Driesestig

Van sy studentedae af, dwarsdeur sy akademiese loopbaan in Amerika en Suid-Afrika, het Cornelius Thomas oor die 40 jaar lank boeke bymekaargemaak. Boeke van alle soorte, sê Cornelius, want die lewe is alle soorte, en mense moet daaroor lees. Cornelius se vrou Kathy, net so 'n ywerige boekemens, bedryf saam met haar man Wendy's Book Lounge, waar jy onder meer in 'n sagte rusbank kan terugsit en lee...

Maritha de Beer vertel vir Martelize Brink hoe ‘n vriendin op kort kennisgewing met Dick de Beer gereël het om saam met haar matriekafskeid toe te gaan.

'n Munisipale hof en biblioteek in 'n stad in Oklahoma laat mense met verkeersoortredings, sekere munisipale oortredings en agterstallige biblioteekboeke toe om kos te skenk in ruil vir die vermindering of uitskakeling van hulle oortredings.

Haidee Muller-Isaacs gesels met die inspirerende sangeres Charlene van Rooyen oor haar kinderhuisdae, en hoe sy ten spyte van kronkelpaaie, nou kies om haar lewe voluit te leef. Charlene het 'n positiewe boodskap van hoop aan ieder en elk.

Kos- en kultuurhistorikus Hetta van Deventer-Terblanche praat oor kos-pasmaats.

Jan-Hendrik van der Westhuizen is vanjaar se mentor vir die wenner van RSG en Virseker se 2025 Bakgat-beskuitkompetisie. Hier is sy boodskap aan Magda Janse van Vuuren wat as wenner gekroon is.

Die 35ste Huishou Olimpiese Spele is in Las Vegas gehou. Bedopmaak, mop-aflos en stofsuig is van die items waaraan die werkers van die Las Vegas hotelle deelgeneem het.

Gerhard Meyer, ’n granaatboer van die Klein Karoo, het sy keuse van gewasse totaal verander ná raad van ’n boer van Israel. Gerhard was onlangs deel van Afrika-groep wat genooi is om in Keulen 'n verbruikersexpo by te woon, maar was voor dit in Spanje. Johan Rademan het met hom gepraat.

Op die kusdorp, St. Francisbaai, het tien uile binne vier dae gevrek nadat hulle vergiftigde rotte gevreet het. Voorvalle soos dié het die stedelike wildbewaarder, Arnold Slabbert, daarnatoe gedryf om te begin vasstel watter soorte rottegif so maai onder die uilbevolkings en ander diere in die ekostelsels. Mariska Spoormaker het met hom gepraat.

‘n Vrou in China is beboet met 280 keer die bedrag waaroor sy gestry het met ‘n hotel. Uit wraak het sy die krane vir ure laat loop…

Ilze Els vertel vir Martelize Brink van die lewe op Guernsey, ‘n eiland in die Engelse Kanaal naby die kus van Frankryk.

Die akademikus, dr. Harlan Cloete van die Paarl, vertel vir Haidee Muller Isaacs hoe sy reis na sukses begin het. Maklik was dit nie, maar na dese stoom hy fluks voort met sy gemeenskapswerk. Dis sy hartklop, vertel hy.

Die eindronde van Kanada se premierligasokker is die naweek in die sneeu teen minus 8 grade Celsius gespeel. Daar was uitdagings om die lyne sigbaar te hou, en die doelwagters moes hulle doelhokke met grawe oophou!

Danyelle Fourie van KUSA Trick Dog vertel waar jou hond se vordering met toertjies aanlyn geëvalueer kan word.

Omgewingsbewustes in die Kougastreek is verheug oor die vyf natuurreservate aan die kuslyn, wat onlangs geproklameer is. Die aanvoorwerk vir reservate soos die Kabeljauws en Irma Booysen-reservate, kom al oor die dertig jaar, het dr. Wentzel Coetzer, bestuurder omgewingsake van die Greater Kromme Stewardship, aan Mariska Spoormaker gesê.

Rudie Rousseau vertel vir Martelize Brink dat Annelie eers by die bruilof gehoor het dat haar eerste blomme van ‘n graf af gekom het!

‘n Gesondheidsorgverskaffer in die Amerikaanse deelstaat, Maine, het foutiewelik briewe van meegevoel aan 531 mense se families gestuur, hoewel die mense almal nog geleef het.

Joce Engelbrecht is ‘n regisseur by ’n oorklankingsateljee, wat Turkse TV-dramas oorklank. Tussendeur doen sy kinderteater en poppekas. Sy vertel vir Haidee Muller-Isaacs van dié nis wat sy vir haarself uitgekerf het in weerwil van die feit dat sy nooit die geleentheid gehad om verder te gaan studeer nie.

Kos- en kultuurhistorikus Hetta van Deventer-Terblanche praat oor pietersielie, en gee 'n resep vir chimichurri.

Matt Prinsloo vertel vir Martelize Brink van onder andere sterretjiesgras (Rhodohypoxis), ‘n bolplant uit die Drakensberg, wat gewild is oorsee, maar nie so bekend in Suid-Afrika nie.

‘n Man in Frankryk het ‘n gat vir ‘n swembad gegrawe, en op vyf goudstawe en ‘n klomp goue munte afgekom. Siende dat dit nie ‘n argeologiese terrein is nie, het owerhede hom toegelaat om die sowat R14 miljoen se goud te hou.

Wilmaré van der Merwe se lewe het baie draaie met haar geloop. Haar skoolloopbaan het in 1996 geëindig by Hoërskool Paarl Gimnasium, en ná vele jare en avonture het sy terug geland in die Paarl by haar geliefde skool, waar sy reeds vir vyf jaar werk. Volgende jaar begin daar 'n nuwe hoofstuk by die skool met 'n nuwe opwindende uitdaging.

Dermatoloog dr. Barbara van der Westhuizen praat oor gelnaels, en of daar moontlike gevare in dié behandeling is.

In Parys in Frankryk is daar ‘n lotery waar jy kan wen om vir die opknapping van ‘n grafsteen te betaal. Dit gee jou ook die geleentheid om begrawe te word waar onder andere The Doors se Jim Morrison, Oscar Wilde, Edith Piaf en Frederick Chopin se grafte is. Alles kos egter geld.

Alles het gebeur as gevolg van Covid se vreemde tyd, toe daar meer tyd was vir stilstaan en nuwe projekte uitdink. Dr. Ian Goldie het aan Johan Rademan verduidelik dat amper enige persoon, met ‘n bietjie geduld, hidroponika kan bemeester. Jy kan jou eie stelsel skep om vars vrugte en groente, veral slaai vir die manne, te verbou.