Driesestig

Roy Lubbe gesels met Johan Rademan en Martelize Brink oor gasveiligheid.

In die vorige bydrae het ons gehoor hoe Asja Strydom, leerkrag by die Despatch Voorbereidingskool, Oosterse oefeninge inspan om die leerdertjies beter te laat konsentreer in die klas. Die hoof van die skool, Madelène Sachse, het vir Mariska Spoormaker gesê dat die Covid-19-beperkings baie hoë eise aan onderwysers stel om die leerders so goed moontlik te onderrig.

Die een dag by die huis, die ander dag by die skool ingevolge die pandemie-protokolle, maak die leerlinge onder meer lui en hulle aandag dwalend, is gevind by Despatch Voorbereidingskool. In een klas word Oosterse konsentrasie-oefeninge elke dag aangebied om die leerdertjies te help om gefokus te bly. Mariska Spoormaker het gaan kyk hoe dit by die skool gedoen word.

Hennie Voster gesels met Johan Rademan en Martelize Brink oor die uitdagings om 'n atipiese kind groot te maak.

Floris Steenkamp van DuToit in die Koue Bokkeveld het vir Haidee Muller-Isaacs gewys hoe 'n mens eintlik appels pluk, en dat die woord, KNEUS, soos 'n vloekwoord is wanneer jy appels pluk. Floris vertel vir Haidee om te boer is sy hartsbegeerte, en dat hy nooit ooit iets anders wil doen as dit nie.

Hannes du Preez vertel vir Johan Rademan en Martelize Brink van Suid-Afrika se vyfde grootste dam, die Jozini-dam.

Die dertienjarige Philip Botha vertel vir Johan Rademan en Martelize Brink hoe hy stopmotion-animasie doen.

Pieter Kotzé vertel vir Johan Rademan en Martelize Brink van die vordering met die restourasie op Wupperthal.

Gary Janeke vertel vir Martelize Brink van die gemeenskapsondersteuning wat Strong Schools Community Collaborative aan 13 laer inkomste skole in die Helderberg bied.

Bradley Gibbons vertel vir Martelize Brink van die bedreigings vir bloukraanvoëls.

Professor Renata Schoeman vertel vir Martelize Brink hoe jy van uitbranding kan herstel.

Albie Klein vertel vir Martelize Brink van die gevare van asbes en wat die wet daaroor sê.

Dis alombekend op Oudtshoorn dat Vader Enrico Parry 'n uiters begaafde leerder was tydens sy skooljare in die jare tagtig. Sy oud-onnies op Oudtshoorn vertel nou nog hoe hy basies enige loopbaan sou kon najaag, indien hy wou. Hy het die geestelike pad gekies. Haidee Muller-Isaacs het met hom gesels oor sy destydse besluit, en hy bring ook 'n boodskap van hoop aan die moedeloses.

Willem le Grange vertel vir Martelize Brink van die pampoen van 867 kg wat hy gekweek het.

Dr. Winifred E. Bowman vertel vir Martelize Brink van Suid-Afrika se brandewynroetes.

Cintaine Schutte vertel vir Martelize Brink van haar ervaring tydens Flikker en Flash by die Woordfees op Stellenboch.

Haidee Muller-Isaacs vind meer uit oor die pragtige St. Saviour Katedraal op haar tuisdorp. Toeriste neem vandag nog foto's van hierdie indrukwekkende katedraal in Baron van Rheedestraat, en desjare het die mense van Oudtshoorn graag hulle troufoto's op die kerk se trappe geneem.

Joe Lishman vertel vir Johan Rademan en Martelize Brink hoe die administrasie van ambagte in die verlede gewerk het.

Ernst Muller vertel vir Johan Rademan en Martelize Brink hoe bye gevang word, en wie dit mag doen. En Kobus Kemp praat oor die wetlike aspekte van bye.

Ons het gehoor hoe die leerlinge van Alexander Road High en Setlaarspark Laerskool ‘n vioolvennootskap gevorm het danksy die sonderlinge Muzukidz-program wat jong, weerlose leerders deur vioolspel help bemagtig. Mariska Spoormaker het die stigter van Muzukidz, Maria Botha, in die musiekklas van Setlaarspark raakgeloop.

In 'n sonderlinge musiekprojek word die violiste van die Baaise Hoërskool, Alexander Road High, geleer hoe om vioollesse vir die kleintjies van Setlaarspark Laerskool, ook in Port Elizabeth, te gee. Die hoërskoolmusiekjuffrou aan stuur van hierdie vioolprojek is Elmarie van der Vyver. Mariska Spoormaker het by Alexander Road High gaan inloer om die storie te kry.

Kenne Loubser vertel hoe jou emosies jou finansiële gedrag beïnvloed.

Johan Oldenburg gesels met Johan Rademan en Martelize Brink oor sy suksesvolle skuif van die finansiële wêreld na die modebedryf.

Anton Goosen gesels met Johan Rademan oor Silver de Lange, en die rol van grafte as monumente. En Maryna Viviers gesels oor haar oorlede man, Gerhard Viviers, se graf wat onlangs opgeknap is. Sy deel ook 'n paar herhinneringe van hom.

Jako van Tonder vertel vir Johan Rademan van die rol van ‘n familieslaghuis en waar 'n slagter sy opleiding kry.