Driesestig

Wanneer jy dalk weer deur die Baviaanskloof ry, sal jy met ander oë na die omgewing kyk, want op 7 September begin RSG se nuwe vervolgverhaal, Die Wildedruif val deur P.H. Nortje, wat in hierdie wêreld ontvou. Die historiese jeugverhaal is gegrond op die groot vloed wat in 1916 plaasgevind het. Die skrywer is ook bekend vir boeke soos Pennie se vuur, Die Groen Ghoen, Donkerwater, In voetpad se klo...

Fleur van Eeden vertel vir Sue Pyler van Swellendam as toerismebestemming.

Francois van der Merwe vertel vir Sue Pyler van vetplantbewaring in die Karoo en die Leslie Hill Sukkulente Karoo Trust, wat 25 jaar oud is.

Veearts dr. Ingrid de Wet vertel vir Fritz Klaaste van kwale by reuns en mannetjiekatte.

By De Vlugt, 'n piepklein gemeenskappie langs die Prins Alfredpas in die Suid-Kaap, kan jy jouself op 'n hele paar plekke in die Moeder van Miljoene vasloop. Dit is 'n vetplant met die pragtigste oranje kandelaarblom, maar Ursula Peter van Die Skoolhuisie het al minstens 5,000 van hierdie Moeders van Miljoene oor 'n gebied van ongeveer 20,5 hektaar uitgeroei. Mariska Spoormaker wou by haar weet ho...

SANParke se hoofdoel is om ons natuurerfenis vir die nageslag te bewaar. Dis 'n massiewe taak, en dis hier waar die organisasie se ereveldwagters 'n groot bydrae lewer. Die manne en vroue, saam met hulle gesinne, skenk hulle tyd, vaardighede en bronne onvoorwaardelik. Jacqui January gesels met een van die lede van die Nasionale Raad van die Veldwagter oor 'n projek waar honde opgelei word om strop...

Riana Appel vertel vir Sue Pyler van bio-afbreekbare plantpotte, wat sy van beesmis en Knysna-olifantmis vervaardig.

Dirk Warries was 28 jaar lank in die vloot, waarvan 18 jaar op see was. Hy was daar toe die President Kruger en die Tafelberg in 1982 gebots het. Haidee Muller het hom op Kuilsrivier opgespoor om oor sy ervarings op see te gesels.

Andre Botha vertel vir Sue Pyler van Zoeloeland se bedreigde roofvoëls en Wêreld Aasvoëlbewustheidsweek.

Roenel en Renier Swart vertel vir Sue Pyler van makrolletjies (of macarons) as ‘n kleurvolle bederf vir die lente.

Caren Marais gesels met Sue Pyler oor rottangmandjies wat die Marais-familie van die Paarl reeds sedert 1945 vleg. Met die derde generasie in die onderneming het die style en gebruike van die mandjies verander in pas met die tye.

Izak van der Merwe gesels met Sue Pyler oor die bome van die jaar, en hoe die lys van bome vir die volgende paar jaar aangepas is.

In Augustus het RSG elke Donderdagaand ‘n program oor NP van Wyk Louw aangebied. Dit was ‘n huldiging aan hierdie fenomeen in die Suid-Afrikaanse letterkunde, 50 jaar ná sy dood. In die programme is daar dikwels verwys na sy gedig, Die Beiteltjie. Sanger Herman van den Berg het die gedig getoonset, en ons luister in kunsliedstyl na Jannie Moolman wat met Johan Rademan gesels oor hierdie kunsvorm....

Naomi Bütow vertel vir Fritz Klaaste hoe om 'n aanlynonderneming te begin.

Dr. Linda Meyer gesels met Fritz Klaaste oor die betalingsgaping tussen mans en vroue.

Dominee Fritz Snyman vertel vir Martelize Brink van skarrejag - 'n skattejag per motor.

Liza Matthee vertel vir Martelize Brink hoe sy as skoolhoof ingespring het om die behoeftige gemeenskap van Simondium by te staan met buitemuurse aktiwiteite vir skoliere en 'n voedingsprogram.

Laatlam Sammy Joe Avontuur het op Oudtshoorn grootgeword saam met 'n pa en broers wat almal op die krieketveld uitgeblink het. Almal op hulle tuisdorp het van die Avontuurs se krieketvernuf geweet. Sammy Joe is onlangs aangestel as assistentafrigtervan die Warriors in Qatar.

Layton Beard van die AA gesels met Martelize Brink oor die impak van die ekonomie op motoreienaars se gedrag. Hy praat ook oor die keuse tussen 'n tweedehandse voertuig of 'n goedkoper nuwe een wat veiligheid betref.

Die moeisame tye in die kunstewêreld tydens die inperking in Suid-Afrika het teaters tot stilstand geruk. Johan Rademan het Die Boer-teaterrestaurant besoek waar hy met Margite en Jurg gesels het, en ook Dowwe Dolla se uitgestelde uittrede beleef het.

Veronica Klaase van Matjieskloof het sowat 20 jaar gelede in die Kaap gaan huiswerk doen vir die Oppermans in Brackenfell. Sy het daar vir die heel eerste keer die see beleef, en dit was destyds ook die heel eerste keer dat sy op 'n roltrap geklim het. Haidee Muller het by Veronica by die Oppermans se huis gaan kuier om meer van Matjieskloof en Veronica se ervaring uit te vind. Sy hoor toe ook mee...

Marinebioloog dr. Melissa Boonzaaier-Davids vertel vir Sue Pyler hoe sy nuwe mosdierspesies in die Iziko Suid-Afrikaanse Museum se vergete versamelings ontdek. Sy het al nege nuwe spesies en 'n hele nuwe genus daar ontdek.

Julle ken hom dalk van 7de Laan en Getroud met rugby, maar die man wat by die Hochschule van Musiek in München en die Franco Ferarris Instituut in Milaan sy sangopleiding gedoen het, sing al sedert 2004 in meer as 2,500 vertonings van een van die gewildste musiekblyspele van alle tye. Johan Rademan gesels met Rouel Beukes oor die afgelope 16 jaar op die pad, wat nou einde se kant toe staan.

Geoloog dr. Gideon Groenewald vertel vir Martelize Brink van Clarens se dinosourusse.

Dr. Gerhard Verdoorn gesels met Martelize Brink oor die stand van roofdiere in Suid-Afrika.