Driesestig

Haidee Muller-Isaacs gesels met die skrywer en digter, Willem Fransman Jnr, oor hoe sy liefde vir boeke en digkuns by sy plaasaarbeiderouers ontstaan het.

Corné Waldeck gesels met Martelize Brink oor antieke en vintage juweliersware.

Gerard de Kamper vertel hoe hulle bewys het dat die skildery, Portret van 'n Ou Man, toe nie 'n oorspronklike Rembrandt is nie.

Dr. Hendrik Smith vertel van praktyke wat 'n positiewe impak het op grondgesondheid en klimaatsverandering.

Vir diegene wat nog vir Louie-Anna Nel onthou - die ouma van Mosselbaai wat onder meer aktief besig was met matriekwiskunde, ballet en swem - sy het haar luukse meenthuis verkoop en met feitlik al haar meubels weggedoen sodat sy ‘n super minimalistiese lewe in Kaapstad kan lei. Sy het aan Mariska Spoormaker vertel hoekom sy dit gedoen het.

Skolier Christiaan Brandt vertel vir Johan Rademan en Martelize Brink hoe hy al verskeie kere as 'n danswêreldkampioen bekroon is. Hy verteenwoordig Sui-Aafrika later vanjaar by die Dans Wereldbeker.

Dr. Rehana Malgas-Enus gesels met Johan Rademan en Martelize Brink oor haar uitreikprojek om wetenskapklasse vir hoërskoolleerders te verryk en eksperimente bekostigbaar te maak. Weens inperkingsomstandighede moes sy die aanslag egter aanpas.

Dr. Hendrik Smith praat oor die rol van grondgesondheid in klimaatsverandering.

Prof. Lomé Koekemoer vertel vir Johan Rademan en Martelize Brink hoe werksverhoudings tydens die Covid-19-periode verander het.

Riaan Cruywagen gesels in 'n huldeblyk oor sy oudkollega Monica Breed.

Die sewe jaar lange droogte in groot dele van die Oos-Kaap het onder meer tot gevolg dat Nelson Mandelabaai se opgaardamme feitlik leeg is. Ná goeie reënval die afgelope tyd, was die verwagting dat die damme voller sou word, maar die gesamentlike stand bly op nagenoeg 12%. Wat gaan dan aan in die damme se opvangsgebiede dat so min water afloop na die damme? Mariska Spoormaker het met ekoloog Japie...

Neil Roets praat oor die impak van die pandemie op Suid-Afrikaners se finansies, en hoe hulle deesdae finansiële verantwoordelikheid neem.

Shaun Oelf gesels met Johan Rademan en Martelize Brink oor die JazzArt dansgeselskap se terugkeer na die verhoog voor 'n gehoor.

Veearts dr. Ingrid de Wet praat oor genadedood vir troeteldiere. Sy verduidelik wanneer hierdie besluit gemaak moet word, watter proses gevolg word, en hoe om dit te hanteer.

Emile Joubert gesels met Johan Rademan en Martelize Brink oor 'n bottel Grand Constance 1821 wyn wat vir R420 000 verkoop is. Hy het dit al geproe...

Allewyn van der Linde en Gregory Webb gesels met Johan Rademan en Martelize Brink oor georganiseerde stookgroepe.

Dr. Nico Elema praat oor akademiese samewerking tussen Afrika-universiteite.

Cara McDowell vertel vir Martelize Brink van Koperfontein naby Hopefield.

Dr. Danny Titus het kort voor sy dood in 2020 uitgetree as die AKTV se direkteur van kultuur. Hy het verskeie hoede gedra en het ook by DAK-netwerk as voorsitter gedien. Dié nie-winsgewende organisasie het hom onlangs gehuldig met 'n gedenklesing by Kunstekaap, Haidee Muller-Isaacs was daar.

Jeanne du Plessis praat oor die vraag na opgeleide ambagslui.

Die akteur Alvin Bruinders vertel vir Haidee van sy pa, die veteraanakteur Simon Bruinders, en wat hy alles by hom geleer het. Alvin praat oor sy grootwordjare en sy eintlike beroep, want hy het oor die jare geleer om nét akteur te wees, sal nie die pot aan die kook kan hou nie.

Andrew Jacobs gesels ooor 45 jaar van vingers in die grond by Kirstenbosch, en mense soos Meryl Streep wat hy daar ontmoet het.

Alan Fritz gesels met Martelize Brink oor die rol van mediese fondse.

Dr. Nicholas Crisp gesels met Martelize Brink oor die prys van gesondheidsorg.

Haidee Muller-Isaacs gesels met pastoor Chantell Davis van Oos-London oor haar rare dubbelswangerskap, oftewel superfetasie. Sy was eers net bewus van een fetus in haar baarmoeder. Op 11 weke het sy gehoor daar is nog een. Die tweede eiersel is 'n week na die eerste bevrug, en Chantell het dus, nadat sy reeds swanger was, weer swanger geraak. Minder as 20 gevalle wêreldwyd is al hieroor gedokument...