Driesestig

Kos- en kultuurhistorikus Hetta van Deventer-Terblanche praat oor pietersielie, en gee 'n resep vir chimichurri.

Matt Prinsloo vertel vir Martelize Brink van onder andere sterretjiesgras (Rhodohypoxis), ‘n bolplant uit die Drakensberg, wat gewild is oorsee, maar nie so bekend in Suid-Afrika nie.

‘n Man in Frankryk het ‘n gat vir ‘n swembad gegrawe, en op vyf goudstawe en ‘n klomp goue munte afgekom. Siende dat dit nie ‘n argeologiese terrein is nie, het owerhede hom toegelaat om die sowat R14 miljoen se goud te hou.

Wilmaré van der Merwe se lewe het baie draaie met haar geloop. Haar skoolloopbaan het in 1996 geëindig by Hoërskool Paarl Gimnasium, en ná vele jare en avonture het sy terug geland in die Paarl by haar geliefde skool, waar sy reeds vir vyf jaar werk. Volgende jaar begin daar 'n nuwe hoofstuk by die skool met 'n nuwe opwindende uitdaging.

Dermatoloog dr. Barbara van der Westhuizen praat oor gelnaels, en of daar moontlike gevare in dié behandeling is.

In Parys in Frankryk is daar ‘n lotery waar jy kan wen om vir die opknapping van ‘n grafsteen te betaal. Dit gee jou ook die geleentheid om begrawe te word waar onder andere The Doors se Jim Morrison, Oscar Wilde, Edith Piaf en Frederick Chopin se grafte is. Alles kos egter geld.

Alles het gebeur as gevolg van Covid se vreemde tyd, toe daar meer tyd was vir stilstaan en nuwe projekte uitdink. Dr. Ian Goldie het aan Johan Rademan verduidelik dat amper enige persoon, met ‘n bietjie geduld, hidroponika kan bemeester. Jy kan jou eie stelsel skep om vars vrugte en groente, veral slaai vir die manne, te verbou.

Marina Jenkins het vir RSG se 88e verjaarsdag 'n boom in Afrika se mees suidelike woud in die Platbos Woudreservaat geborg. Francois Krige, mede-eienaar van Platbos en hoof van die Tree Liberation Front, vertel hoe dit met RSG se boom gaan, en van sy passie vir herbewouding.

In ‘n verkiesing vir die nasionale vergadering in Kanada is een stem weens ‘n administratiewe fout nie getel nie. Daardie stem was vir ‘n kandidaat wat met een stem verloor het. Toe is die saak vir drie dae in die hof.

Marcel Liebenberg vertel vir Martelize Brink van Araçuaí in Brasilië. Sy Portugees is nie te waffers nie, so dit het al gesorg vir ‘n komiese oomblik by die winkel.

September was Alzheimer-maand, en daar is baie gepraat oor die simptome en behandeling vir die pasiënt. Maar Santa van Rooyen, afgetrede maatskaplike werker van die Baai, sê ons moet ook praat oor die welstand van die versorger - die een wat langs die sieke staan. Sy het onlangs ‘n dankie-sê oggendtee vir hierdie versorgers aangebied.

Daar was ’n paar voorvalle in China waar valstande in kos gevind is.

Veearts dr. Elizna Boag praat oor hittestres by honde. Veral die kortneus-rasse is kwesbaar.

Een van die unieke natuurkenmerke van Gqeberha is die Baakensrivier met sy groen klowe wat 23 kilometer deur die stad tot by die seemonding kronkel. Tog word dié groen long gewurg deur plate indringerbome en -plante. Mariska Spoormaker het gehoor van ‘n klomp Baaienaars wat ‘n plan gemaak het, en begin ingespring het om skoon te maak.

Jackie Myburgh vertel vir Martelize Brink hoe sy ná ‘n ongelukkige huwelik vir Nols deur ‘n aanlynplatform ontmoet het.

‘n Vrou het ‘n dooie roosboom ses maande ná die aankoop teruggeneem, en gekla dat ‘n defektiewe plant aan haar verkoop is. Niemand het vir haar gesê die plant kan doodgaan nie!

Kos- en kultuurhistorikus Hetta van Deventer-Terblanche praat oor pampoen en pampoenspesery.

TV-aanbieder en fyngebak-sjef Yolani Abrahams is deesdae ma van klein Aadam, en sy het pas klaar geskiet as die aanbieder van 'n gewilde kookprogram op Struisbaai. Sy vertel vir Haidee Muller-Isaacs hoe sy al haar balle in die lug hou.

Fransman Dagobert Renouf het sy troue gefinansier deur advertensiespasie op sy tuxedobaadjie te verkoop. Ses-en-twintig ondernemings het spasie gekoop, wat hierdie uitgawe van belasting kan aftrek.

Dr. Ria Smit praat oor die effek van blou lig van foon-, tablet- en rekenaarskerms op jou vel.

‘n Gimnasium in Binzhou, China, het ‘n omstrede kompetisie, waar 'n Porsche op die spel is vir ‘n deelnemer wat 50 kg in drie maande verloor. Dokters waarsku egter teen só ‘n drastiese gewigsverlies só vinnig.

Die werking van ‘n bykolonie is fassinerend, maar waar kom die byekorf vandaan? Johan Rademan het by NAMPO Kaap vasgeloop in Anelda van den Heever, wat uit Montagu uit gaan deelneem het aan die expo.

Eri-Kah van Breda vertel vir Martelize Brink van haar botaniese fynkuns-fotografie, wat fokus op die verhouding tussen fynbos en vuur.

Dr. Mandie Uys vertel vir Martelize Brink van die snaakse geskiedenis van lipstiffie - van Cleopatra se lipstiffie gemaak van fyngemaalde kewers en ‘n sekere seeslak, tot rooi lippe se rol in die Tweede Wêreldoorlog.

‘n Man in Japan het ‘n kosaflewingsplatform mislei, en so 1 095 gratis etes ter waarde van meer as 3,7 miljoen Jen bekom. Hy het 124 rekeninge onder vals name en adresse gehad.