Driesestig

Marina Jenkins het vir RSG se 88e verjaarsdag 'n boom in Afrika se mees suidelike woud in die Platbos Woudreservaat geborg. Francois Krige, mede-eienaar van Platbos en hoof van die Tree Liberation Front, vertel hoe dit met RSG se boom gaan, en van sy passie vir herbewouding.

In ‘n verkiesing vir die nasionale vergadering in Kanada is een stem weens ‘n administratiewe fout nie getel nie. Daardie stem was vir ‘n kandidaat wat met een stem verloor het. Toe is die saak vir drie dae in die hof.

Marcel Liebenberg vertel vir Martelize Brink van Araçuaí in Brasilië. Sy Portugees is nie te waffers nie, so dit het al gesorg vir ‘n komiese oomblik by die winkel.

September was Alzheimer-maand, en daar is baie gepraat oor die simptome en behandeling vir die pasiënt. Maar Santa van Rooyen, afgetrede maatskaplike werker van die Baai, sê ons moet ook praat oor die welstand van die versorger - die een wat langs die sieke staan. Sy het onlangs ‘n dankie-sê oggendtee vir hierdie versorgers aangebied.

Daar was ’n paar voorvalle in China waar valstande in kos gevind is.

Veearts dr. Elizna Boag praat oor hittestres by honde. Veral die kortneus-rasse is kwesbaar.

Een van die unieke natuurkenmerke van Gqeberha is die Baakensrivier met sy groen klowe wat 23 kilometer deur die stad tot by die seemonding kronkel. Tog word dié groen long gewurg deur plate indringerbome en -plante. Mariska Spoormaker het gehoor van ‘n klomp Baaienaars wat ‘n plan gemaak het, en begin ingespring het om skoon te maak.

Jackie Myburgh vertel vir Martelize Brink hoe sy ná ‘n ongelukkige huwelik vir Nols deur ‘n aanlynplatform ontmoet het.

‘n Vrou het ‘n dooie roosboom ses maande ná die aankoop teruggeneem, en gekla dat ‘n defektiewe plant aan haar verkoop is. Niemand het vir haar gesê die plant kan doodgaan nie!

Kos- en kultuurhistorikus Hetta van Deventer-Terblanche praat oor pampoen en pampoenspesery.

TV-aanbieder en fyngebak-sjef Yolani Abrahams is deesdae ma van klein Aadam, en sy het pas klaar geskiet as die aanbieder van 'n gewilde kookprogram op Struisbaai. Sy vertel vir Haidee Muller-Isaacs hoe sy al haar balle in die lug hou.

Fransman Dagobert Renouf het sy troue gefinansier deur advertensiespasie op sy tuxedobaadjie te verkoop. Ses-en-twintig ondernemings het spasie gekoop, wat hierdie uitgawe van belasting kan aftrek.

Dr. Ria Smit praat oor die effek van blou lig van foon-, tablet- en rekenaarskerms op jou vel.

‘n Gimnasium in Binzhou, China, het ‘n omstrede kompetisie, waar 'n Porsche op die spel is vir ‘n deelnemer wat 50 kg in drie maande verloor. Dokters waarsku egter teen só ‘n drastiese gewigsverlies só vinnig.

Die werking van ‘n bykolonie is fassinerend, maar waar kom die byekorf vandaan? Johan Rademan het by NAMPO Kaap vasgeloop in Anelda van den Heever, wat uit Montagu uit gaan deelneem het aan die expo.

Eri-Kah van Breda vertel vir Martelize Brink van haar botaniese fynkuns-fotografie, wat fokus op die verhouding tussen fynbos en vuur.

Dr. Mandie Uys vertel vir Martelize Brink van die snaakse geskiedenis van lipstiffie - van Cleopatra se lipstiffie gemaak van fyngemaalde kewers en ‘n sekere seeslak, tot rooi lippe se rol in die Tweede Wêreldoorlog.

‘n Man in Japan het ‘n kosaflewingsplatform mislei, en so 1 095 gratis etes ter waarde van meer as 3,7 miljoen Jen bekom. Hy het 124 rekeninge onder vals name en adresse gehad.

Riki Small-Smith vertel vir Martelize Brink van die lewe in Madrid, Spanje. Daar eet jy jou tamaties net in seisoen!

Cole Wessels het sy rol in 'n gewilde sepie met soveel oortuiging gespeel, dat daar op sosiale media omtrent oor hom gegons is. Haidee Muller-Isaacs vind meer uit oor wie die mens agter dié talentvolle akteur is, en die impak wat sy rol as die flambojante Tino op kykers gehad het.

Lutz Pfannenstiel is nou Aberdeen, die Skotse Premiersokkerklub, se sportdirekteur. Sy pad tot daar klink soos ‘n film. Hy het al ‘n pikkewyn ontvoer. Hy was vir 101 dae in Singapoer in die tronk. Hy was ‘n model vir Armani. Op die sokkerveld is hy al drie keer dood verklaar...

Veearts dr. Elizna Boag praat oor hondsdolheid, ‘n aansteeklike virale siekte wat mense én diere affekteer.

Debmarie Simons is ’n boorling van Mosselbaai. Sy is tans die onderhoof by ’n skool in Kaapstad, wat fokus op spesiale behoeftes. Sy is passievol oor onderwys, veral oor die ondersteuning van kinders met spesiale behoeftes — ’n veld waarin sy al verskeie suksesverhale behaal het. Haar liefde vir haar tuisdorp en sy mense is duidelik in die gemeenskapsprojekte wat sy al aangepak het.

Loda Bothma vertel vir Martelize Brink hoe sy en Loutjie Maree mekaar by ‘n reünie herontdek het.

Marina Jenkins vertel vir Martelize Brink hoe sy RSG se 88 ste verjaarsdag vier deur ‘n inheemse boom te borg, wat namens RSG by die mees suidelikste woud in Afrika by Platbos tussen Gansbaai en Stanford geplant word.