Driesestig

Sanja Steyn gaan ten bate van Race4Grace aan die Xterra Driekamp-wêreldkampioenskap in Italië deelneem om geld in te samel vir weeskinders in Zimbabwe, waar haar ouers sendelinge was. Toe Haidee Muller-Isaacs verlede jaar met haar gesels het, was al hierdie dinge nog net drome. Nou is sy uiteindelik op pad!

Dr. Mandie Uys praat oor die geskiedenis van die polkadotpatroon. Oorspronklik is dit met siekte en dood geassosieer.

Twee Amerikaners was op pad na Nice in Frankryk. Toe daar gevra word waarheen hulle wil vlieg, antwoord hulle “to Nice”, maar toe bevind hulle hulle op ‘n vlug na Tunis in Tunisië!

Met die draai van die eeu het die rekenaar-Y2K-vrese baie mense landelike verblyf, weg van enige water- of kragnetwerk, laat opsoek. Só het die gemeenskapsplaas Tchnuganoo in die Baviaanskloof tot stand gekom. Noudat Trevor Philander ook daarby ingekoop en met sy gesin daarheen verhuis het, spog Tchnuganoo met bobbejaanbestande groentetuine, roofdierbestande hoenderhokke én die Klip Kafee.

Muller Rothmann vertel van die lewe op Timaru, op die suid-eiland van Nieu-Seeland.

Ná 44 jaar as bestuurshoof van die Algoabaai Raad vir Bejaardes, het Maureen Andreka, ook ‘n opgeleide maatskaplike werker, die volgende raad gegee: Dit is dit belangrik dat 'n mens al van voor jou middeljare ernstige werk maak van jou fisieke-, finsansiële- emosionele- en geestelike gesondheid om jou deur ‘n hoë ouderdom te help dra. Mariska Spoormaker het kort na haar aftrede met Maureen gesels.

Marius Coetzee vertel vir Martelize Brink van die hertogin van Kent, wat in die ouderdom van 92 oorlede is.

In die Tsjeggiese Republiek is ‘n bestuurder van ‘n Formule 1 tipe motor vasgetrek. Vir ses jaar het die kar dan en wan op die hoofweg gejaag. Op die ou end is die hulp van ‘n helikopter ingespan vir die arrestasie.

Veearts dr. Ginelle Vivier praat oor interne parasiete, en ontwurming.

Haidee Muller-Isaacs kuier by Tasneem Meyer in Bonteheuwel se kleuterskool, waar sy ook haar papegaai ontmoet wat al in ‘n fliek was. Die papegaai was nie juis daai dag lus om te gesels nie, maar 'n mens hoor hom wel op die agtergrond.

Renchia Liebenberg vertel vir Martelize Brink dat sy haar man, Giel, op skool vir R5 by haar vriendin gekoop het!

‘n Onderneming in Japan verskaf mense wat intimiderend lyk, om jou te help om moeilike situasies op te los. Hulle werksmag is meestal kaalkop met prominente tatoeëermerke.

Johnny Bakker vertel hoe branderplankry in Afrika ontwikkel word. Daar was onlangs ‘n kompetisie in Angola waaraan Suid-Afrika ook deelgeneem het.

Kos- en kultuurhistorikus Hetta van Deventer-Terblanche praat oor tradisionele knoffelgeregte, soos Italië se bagna càuda met ansjovis.

Weet jy waar is die plek in Suid-Afrika waar die laagste temperature gemeet word? Die Baai se Weather Guru, Garth Sampson, en sy vrou, Elmarie, het uitgery soontoe, en met Mariska Spoormaker hieroor gesels.

Manchester United-ondersteuner Frank Ilett het in Oktober verlede jaar sy hare kort geskeer, en gesê sy hare word eers weer geskeer wanneer sy span vyf wedstryde in ‘n ry wen. Sy vooruitsigte vir ‘n haarsny lyk nie goed nie...

Hendrik Theron praat oor die verbintenis wat mense met penne het. Hy is ‘n penentoesias wat uitsien na die naweek se SA Penskou in Kaapstad.

In Covid-19 se grendelperiode is Shawn Wilken se salaris met tweederdes gesny. Sy vrou, Louise, se inkomste het ook verklein, en finansiële oorlewing het ’n noodsaak geword. Dis nou jare later, en ’n bakkievrag vol van enigiets – van ‘n Grandpa tot ’n brood - help steeds om die gate toe te stop, het Mariska Spoormaker gevind.

Dr. Alida Naudé sê dat balans jou onafhanklikheid, jou veiligheid en jou lewenskwaliteit bepaal.

In Florida in Amerika was Kyle Myvett reg vir aksie in sy Batman-nagklere toe ‘n inbreker sy bakkie besoek het.

Haidee Muller gesels met 'n talentvolle jong sanger van haar tuisdorp, Oudtshoorn, wat in die Kaap in die kunste gaan studeer het. Hy het lank daarvan gedroom om sy talent op 'n verhoog met ander te kan deel, en vandeesweek word daardie droom uiteindelik waar. Dwaine Jansen sing sy hart uit in die musiekblyspel, Jacques Brel is Alive and Well and Living in Paris, by die Kunstekaap. Dit word aangeb...

Heidi Erdmann prtaat oor erfenis wat vasgevang word in fotografie. Die Kaapstad Fotografiefees wys mense se ervarings. Foto’s is ‘n manier om oor identiteit, geheue en plek te besin.

In Abu Dhabi is daar ‘n plek waar jy die langste kunsmatige brander in die wêreld kan ry. Daardie 690 m-lange brander ry jy vir sowat ‘n minuut lank, en betaal $150 per brander.

Anné Nieuwoudt vertel vir Martelize Brink in van die lewe in Phuket, Thailand.

Jacques Lombard is na ons wete die enigste blinde persoon ter wêreld wat as Kaapse Wynmeester gekwalifiseerd is. Johan Rademan het met hom gesels ná dié akademiese prestasie wat hy vanjaar ontvang het, en sommer met die intrapslag by hom gehoor waar hy grootgeword het en waarom hy sy sig verloor het.