Driesestig

Die afgelope naweek het Tilburg in Nederland hulle jaarlikse fees vir mense met natuurlike rooi hare gehou.

Veearts dr. Elizna Boag vertel van ‘n dieet om katte volhoubaar te laat verslank.

Chris Hattingh doen ‘n huldeblyk aan Dawie Botha, wat onder andere driesestig se spesialisgas was vir die reeks, So is die land gebou.

Haidee Muller-Isaacs se pad het op Goedverwacht met dié van Merle Dietrich gekruis. Merle vertel van haar liefde vir tuinbou, en dat sy tog op die ou end daai BComm-graad van haar gebruik, selfs al werk sy nie in die korporatiewe wêreld waar almal dink sy behoort te wees nie.

Cathy van Niekerk vertel vir Martelize Brink hoe sy en Jan bymekaar uitgekom het. Op 3 September 2025 is hulle 70 jaar getroud!

Kunsmatige Intelligensie word in die pad gesteek by deurry-restaurante, waar bestellings verkeerd geneem word - soos 18 000 glase water!

“Koebaai Dubai”, wil baie Saffas sê as hulle ’n ruk lank daar gewerk het. Fritz en Ingrid Pistorius vind dit só kultureel verrykend dat hulle eerder nog 'n rukkie wil aanbly. Johan Rademan het hulle in Mongolië raakgeloop.

Sjef Odette Olivier praat oor koljander en biltongspeserye.

In Nieu-Seeland is iemand op soek na ‘n tuinslak. Nie sommer enige een nie. ‘n Slak genaamd Ned se dop spiraal na links in plaas van regs, soos byna alle ander slakke s’n. Nou word daar gesoek vir nog ‘n slak met ‘n dop wat links spiraal, anders is daar nie ‘n nageslag vir Ned nie.

Straks hou Nelson Mandelabaai die rekord vir die oudste redaksie in die land, want die gemiddelde ouderdom van die Hello-o-o Echo-nuusbrief met sy tien verslaggewers is 80 jaar! Die oudste redaksielid, Margaret Horn, het onlangs 92 geword. Die nuusbrief word versprei onder die inwoners van die Echo-Stigting se verskeie wooneenhede in Gqeberha. Mariska Spoormaker het gaan inloer by ‘n redaksieverga...

Dermatoloog dr. Barbara van der Westhuizen vertel vir Martelize Brink hoe jy donker kringe en sakke onder die oë kan laat verdwyn.

In Abu Dhabi word winkelsentrums ingespan vir wedlope!. Jy kan deelneem aan die 2,5 km, 5 km of 10 km items. Dit het begin om mense steeds te laat oefen wanneer dit in die somer net te warm is om buite aktief te wees.

Haidee Muller-Isaacs loer in by die klankateljee van André Hartman op Stellenbosch, waar hy vir haar wys wat hy alles meet klank kan doen. Hy gesels ook oor kunsmatige intelligensie, wat in sy opinie besig is om musiek te vermoor. André sê as jy 'n stem het, kan jy sing. Haidee wou dit eers self beproef…

Sumien Symington vertel vir Martelize Brink van Paarl se Toringkerk wat onstaan het omdat die gemeente in Afrikaans wou kerk hou. Ironies is die kerk se horlosie ‘n replika van Big Ben se horlosie, en dit lui op Westminister se klok se wysie.

‘n Kanadees het 18 ton kompos aangevat om sy vrou se verlore ringe op te spoor. Hy is toe darem nie met leë hande huis toe nie.

Nicola Brown gesels oor die lewe in Ruthin, Noord-Wallis, waar sy woon. Sy vertel dat hulle taal ‘n herlewing beleef.

Mandie Uys lê die geskiedenis van hoëhakskoene uit, en hoe die mansdrag die skuif na vroue gemaak het.

In VSA is sportkaarte baie gewild. ‘n Basketbalkaart het onlangs vir meer as R228 miljoen verkoop. ‘n Buitengewone bofbalkaart word nou uitgereik met ‘n eekhoring op. Die eekhoring was Vrydag op die veld tydens ‘n wedstryd. Die eekhoringkaart is aangekondig, en almal was teen Maandag reeds verkoop.

Dr. Elizna Boag praat oor die verskil tussen klein katjies en groot katte se voedingsbehoeftes.

Haidee Muller-Isaacs kuier sjef Francois Hugo in sy kombuis. Francois se droom is om ’n wesenlike verskil te maak deur minderbevoorregtes op te lei in die kombuis om gesonde, dog geurige, kos te maak – sonder om jou bankrot te laat. Sy idee vir ’n droomrestaurant is ’n groot glasboks met ’n string sjefs wat hy oplei in ’n omgewing omring deur glas en groenigheid. Sy visie is om voedsame kos van re...

Daleen le Grange vertel vir Martelize Brink van die troep wat sy 38 jaar gelede as ryloper opgetel het, en steeds die pad met hom stap.

‘n Vegatarier in VSA se eerste werksdag by die brandweer was bietjie van ‘n uitdaging. Sy moes help blus aan ’n brand waar meer as 1,8 ton se biefstukke op ‘n voertuig verbrand het.

Seker die mees interessante storie by die plaas Kamerkloof in die Baviaanskloof is dié van Susan Marais Reynecke van haar ouers wat haar op 'n afdraaipad van die kunste probeer sit het, en sy 'n verpleegster geword het. Deesdae is sy 'n kunstenaar, olyfboer en 'n parser. Mariska Spoormaker het gaan inloer.

Sjef Adél Hughes vertel van haar gunsteling speserye wat sy vir vis gebruik by die Seebamboes-restaurant. Martelize proe haar gepekelde vis en klipkombers focaccia.

Geisha is koffie van Panama wat onlangs teen $30 204 (sowat R527 000) per kg verkoop is aan ‘n handelaar in Dubai!