Johan Gunter van Bloemfontein is só versot op tamatiekonfyt dat hy besluit het om sy eie te begin maak, nadat hy tevergeefs gesukkel het om dit in die hande te kry. Nou het hy al ‘n konfytbedryffie aan die gang gekry, het hy vir Mariska Spoormaker vertel.