Driesestig

Starbucks in Suid-Korea het nou amptelik nuwe reëls. Tablette en skootrekenaars is welkom, maar mense mag nie meer hulle rekenaars, drukkers en afskortings bring om werkshokkies in die koffiewinkel op te stel nie.

Robbie Robberts vertel van die lewe in Iowa in die VSA. Hy sê tussen die mielies is daar werk vir mense wat wil werk.

Adele Camarena vertel vir Haidee Muller-Isaacs van brilpartytjies, waar jy meer kan leer oor watter bril by jou persoonlikheid, oë en gelaats- en haarkleur pas.

Dawie Botha praat oor die instandhouding van Suid-Afrika se kleiner hawens wat agterweë bly.

In China is daar plekke soos Pretend to Work waar werklose mense plek in ‘n kantoor huur, sodat dit lyk of hulle werk het!

Grant Forbes vertel vir Martelize Brink van Renosterveld in die Overberg wat aangekoop is om die bedreigde Witkruisvleivalk se bewaring ‘n hupstoot gee.

Dit is nou tyd om 'n waarderende kollig op die vroue te laat skyn, wat onder die radar 'n positiewe impak of 'n postiewe verandering in hul gemeenskappe bring. Dis wat die Kouga-munisipaliteit doen met hulle StrongHer-veldtog. Die burgemeester, Hattingh Bornman, sê die veldtog is geïnspireer deur ’n soortgelyke een in Birmingham, Alabama, in die VSA.

Dot Gerhold vertel vir Martelize Brink hoe sy na vier huwelike geweet het wat sy nié soek nie. Toe het sy vir Mike deur ‘n romantiese afspraakwebblad ontmoet.

’n Nascar-renjaer wat sy oorwinning gevier het, het van sy kar se dak afgeval en sy sleutelbeen gebreek.

Die afgelope tyd het dit weer op sosiale media gegons oor Suid-Afrika se mees misterieuse bed, naamlik die dubbelbed koperkatel wat in die veld langs die N9 tussen Aberdeen en Graaff-Reinet staan. Die mense verwys na die bedgraf op die Aberdeen-pad, en die stories hieroor is meer as die hare op n hond se rug. Maar weet enigiemand wat die ware verhaal agter die katel is? Mariska Spoormaker het onde...

Kos- en kultuurhistorikus Hetta van Deventer-Terblanche praat oor suksesvolle vroue met speseryondernemings.

In Suid- Korea is daar beurse by ‘n universiteit vir bergklim. Daar is 70 van die beurse beskikbaar, en ‘n student moet in die res van die jaar ses berge klim om die volle bedrag te ontvang.

Jean Naude vertel vir Martelize Brink van die geskiedenis van Suid-Afrika se oudste wyn, en hoe dit tans vereer word. Napoleon het glo ‘n bottel ‘n dag van hierdie Muscat-wyn van Groot Constantia gedrink.

Charlene Saal help die mense van Bellville-Suid om bekostigbare huise te kry. Sy werk vir 'n nie-winsgewende organisasie wat hulle leer van hulle regte. Sy vertel sy is ’n pastoorskind, en haar ouers het altyd met behoeftiges gedeel. Sy het haar ouers se barmhartigheid geërf.

Dieetkundige Valpré Huisamen praat oor die TikTok-gier, fibre maxxing, en sy sê Suid-Afrikaners kry juis te min vesel in.

Die Hambone-toekennings in die VSA is vir diere wat vir vreemde redes by die veearts opdaag. Een van die finaliste is ‘n bulhond se olikheid nadat sy ‘n opgestopte alligator geëet het.

In Lowena Lawrence se hart en huis in Bonteheuwel is daar altyd plek vir nog. By haar kry jy brood en bid, en neem met jou saam die vrede wat alle verstand te bowe gaan. Die kinders in die omgewing word na haar aangetrek soos ’n magneet, en vind 'n tuiste by die Kids' Club. Sy neem ook leiding by 'n groep vroue wat bid by die verskillende skole in Bonteheuwel en uitreik na die smokkelhuise in die...

Estelle du Plessis praat oor die Vroue-Landbouvereniging van Kaapland se rol in die gemeenskap oor hulle 96-jarige bestaan.

Luke Wintrip het vir Sarah 43 keer om haar hand gevra voor sy eindelik na sewe jaar ja gesê het!

Linda Celliers vertel vir Martelize Brink van die seekos- en aartappelbedryf op Prins Edward-eiland, Kanada se kleinste provinsie.

Thinus le Roux se stokperdjie om ou swart en wit foto’s van die Anglo-Boereoorlog in te kleur, het ongekende belangstelling gaande gemaak. Hy skuif nou met ‘n opvolguitgawe van die konvensionele na die guerillaoorlogvoering se foto’s. Johan Rademan het met hom gesels.

Caroli Diener praat oor borsvoeding en die rol daarvan in omgewingsvolhoubaarheid.

Die Aalborg-dieretuin in Denemarke vra dat mense ongewenste troeteldiere, spesifiek gesonde hoenders, hase, marmotte en perde skenk as kos vir hulle karnivore.

Susan Ferreira en Karlo Hendrickz vertel van die Maine Coone, die reus van die katwêreld, en die Devon Rex, wat die pixie of apie van daardie wêreld genoem word.

Jare lank het die Baaienaar Jenny Heunis haar man versorg wat met demensie moes saamlewe. Haar uitdagende versorgingspad het uiteindelik na die stigting van ‘n ondersteuningsgroep vir mense in soortgelyke situasies gelei. Charleen Fridey, ‘n maatskaplike werker, verduidelik aan Mariska Spoormaker hoekom só n ondersteuningsgroep so belangrik is.